Vëllai i lideri komunist Kim Jong Un ishte spiun i CIA-s

Kim Jong Nam, vëllai i liderit të Koresë së Veriut, ka punuar për CIA-n citon The Wall Street Journal. Sipas një burimi “Kim Jong Nam, i cili jetonte në territorin gjysmë autonome të Kinës në Makau, në vitet para vdekjes së tij, ishte takuar disa herë me operativë të CIA-s”.

Lideri i Koresë së Veriut “do të kishte konsideruar Kim Jong Nam duke u folur spiunëve amerikanë një akt të pabesë” thotë burimi, i cili shton se “Kim Jong Nam i dha informacion CIA-s duke takuar punonjësit e tij në Singapor dhe Malajzi”.

Në shkurt 2017, Kim Jong Nam u sulmua nga dy gra me urdhër të Phenianit në një aeroport në kryeqytetin malajzian, Kuala Lumpur, ku gjeti vdekjen si pasojë e një gazi helmues nervor.  

Kim Jong-un ekzekuton diplomatët e tij, dështuan në negociatat me SHBA

Kim Jong-un ka ekzekutuar negociatorët e tij me SHBA-në për takimin e dytë të zhvilluar në Vietnam me Presidentin Trump për arritjen e një marrëveshje bërthamore.

Negociatorët u ekzekutuan si përgjegjës për dështimin e këtij takimi dhe u akuzuan për “tradhti ndaj liderit suprem”.

Kim Hyok Chol është qëlluar në aeroportin Mirim, pasi akuzohet se ishte faji i tij që “SHBA doli fituese” nga ai takim. Diplomati, i cili shoqëronte Kim Jong-un në trenin e tij privat përpara samitit në Vietnam, ishte një nga katër zyrtarët e lartë të Ministrisë së Jashtme të ekzekutuar në aeroport. Zyrtarët e tjerë të ekzekutuar nuk u bën publik me emra, por të gjithë u akuzuan si “spiunë” të SHBA.

Sipas raporteve, një tjetër zyrtar i lartë, Kim Yong Chol, i cili kishte qenë në diskutimet bërthamore me Pompeon, u dërgua në burg për riarsimim ideologjik. Gjithashtu edhe përkthyesi i Kim Jong-Un, Shin Hye Yong u dërgua në burg për një gabim në samitin.

Kim Jong Un do takohet me presidentit Putin

Presidenti rus, Vladimir Putin dhe udhëheqësi i Koresë së Veriut, Kim Jong Un do të takohen në Rusi gjatë këtij muaji. Njoftimi për takimin mes dy liderëve u dha nga Kremlini, por nuk dha asnjë detaj tjetër.

Takimi mes aleatëve të Luftës së Ftohtë vjen në një moment delikat në negociatat bërthamore midis Koresë së Veriut dhe Shteteve të Bashkuara, të cilat kanë ngecur që kur raundi i fundit i bisedimeve nuk arriti në asnjë marrëveshje.

Koreja e Veriut po kërkon më pak sanksione në shkëmbim të denuklearizimit, ndërsa SHBA ka kërkuar prova më të mëdha se vendi është i përgatitur për të reduktuar arsenalin e saj bërthamor. Mosmarrëveshja besohet të jetë arsyeja kryesore që bisedimet e raundit të dytë përfunduan pa marrëveshje.

Kim Jong-un tjetër mundësi Trump nëse vjen me “qëndrimin e duhur”

Udhëheqësi i Koresë së Veriut Kim Jong-un ka thënë se do të marrë pjesë në një samit të tretë me Donald Trump, vetëm nëse SHBA-ja do të vijë me “qëndrimin e duhur”.

Mediat shtetërore të Koresë së Veriut raportuan se kryetari i shtetit të tyre, Kim Jong kishte kërkuar një samit të tretë me presidentin e SHBA për të arritur marrëveshje që janë “reciprokisht të pranueshme”.

Të dy udhëheqësit u takuan për herë të parë në Singapor vitin e kaluar. Megjithatë, një samit i dytë në Hanoi, Vietnam, në shkurt u prish për arritjen e një marrëveshje për zhvillimet bërthamore të shtetit komunist.

Kim tha se kishte një “dyshim të fortë” nëse SHBA dëshironte të përmirësonte marrëdhëniet me Korenë e Veriut, megjithatë vazhdoi duke thënë: “Ne jemi të gatshëm t’i japim një mundësi tjetër SHBA-së për një samit të tretë nëse vjen me qëndrimin e duhur dhe të arrihet një marrëveshje reciprokisht e pranueshme për të dy shtetet. SHBA mendon gabim nëse përmes presionit të madh do të mund të na nënshtrojë.”

Megjithatë, Kim Jong-un shtoi se lidhjet e tij personale me Z. Trump mbetën “të shkëlqyera”.

Skip to toolbar