Mediat kineze raportojnë se Marcello Lippi do të rikthehet si trajner i ekipit kombëtar të Kinës, pas dorëheqjes së Fabio Cannavaros, nga posti i trajnerit të përkohshëm të ekipit përfaqësues të Kinës.
Mediat raportojnë se negociatat mes Lippit dhe Federatës Kineze të Futbollit kanë shkuar mirë, teksa të dyja palët kanë rënë dakord për nisjen e bashkëpunimit.
Fabio Cannavaro dha dorëheqjen nga ekipi kinez, pas dy humbjeve radhazi në dy ndeshjet e fundit që ai e drejtoi këtë kombëtare, ku Kina u mund nga Tailanda dhe Uzbekistani.
“Me respektin e duhur për Kinën si një vend i madh, mendoj se është e nevojshme të shpallë vendimin tim për të hequr dorë nga pozita ime si trajner i ekipit kombëtar të Kinës”, shkruante ndër të tjera Cannavaro, i cili drjeton aktualisht ekipin e Guangzhou në Superligën e Kinës.