Amir Rrahmani kryen kontrollet. Të hënën firmos kontratën me Napolin, por…

Mbrojtësi i përfaqësues së Kosovës, Amir Rrahmani kaloi të premten testet mjekësore te Napoli. 26-vjeçari ishte në Romë për të bërë vizitat mjekësore, ndërsa duket se gjithçka ka kaluar me sukses.

Siç raporton gazetari sportiv italian, Gianluca di Marzio, Amir Rrahmani do të nënshkruajë të hënën kontratën e re me Napolin. Sipas gazetarit italian, kosovari do të bëhet pjesë e Napolit për një transferim që do t`i kushtojë Napolit 14 milionë euro.

Ndërkohë, Rrahmani do të firmos një kontratë pesë vjeçare me Napolin, ku do të përfitojë rreth 1.8 milionë euro. Amir Rrahmani do të qëndrojë deri në fund të sezonit te Hellas Verona në formë huazimi, ndërsa në qershor do të bashkohet me Napolin.

Rrahmani te Napoli, të premten kontrollet

Futbollisti i përfaqësueses së Kosovës, Amir Rrahmani do të bashkohet me Napolin në ditët në vijim. Qendërmbrojtësi shtatlartë, sipas mediave në Itali, të premten do të kryejë vizitat mjekësore në Romë dhe më pas do të nënshkruajë një kontratë të re me Napolin. Rrahmani, që aktualisht luan me Hellas Verona, do të transferohet për 14 milion euro.

Kontrata e tij e re do të jetë për pesë vite me Napolin, ndërsa ai do të përfitojë rreth 1.8 milion euro. Rrahmani do të bëhet shok skuadre me Elseid Hysajn, mbrojtësin e kombëtares së Shqipërisë që luan prej disa sezonesh te Napoli. Amir Rrahmani kaloi një vit më parë nga Dinamo e Zagrebit te skuadra e Hellas Verona.

Qendërmbrojtësi ka luajtur 18 ndeshje këtë sezon me Veronan duke u aktivizuar në çdo takim si titullar. Më herët, Rrahmani ka luajtur edhe për skuadrën e Partizanit në Shqipëri, përpara se të transferohej në Kroaci. Ai ishte pjesë e Kombëtares së Shqipërisë me ekipet zinxhir. Mirëpo në vitin 2016, ish-trajneri i Kombëtares Gianni de Biasi nuk e grumbulloi për në Francë. Për këtë arsye, Rrahmani dhe Milot Rashica vendosën të luajnë për Kosovën.

Ospina bën gafën e javës, Strakosha e Lazio mposhtin Hysajn e Napolin (video)

Lazio duket se nuk do të ndalet deri në ditën e fundit të kampionatit për të fituar titullin kampion në Itali. Skuadra i Inzaghit po ecën me hapin e kryesuesve të Serie A, Juventus dhe Inter. Të shtunën pasdite, Lazio kaloi një tjetër kundërshtar të vështirë, Napolin. Ndeshja ishte agresive me të dyja skuadrat që kërkuan golin në çdo moment.

Por mbrojtjet respektive nuk lëshuan “pe” derisa portieri i Napolit, Ospina, bëri gafën që i kushtoi rëndë ekipit. Ishte minuta e 82-të, kur Hysaj kthen pas një top te portieri i skuadrës së tij. Por, Ospina në vend që ta largonte e mbajti topin duke tentuar të driblonte sulmuesin e Lazio, Immobile. Ky i fundit pasi i mori topin portierit të Napolit, e gjuajti atë drejt portës, aty ku me ndihmën e lojtarëve kundërshtarë gjeti rrjetën.

Kështu, Lazio mori tre pikë që e mbajnë në vendin e tretë të renditjes me 42 pikë, 3 më pak se Inter dhe Juventus që kryesojnë me 45 pikë. Megjithatë, kujtojmë se Lazio ka ende një ndjë ndeshje për të luajtur. Ndërkohë, të dy futbollistët e kmbëtares, Thomas Strakosha dhe Elseid Hysaj ishin titullar në përballjen mes tyre. Strakosha është vlerësuar me nota të larta nga media italiane nër përballjen me Napolin, ndërsa Hysaj, edhe pse u mund, ishte një nga më të mirët në fushë për Napolin.

“Ancelottin e kam pasur si baba”, Gattuso prezantohet te Napoli

Ish-futbollisti dhe trajneri i Milanit, Genaro Gattuso, është prezantuar zyrtarisht trajner i Napolit. Gattuso zëvendëson në këtë detyrë ish-trajnerin e tij të dikurshëm te Milani, Carlo Ancelottin, që u shkarkua mbrëmjen e të martës nga detyra pasi kualifikoi Napolin në turin tjetër të Champions League. Gattuso foli për mediat të mërkurën, duke treguar dhe arsyet pse i tha “po” Napolit.

