Kushtetuesja, BE njeh afatin 30-ditor

Zëdhënësja e Bashkimit Europian, Maja Kocijancic, reagoi zyrtarisht në lidhje me ngërçin e krijuar për emërimet në Gjykatën Kushtetuese në Shqipëri. Në një deklaratë të shpërndarë nga delegacioni i Bashkimit Europian në Tiranë, BE i referohet Kushtetutës dhe legjislacionit të ndryshuar në vitin 2016, që përcakton qartë rolin e të gjitha institucioneve në zgjedhjen e anëtarëve të Gjykatës Kushtetuese. Në deklaratën e Bashkimit Europian, theksohet fakti se ndryshimet ligjore dhe ato kushtetutese të vitit 2016, kanë parashikuar mekanizmin zhbllokues pas skadimit të afatit 30-ditor për zgjedhjen e anëtarit të Gjykatës Kushtetuese, si mjete për të forcuar pavarësinë e institucioneve të drejtësisë.

A duhet ndërruar Kushtetuta për të kufizuar Presidentin?

“Reforma në drejtësi e miratuar unanimisht nga Parlamenti me ndryshimet kushtetuese dhe legjislative të vitit 2016 kishte konceptuar renditjen teknike nga Këshilli i Emërimeve në Drejtësi, kufizimin e diskrecionit të organeve të emërimit me tre kandidatët e parë më të kualifikuar, si dhe zbatimin e mekanizmit zhbllokues pas skadimit të një afati 30-ditor, si mjete të rëndësishme për të forcuar parimin e pavarësisë së institucioneve të drejtësisë, në veçanti të Gjykatës Kushtetuese, si dhe parimet e objektivitetit, meritokracisë dhe vazhdimësisë institucionale në lidhje me emërimin e zyrtarëve të sistemit të drejtësisë”, thuhet në deklaratën e BE, duke lënë të kuptohet se njeh emërimin e Arta Vorpsit si anëtare e Gjykatës Kushtetuese. Pra, BE i referohet mekanizimit zhbllokues pas skadimit të afatit 30-ditor, që emëron automatikisht kandidatin e renditur të parin në listën e KED-s.

Statement of EU Spokesperson Maja Kocijancic in response to questions from Euronews Albania. / Deklaratë e Zëdhënëses së BE-së, Maja Kocijancic në përgjigje të pyetjeve nga Euronews Albania. pic.twitter.com/NoJwimYmIV
— EU in Albania (@EUinAlbania) November 18, 2019

Më tej, Bashkimi Europian është i prerë në qëndrimin e tij, duke u shprehur se: “Një interpretim që nuk i pranon këta elementë thelbësorë të mekanizmit të emërimit, siç përcaktohet në Kushtetutë dhe ligjet përkatëse, vë në pikëpyetje parimin e shtetit të së drejtës”, duke treguar indirekt Ilir Meta, me interpretimin për afatet për emërimin e anëtarëve të Gjykatës Kushtetutese, ka vënë në pikëpyetje parimin e shtetit të së drejtës. Ndonëse Bashkimi Europian nuk bën komente lidhur me hapat e ndërmarrë në lidhje me emërimin e anëtarëve të Gjykatës Kushtetuese, por apelon që konflikti të zgjidhet me urgjencë, për të siguruar funksionimin e Gjykatës Kushtetuese.

“Nuk i takon Bashkimit Evropian të vlerësojë përputhshmërinë e hapave të ndërmarrë në lidhje me emërimin e anëtarëve të Gjykatës Kushtetuese me Kushtetutën dhe ligjet përkatëse. Në të njëjtën kohë, është thelbësore që ky konflikt interpretimi të zgjidhet me urgjencë, duke marrë parasysh dispozitat dhe frymën e ndryshimeve kushtetuese dhe legjislative të vitit 2016, për të siguruar që Gjykata Kushtetuese të bëhet plotësisht funksionale sa më shpejt që të jetë e mundur”, thotë zëdhënësja e BE-së.

Gjithashtu, Bashkimi Europian u kërkon palëve, që në mungesë të Gjykatës Kushtetuese, t`i drejtohen Komisionit të Venecias për mendim. “Në mungesë të një Gjykate Kushtetuese funksionale që mund të vendosë mbi këtë interpretim të papajtueshëm, rekursi për një mendim të Komisionit të Venecias duket si një zgjidhje efektive për ta trajtuar këtë situatë si një çështje me përparësi”, përfundon deklarata e zëdhënëses të BE-së.

