Ngërçi me zgjedhjen e Kryeprokurorit, KLP kërkon Vetting të përshpejtuar për Olsian Çelën

Këshilli i Lartë i Prokurorisë i është drejtuar me një letër zyrtare Komisionit të Pavarur të Kualifikimit, për përshpejtimin e procedurës për rivlerësimin e kandidatit për Prokuror të Përgjithshëm Olsian Çela.

Ky i fundit është një nga kandidatët që ka dorëzuar dosjen për tu bërë Prokuror i Përgjithshëm, por deri më tani, Çela ende nuk e ka kaluar Vettingun, pasi dosja e tij mbetet në pritje për rivlerësim nga Komisioni i Pavarur i Kualifikimit. Shkresa e KLP-së mban firmën e kryetarit të saj Gent Ibrahimi, i cili ndër të tjera shkruan:

“Në këto kushte, nisur nga rëndësia e procesit të përzgjedhjes së Prokurorit të Përgjithshëm, si dhe duke mbajtur parasysh afatin e parashikuar nga neni 31 i Ligjit nr 97/2016 “Për Organizimin dhe Funksionimin e Prokurorisë së Republikës së Shqipërisë”, për kryerjen e verifikimit të plotësimit të kushteve ligjore nga kandidatët, do të kërkonim nga ana juaj rivlerësimin me përparësi të subjektit Olsian Çela brenda 30 ditëve nga mbërritja e kësaj kërkese”, thuhet në shkresën e KLP-së.

Vettingu boshatis prokuroritë, KLP emëron drejtuesit e rinj

Këshilli i Lartë i Prokurorisë ka miratuar ditën e sotme drejtuesit e rinj në disa prokurori të vendit, pas vakancave të krijuara nga procesi i vettingut. Ja disa nga vendimet që KLP mori ditën e sotme:

-KLP caktoi me 11 vota pro, Julian Çafkën drejtues të përkohshëm të Prokurorisë Gjirokastër, pas shkarkimit të Arben Pasho.

-KLP votoi me 11 vota shtyrjen e afatit me 3 muaj, të Irena Çunoti për drejtimin e Prokurorisë së Apelit Korçë, e cila u vendos në krye të këtij institucioni pas shkarkimit nga vettingu të Irma Ballit.

-KLP miratoi me 11 vota pro projekt-aktit për shtyrjen e afatit të caktimit të përkohshëm të prokurorit Altin Dumani në funksionin e Drejtuesit në Prokurorinë pranë Gjykatës së Apelit të Krimeve të Rënda, përkatësisht nga dt. 22.05.2019 deri ne 22.08.2019.

-KLP miratoi me 11 vota pro Rozeta Qirjaqin, prokurore pranë Gjykatës së Apelit Korçë të ushtrojë funksionin e Drejtuesit në Prokurorinë pranë Gjykatës së Apelit Korçë.

Ashtu siç pritej, Marku në garë për kryeprokurore

Arta Marku, që mban aktualisht postin e Prokurores së Përgjithshme të përkohshme prej më shumë se një viti, ka dorëzuar zyrtarisht kërkesën dhe dokumentacionin e saj pranë KLP-së për të marrë pjesë në garë për kreun e Prokurorisë së Përgjithshme.

Aktualisht në garë janë edhe 3 kandidatë të tjerë, Olsion Çela prokuror në Prokurorinë e Krimeve të Rënda, Fatjona Memçaj aktualisht prokurore në prokurorinë e Apelit, dhe avokati Lulzim Alushaj.

Fatjona Memçaj dhe Arta Marku kanë kaluar me sukses vettingun ndërsa dy kandidaturat e tjera pritet t’i nënshtrohen këtij procesi.

Mes debateve të ashpra Staka arrin të triumfojë në KLP

Asambleja e Përgjithshme e Prokurorëve ka konfirmuar Vatë Staka si anëtarin më të ri të Këshillit të Lartë të Prokurorisë.

KLP ishte me një vakancë, pas shkarkimit të Antoneta Sevdarin, e cila nuk kaloi dot vetingun. Staka ishte kandidatura e vetme për plotësimin e vendit vakant dhe kjo ka ngjallur debate te ashpra mes prokuroreve dhe kryeprokurores Arta Marku.

45 prokurorë nga 230 të pranishmit në sallë kërkuan se kur ka një kandidat të vetëm, ai të konfirmohej si anëtar i KLP-së vetëm nëse merrte më shumë se 50% të votave, por Marku nuk pranoi që kërkesën ta hidhte në votim.

Vatë Staka u votua me 135 vota pro dhe 81 kundër.

Kaloi me sukses Vetingun, pritet konfirmimi i tij në KLP

Prokurorja e Përgjithshme, Arta Marku ka kërkuar mbledhjen e prokurorëve për të zgjedhur anëtarin e ri të Këshillit të Lartë të Prokurorisë.

Mbledhja u kërkua pas kalimit me sukses të procesit të rivlerësimit të prokurorit Vatë Staka dhe emërimin e tij si anëtar në KLP, në postin vakant.

Takimi do të zhvillohet më 11 prill dhe se kërkohet prezenca e të gjithë prokurorëve.