“I thashë po Napolit se është protagonist në Itali dhe Europë. Praktikisht 99% e lojtarëve të këtij klubi janë funksional për futbollin që bëj unë. Të dielën ka qenë hera e parë kur kam folur me Napolin, kam bërë 6 orë rrugë për të ardhur këtu e 6 për t’u larguar, kam bërë 12 orë në makinë dhe ishte hera e parë. Nuk ishin ditë të lehta, e dija që duhej të përballesha me një diskutim e të sqarohesha me Carlo Ancelottin, t’i thosha se pse kisha bërë këtë zgjedhje”, tha Gattuso.

Më tej, ai tregoi marrëdhënien që ka me trajnerin e shkarkuar të Napolit, të cilit i zuri vendin. Ish-mesfushori u shpreh se Ancelotti kisthe qenë si baba për të, ndërsa para se të prezantohej te Napoli, Gattuso rrëfeu se kishte biseduar me të.

“Carlo ka qenë një baba për mua, kam bërë qindra ndeshje duke fituar me të. Folëm sot, kam filluar këtë profesion 6 vite më parë e në momentet më të veshtira kam folur gjithmonë me të. Sot, për të disatën herë, ma ka konfirmuar edhe pse nuk ishte nevoja. Më ka konfirmuar se çfarë njeriu është Ancelotti, u zhvesh plotësisht, më tregoi të mirat dhe gabimet e kësaj skuadre, tregoi edhe një herë sa i madh është”, tha Gattuso.

Hysaj i dëmtuar, flet agjenti: Turp për Napolin

Mbrojtësi i kombëtares shqiptare, Elseid Hysaj u dëmtua të dielën, duke humbur grumbullimin me përfaqësuesen. Ndërkohë, agjenti i tij, Mario Giuffredi, deklaroi për mediat italiane të hënën, se mbrojtësi dëshiron të largohet. Ai tregon detaje nga merkato e verës, duke u shprehur se Hysaj mbeti në Napoli, vetëm sepse dështuan negociatat. “Ai mbeti për fat të keq sepse ne nuk ishim në gjendje të mbyllnim negociatat”, shprehet agjenti i futbollistit.

Më tej, duke folur për Radio Punto Nuovo, Giffredi është shprehur se: “Roma është një zgjidhje e mirëpritur për futbollistin, nëse jo e para. Pas një viti, kontrata e lojarit me Napolin skadon. Klubi mund ta humbasë atë me parametra zero dhe do të ishte turp, pasi ne kemi një marrëdhënie të shkëlqyer. Ne nuk rinovojmë nëse Napoli është i vetëdijshëm se nuk ka kushte. Besoj se dhe për Hysajn është koha të ndryshojë pas katër vjet e gjysmë, për këtë nuk është nevojshme të diskutojmë sepse mendojmë njësoj”, tha Giuffredi.

Mertens “nderon” Napolin. Inter bën “sens” me Sensin

Napoli ka fituar 2-0 ndaj Sampdorias në shtëpi, duke marrë tre pikë të rëndësishme, që e ngjisin në vendin e 4 në renditje pas tre javësh kampionat. Skuadra e Ancelottit kaloi në avantazh me Mertens në minutën e 13-të sfidës. Sulmuesi napolitan ka gjetur rrjetën nga brenda zonës, pas një asisti të bukur të dhuruar nga Di Lorenzo. Ndërkohë, goli i dytë ka ardhur përsëri nga Mertens në minutën e 67-të të sfidës.

Llorente futet në zonë dhe rrëmben një top në rrëmujë. Ai mund të kishte shënuar dhe vetë por pasoi te shoku i tij i skuadrës, që me të djathtën e dërgoi në rrjetë. Deri në fund të ndeshjes rezultati mbeti i pandryshuar, ndërsa mbrojtësi i kombëtares tonë Elseid Hysaj nuk ka qenë i grumbulluar në këtë takim. Hysaj ka një problem muskulor, të cilin e shfaqi në ndeshjen me kombëtaren, pas golit që i shënoi Islandës.

Inter ka fituar 1-0 ndaj Udineses në “San Siro”, duke marrë tre pikë të tjera të rëndësishme, të cilat e ngjisin në krye të renditjes të Serie A me 9 pikë. Skuadra e Contes kaloi në avantazh me një gol spektakolar nga brenda zonës nga Sensi në minutën e 44` të takimit, ndërsa Udinese kishte mbetur më herët me një futbollist më pak pasi De Paul doli me të kuq. me fitoren e të shtunës, Inter konfirmohet si pretendent për të fituar Serie A këtë sezon.

Juventusin e ndihmon fati, mposht Napolin dhe merr kreun e Serie A

Plot 7-të gola në një ndeshje të çmendur, në fund fitues është “Zonja”. Juventus ka arritur të përfitojë nga një gabim i Napolit në minutat e fundit, duke marrë një fitore të rëndësishme në javën e dytë të Serie A. Ishte Danilo që hapi serinë e golave në minutën e 16` të takimit për Juventus, pas një asisti të Diego Costas.

