“U fsheh në tavan”, aksion si në filma për të kapur të riun në Mat

Policia e Matit arrestoi një të ri, 23 vjeç, i cili akuzohet për veprat penale “Armëmbajtja pa leje” dhe “Prishja e qetësisë publike”. Ky shtetas ishte me precendent të mëparshëm penal, pasi ishte dënuar për veprat penale “Dhuna në familje”, “Vjedhja” dhe “Kundërshtim i urdhrit të punonjësit të Policisë”. Ky shtetas u kap në kuadër të operacionit operacionit policor “Stadiumi”.

Policia kishte rreth disa javë që hetonte për veprimtarinë kriminale të të riut dhe një ngjarje ku ai ishte përfshirë duke përdorur armën. Mbi bazën e hetimeve dhe informacioneve të marra, shërbimet e Komisariatit të Policisë Mat bënë lokalizimin e vendodhjes së autorit M. H., 23 vjeç, banues në Burrel dhe në kuadër të operacionit policor “Stadiumi” u bë kapja e tij, i cili kur ka parë që Policia kishte rrethuar banesën e tij është fshehur në tavanin e saj, por pas kontrollit është vënë në prangat e Policisë.

Ky shtetas, në orët e vona të natës së datës 30 tetor në afërsi të stadiumit të qytetit Burrel është përfshirë në një konflikt me shtetasin K. Ll., duke qëlluar me armë zjarri në drejtim të tij. Gjithashtu, është shpallur në kërkim dhe vijon puna për kapjen e shtetasit K. Ll. Vijon puna për gjetjen dhe sekuestrimin e armës së përdorur nga shtetasi i lartpërmendur. Materialet hetimore do t’i kalojnë Prokurorisë pranë Gjykatës së Shkallës së Parë Mat, për veprime të mëtejshme.

Goditen kultivuesit e kanabisit në Mat, sekuestrohen mijëra euro

Pas gjashtë muajsh hetimesh, Policia e Matit finalizoi operacionin “Ulëza”, duke arrestuar dy shtetas në flagrancë dhe një tjetër u shpall në kërkim. Sipas policisë, dy të arrestuarit u kapën në flagrancë gjatë shkëmbimit të një shume eurosh dhe lekësh, të përfituara nga veprimtaria kriminale.

Në pranga janë vënë shtetasit R.T., 32 vjeç dhe N. T., 33 vjeç, banues në Ulëz, Mat. Si dhe u shpall në kërkim shtetasi E. Ll, 29 vjeç, banues në Baz, Mat. Këta shtetas u kapën në flagrancë në afërsi të shkollës së mesme të Njëisë Administrative Baz, në momentin që po shkëmbenin një sasi lekësh me njëri- tjetrin, e cila dyshohet se është përfituar nga veprimtaria kriminale në fushën e narkotikëve.

Këta shtetas në bashkëpunim me njëri – tjetrin, dyshohet se janë autorë të disa rasteve të tentativës për të kultivuar bimë narkotike në zonat malore të njësive administrative Ulëz dhe Baz, të cilat janë asgjësuar më parë nga Policia gjatë kontrolleve të territorit.

Në cilësinë e provës materiale u sekuestruan: 6 400 euro, 24 100 lekë, 45 gram lëndë narkotike, 1 orë dore dhe 1 aparat celular. Policia e Matit, në bashkëpunim me Prokurorinë e Rrethit Gjyqësor Mat, po punon intensivisht për arrestimin e personave të tjerë të implikuar në këtë veprimtari të paligjshme. Materialet hetimore do t’i referohen Prokurorisë së Rrethit Gjyqësor Mat, për veprën penale “Kultivimi i bimëve narkotike”.

Aksident tragjik në Mat, mjeti del nga rruga, humb jetën 33-vjeçari, ndalohet shoferi

Pasditen e të dielës ka humbur jetën një tjetër person si pasojë e një aksidenti rrugor. Ngjarja e rëndë ka ndodhur në aksin rrugor Klos-Daras, të Matit. Mësohet se një mjet me drejtues shtetasin B.K., ka dalë nga rruga pasi drejtuesi i mjetit ka humbur kontrollin e tij. Si pasojë e aksidentit ka mbetur i vdekur një 33-vjeçar, emri i të cilit jepet me inicialet B.K.

Ndërkohë, nga aksidenti nuk ka pasur lëndime të rëndë për drejtuesin e mjetit. Policia ka shkuar në vendin e ngjarjes pasi është lajmëruar për aksidentit. Sipas njoftimit zyrtar, mësohet se uniformat Blu kanë bërë shoqërimin e drejtuesit të mjetit, i cili do të merret në pyetje në Komisariatin e Policisë Mat.

Ndërkohë, grupi hetimor po punon për zbardhejn e rrethanave të plota të aksidentit. Ditët e fundit në rrugët e vendit kanë ndodhur disa aksidente, që kanë shënuar pasoja fatale duke shkaktuar disa viktima dhe shumë të plagosur. Shkaku kryesor i aksidenteve gjatë muajit gusht, është shpejtësia tej normave të lejuara, parakalimet e gabuara dhe konsumi i alkolit.