Përballja mes Kosovës dhe Malit të Zi është shoqëruar me incidentet.
Tifozët malazez që ndosheshin në stadiumin “Fadil Vokrri” për të mbështetur kombëtaren e tyre, janë përleshur me tifozët kosovarë në pushimin e pjesës së parë.
Tifozët miq janë përleshur me tifozët shqiptarë, të cilët i kanë pasur përballë tribunës së tyre.
Ndonëse forcat e sigurisë kanë ndërhyrë, shmangja e përplasjes mes tifozëve ishte e pamundur. Ende nuk dihet nëse ka të lënduar nga përplasja.
Kosova nuk ka shkuar më shumë se barazimi 1-1 në ndeshjen e dytë kualifikuese të Euro 2020, që luajti në transfertë ndaj Malit të Zi. Ekipi i drejtuar nga trajneri Chalandes bëri një ndeshje të mirë, duke kaluar në avantazh që në minutën e 24` me Milot Rashicën. Ky i fundit realizoi një gol të bukur brenda zonës, duke i dhënë avantazhin “Dardanëve” në pjesën e parë.
Ekipi malazez reagoi pas pushimit të pjesës së dytë, duke gjetur golin e barazimit në minutën e 69`. Mugosa mposhti mbrojtjen dhe portierin e Kosovës, pas një shërbimi të mirë nga Jankovic.
Ndonëse pati dominimin e lojës gjatë gjithë Kohës, Kosova nuk arriti të shfrytëzonte rastet e krijuara. Pas këtij barazimi skuadra e drejtuar nga Bernard Challandes mbetet në vendin e tretë në Grupin A, ndërsa Anglia kryeson grupin me 6 pikë dhe Republika Çeke ndodhet në vendin e dytë me 3 pikë, pasi mundi këtë të premte Bullgarinë me rezultatin 2-1 në transfertë.
Një sasi e madhe drogë që vinte nga Shqipëria është sekuestruar në Malin e Zi.
Plot 205 kg kanabis sativa është gjetur në lumin Buna, në vendin e quajtur Sutjel në territorin e Komunës së Ulqinit.
Droga ishte e ndarë në 7 çanta dhe po transportohej nga 4 persona, të cilët janë larguar sapo kanë parë patrullën e policisë kufitare.
Policia po heton për identifikimin dhe kapjen e autorëve.
Federata e Futbollit të Malit të Zi është dënuar nga Komisioni i Disiplinës në UEFA, me këtë të fundit që e detyron federatën e shtetit fqinj të Shqipërisë, të luajë ndeshjen e ardhshme në shtëpi të ekipit kombëtar me dyer të mbyllura dhe të paguajë 20 mijë euro gjobë.
Ky dënim i rëndë vjen pas sjelljeve antisportive të tifozëve malazez ndaj lojtarëve të ekipit anglez, në ndeshjen që Mali i Zi luajti kundër Anglise, në takimin e vlefshëm për eleminatoret e europianit gjatë muajit mars.
Sipas vendimeve të publikuara sot në faqen zyrtare të UEFA-s, gjatë ndeshjes Mali Zi-Angli, tifozët vendas kanë hedhur mjete piroteknike në fushë, objekte dhe sende të forta, janë thirrur kore raciste dhe janë thyer masat e sigurisë në stadium.
Megjithatë, lajmi më i rëndësishëm është fakti se nga ky dënim i Malit të Zi përfiton Kosova, pasi “Dardanët”, janë ekipi i radhës që Mali i Zi pret në shtëpi në ndeshjen e ardhshme të kualifikueseve të Euro 2020.