Fotot e dëshmorëve, Milo: Nëse do na pyesnin ne, s`do gabonin

Historiani Paskal Milo e cilësoi si një veprim për tu vlerësuar, vendosjen e fotove në bulevard të dëshmorëve të Luftës Antifashiste Nacional Çlirimtare. Në studion e emisionit “Real Story” të gazetarit Sokol Balla, se ata njerëz dhanë jetën e tyre për lirinë e Shqipërisë. “Së pari duhet të jemi të ndërgjegjshëm, ajo që u bë për të vendosur fotot e heronjëve të luftës për 75 vjetorin e çlirmit, është për tu vlerësuar. Vlerësohet lufta dhe njerëzit që dhanë jetën në lule të rinisë për këtë vend. Vendosja e fotografive në bulevard është një vlerësim. Ky është thelbi i debatit”, tha Milo.

Megjithatë, ai shprehu rezerva për faktin se për vendosjen e tyre nuk janë pyetur historianët. “Përtej kësaj, ka ndodhur një lajthitje, një gabim… Unë u intersova të di se kush është marrë me listën e njerëzve që janë vendosur në bulevard. Pyeta, dhe nuk duhet të përmend emrat. U interesova në Institutin e Historisë, u interesova në fakultetin e Historisë, po qe se do ishin pyetur historianët dhe specailsitët, ata patjetër që do e kishin shmangur këtë gabim që qoftë me dashje qoftë padashje ndikoi”, tha historiani.

Ndërkohë, ai shtoi, se edhe nëse ato tre fotot që kanë ngjallur debat nuk do të ishin vendosur, përsëri do të ishte gjeneruar debat. “Edhe nëse këta persona të mos ishin vënë, përsëri debati do gjenerohej. Pse do kishte debat? Do kishte për shkak të rrjedhoja që erdhën nga lufta dhe interpretimit që i bëhet luftës për objektiva aktuale politike”./Realstory.al/

Gjenerali i “tre epokave”, shuhet në moshën 100-vjeçare Rrahman Parllaku

Mbrëmjen e të dielës, në moshën 100-vjeçare, është ndarë nga jeta Gjeneral Rrahman Parllaku. Ai është cilësuar si “Gjenerali legjendar”, për shkak të karrierës së tij të gjatë në ushtri, nga Lufta Nacional Çlirimtare deri te funksionet drejtuese në ushtri dhe ministrinë e mbrojtjes gjatë periudhës së diktaturës komuniste. Madje, ishte regjimi të cilit i shërbeu, që në vitin 1974 e dënoi me burg për “agjitacion dhe propagandë”. Gjeneral Rrahman Parllaku, e nisi karrierën e tij si ushtarak në vitin 1939, kur Shqipëria u pushtua nga Italia Fashiste.

Ai luajti rol të rëndësishëm gjatë luftës së LANÇ, duke udhëhequr disa operacione luftuese si drejtues i disa brigadave. Gjeneral Parllaku luftoi edhe në Kosovë ku së bashku me forcat jugosllave çliruan krahinën e Sanxhakut gjatë luftës së dytë botërore. Pas luftës, ai mori disa detyra drejtuese në Partinë Komuniste, derisa në vitin 1947 u rikthye në ushtri. Parllaku ka mbaruar studimet në Akademinë e Shtabit të Përgjithshëm të Ushtrisë sovjetike “Voroshillov”. Pas kthimit nga studimet, ai u emërua drejtor i Drejtorisë së Organizim-Mobilizimit në Ministrinë e Mbrojtjes.

Në vitin 1952-1954 caktohet në postin e zëvendësministrit të Mbrojtjes e drejtor i Prapavijës së Ushtrisë dhe mori gradën e lartë të gjeneral-majorit, duke mbajtur poste të larta drejtuese deri në vitin 1974. Parllaku u arrestua dhe dënua për pjesëmarrje në të ashtuquajturin “puç ushtarak”, nën akuzën e “krimit dhe tradhtisë ndaj atdheut, sabotimit dhe agjitacionit dhe propagandës me rrezikshmëri të lartë”. Në bazë të këtyre akuzave u dënua me 25 vjet heqje lirie, nga të cilat 16 vjet e tri muaj i vuajti në burg (nga dhjetori i vitit 1974 deri më 17 mars të vitit 1991).

SHBA, Zvicër dhe Shqipëria, 3 vendet më të sigurta në rast lufte

Ndërsa tensionet mes SHBA dhe Kinës shtohen dhe përshkallëzojnë, ka bërë që shumë njerëz në botë, sidomos britanikët, të mendojnë se shumë shpejt do të zhvillohet një Luftë e Tretë Botërore. Kjo ka bërë një gazeta “Daily Express” të bëj një studim se kush do të ishin vendet më të sigurta, nëse një lufte e tillë do të niste vërtet. Ajo rendit 3: SHBA, Zvicrën dhe Shqipërinë, për shkak të numrit të tyre të bunkerëve që kanë për strehimin e popullsisë.

Shumë nga shtetet amerikane kanë një rrjet bunkerësh. Qeveria e SHBA për herë të parë krijoi bunkerë të fshehtë gjatë Luftës së Ftohtë. Ndërsa Zvicra është unike në këtë drejtim, pasi ajo ka bunkerë nëntokësorë mjaftueshëm për të akomoduar gjithë popullsinë e saj. Në vitin 1963, ligji zviceran diktonte se të gjitha shtëpitë mbi një madhësi të caktuar të ndërtonin edhe një bunker nëntokësor përkrah kësaj.

Ndërsa Shqipëria me më shumë se 170 000 bunkerë u ndërtuan midis viteve 1960 dhe 1980, gjatë komunizmit që llogaritet si 5.7 bunkerësh për çdo kilometër katror në Shqipëri ose një bunker për çdo katër shqiptarë. Ato u ndërtuan gjatë një kohe krize ekonomike dhe strehimi dhe asnjëherë nuk u përdorën për mbrojtje nga lufta. Edhe Suedia me një numër të lartë bunkerësh mund të strehojë në bunkerët e saj 7 milionë njerëz në rastin e një lufte apo fatkeqësie

Vendet më të rrezikshme në botë në rast lufte janë Libia, Somalia, Jemeni, Afganistani, Sudani dhe Mali.