BE: Njohim të zgjedhurit e rinj lokal, tani dialog

Bashkimi Europian ka “certifikuar” procesin e zgjedhjeve të 30 qershorit dhe i ka vlerësuar ato të qeta dhe të rregullat, ashtu siç bëri pak më parë edhe Ambasada Amerikane.

Zëdhënësja e Përfaqësueses së Lartë për Politikën e Jashtme, Federica Mogherini, Maja Kocijancic deklaroi e pavarësisht ndarjes politike, zgjedhjet ishin të rregullta. Madje ajo tha se të zgjedhurit e rinj në krye të bashkive do të jenë në gjendje të kryejnë të gjitha kompetencat kushtetuese, duke njohur ligjshmërinë e zgjedhjes së tyre. Kjo rrëzon kreun e Bashkisë Kamëz, Xhelal Mziu, i cili ka thënë se nuk e liron karrigen e tij, pasi nuk i njeh këto zgjedhje.

“Zgjedhjet lokale të zhvilluara në Shqipëri të dielën më 30 qershor u zhvilluan në një kontekst të ndarjes politike, por në një mënyrë përgjithësisht të qetë dhe të rregullt. Ne morëm parasysh të gjitha vërejtjet paraprake të bëra nga shefi i Misionit të Vëzhgimit të Zgjedhjeve të OSBE / ODIHR. Organet lokale të sapo zgjedhura tani duhet të jenë në gjendje të punojnë sipas kompetencave të tyre kushtetuese, në dobi të qytetarëve të vendit.” – thotë Kocijancic.

Zëdhënësja e BE, Kocijancic bëri thirrje që palët të tregojnë pjekuri politike dhe të ulën në dialog për të kapërcyer krizën dhe të punojnë për reformat me rëndësi për vendin.

“Siç thuhet në mënyrë të përsëritur: qeveria dhe opozita duhet të tregojnë pjekuri politike dhe të angazhohen urgjentisht në dialog konstruktiv për të kapërcyer situatën aktuale politike. Të gjitha institucionet shqiptare dhe udhëheqësit politikë tani duhet të përqendrojnë përpjekjet e tyre në vijueshmërinë e zbatimit të procesit të reformës, duke përfshirë rinisjen e reformës së iniciuar më parë të legjislacionit zgjedhor për të adresuar rekomandimet e ODIHR-it.” – thuhet në reagimin e saj.

Mocioni i Holandës për negociatat, Koçijançiç: KE e ka shprehur qëndrimin

“Rekomandimi i KE tregon se Shqipëria dhe Maqedonia e Veriut kanë treguar vendosmërinë për të avancuar në rrugën e integrimit dhe se ato kanë arritur rezultate të prekshme dhe të qëndrueshme.” Kjo ka qenë përgjigja e zëdhënëses së Shefes për Politikën e Jashtme , Maja Koçijançiç, kur u pyet nga ABC News për argumentin e parlamentit holandez “se nuk ka rezultate të prekshme në luftën kundër krimit të organizuar dhe korrupsionit në Shqipëri.”

Koçijançiç tha se KE është pro zgjerimit gjeostrategjikë të Bashkimit Europian për stabilitetin, paqen, sigurinë dhe zhvillimin ekonomik në Ballkanin Perëndimor dhe se progres-raporti shpreh qëndrimin objektiv të KE lidhur me ecurinë e reformave për integrimin. “Tani i takon Këshillit të Ministrave që të konsiderojë këtë rekomandim dhe të vendosë për hapat që vijnë. Ju rikujtoj edhe deklaratën e Presidentit të Komisionit Europian kur u takua me kryeministrin shqiptar, e cila tregon qartë qëndrimin e tij dhe të Komisionit”. –thaKoçijançiç

Ndërsa skepticizmit të Holandës, Francës por edhe Gjermanisë, ku ka deputetë të Bundestagut që thonë se rezultatet e paraqitura nga Shqipëria nuk janë bindëse, Koçijançiç shtoi se:”Raportet janë përgatitur në një hark kohor disa muajsh dhe janë rezultati i një pune tërësore me analiza të detajuara. Nëse i lexoni, do ta shihni vetë; Askush nuk po thotë se të gjitha kriteret dhe të gjitha kushtet janë përmbushur. Ky është një proces. Por nëse i referohemi punës që duhej bërë për këtë stad, kjo është bërë. Kjo nuk do të thotë se puna mbaron aty. I takon këshillit të Bashkimit Europian të vendosë dhe nuk do të komentoj qëndrime, spekulime apo debate në gjirin e shteteve anëtare.”

NEGOCIATAT, HOLANDA TJETËR PENGESË: KUSHTE MAQEDONISË DHE SHQIPËRISË