Tre minuta më vonë, Gonzalo Higuanin, tregon se do të jetë i rëndësishëm për Juventusin, duke shënuar golin e dytë për Juventusin. Me rezultatin 2-0 skuadrat shkojnë në pushimin e pjesës së parë, ndërsa pas saj, Cristiano Ronaldo do të thellonte diferencën, pasi shënoi golin e tretë për bardhezinjtë në minutën e 62` të sfidës.

Por, duket se euforia e kapi në befasi skuadrën e Sarrit, pasi tre minuta pasi shënoi golin e tretë, Manolas do të ngushtonte diferencën për Napolin. Në të 68` ishte Lozano ai që i çoi shifrat në 3-2 për Napolin ndërsa në të 81, Di Lorenco shënoi golin e barazimit.

Por, kur ndeshja mendohej se, Koulibaly bën një autogol, duke i dhënë fitoren skuadrës së Juventusit. Pas tre pikëve të marra ndaj Napolit, bardhezinjtë e shohin veten në krye të renditjes së Serisë A me 6 pikë në dy ndeshjet e para.

Hysaj mbetet te Napoli, agjenti konfirmon ‘dështimin’ e tij

Kur merkato po shkon drejt mbylljes, dhe pas zërave për një lëvizje të bujshme të Elseid Hysaj në merkato, agjenti i tij, ‘llafazani’, Mario Giuffredi, ka thënë se “Hysaj do të qëndrojë te Napoli”. Me këto fjalë, shuhet dhe njëherë dilema, njëherazi dhe thashethemet e merkatos rreth të ardhmes së mbrojtësit shqiptar. Javët e fundit Elseid Hysaj ka qenë në qendër të fjalëve për një largim të mundshëm nga Napoli.

Por, agjenti i 25-vjeçarit, Mario Giuffredi, duket se ka dështuar me tratativat për të gjetur një klub të ri për futbollistin shqiptar. Në fakt, me Carlo Ancelottin, Hysaj pritet të ketë përsëri një sfidë për një vend në formacion te Napoli. Megjithatë, ekspertët e merkatos së lojtarëve në Itali, kanë mendimin se Juventus mund të shfaqet për anësorin e djathtë shqiptar, pasi Maurizio Sarri e njeh mirë lojtarin, që e drejtoi për pesë vjet te Napoli dhe Empoli më herët.

Deri në fund të dritares së merkatos, mund të shfaqen oferat të tjera, megjithëse është në dorën e De Laurentisit, i cili nuk do të lejojë largimin e Hysajt pa përfituar më parë 50 milion euro. Gjatë verës, emri i Hysajt u lidh me disa klube, nga Roma dhe Inter në Serie A, te Chelsea dhe Tottenham në Premier League. Por veç thashethemeve të merkatos, asgjë tjetër nuk ka krijuar interes për lojtarin shqiptar.

Napoli zhyt Interin, zikaltërit rrezikojnë Champions-in!

Napoli i ka dhënë një goditje të fortë Interit, duke e mundur me rezultatin 4-1 në San Paolo. Skuadra e Ançelotit ka dominuar takimin e mbrëmjes ndaj zikaltërve, duke tundur plot katër herë rrjetën e tyre.

Ndonëse do duhej të ishte një ndeshje ku Interi do të merrte tre pikët, të cilat e mbanin praktikisht në vendin e tretë në renditje, ka ndodhur e kundërta. Skuadra e Spalletit është dorëzuar që në minutën e 15′ kur Zielinski tundi rrjetën për herë të parë.

Pjesa e parë u mbyll me rezultatin 1-0, teksa në të dytën Mertens dyfishoi për Napolin. Ruiz shënoi dhe dy herë të tjera, duke u siguruar fitoren të tijëve. Nga ana tjetër skuadra e Spalletit vetëm sa ngushtoi diferencat në 4-1 me Icardin afër fundit, me argjentinasin që realizoi nga pika e bardhë e penalltisë.

Inter i bën punë vetëm fitorja ndaj Empolit javën tjetër, por do të jetë shumë e vështirë pasi edhe Empoli luan për mbijetesë.

Napoli e do si pasues të Hysajt, Interi i futet stërkëmbësh!

E ardhmja e Elseid Hysaj nuk do të jetë te Napoli. Kjo tashmë dihet, pasi jo vetëm rritja e Malkuit, por dhe nisja e kërkimeve nga Ancelotti për një mbrojtës të ri në krahun e djathtë, e bën dhe më të sigurtë largimin e mbrojtësit shqiptar.

Napoli, ashtu si dhe Juventus, prej kohësh po mbajnë në vëzhgimin mbrojtësin e Tottenham, Kieran Trippier. Sot, mediat italiane, raportohet se në këtë garë është futur dhe Inter.

Skuadra e Luciano Spalletit kërkon një mbrojtës të djathtë me përvojë ndërkombëtare, teksa prej kohësh trajneri zikalëtr pëlqen dhe Elseid Hysajn. Mirëpo, siç raportohet nga Gazetra dello Sport, mbrojtësi shqiptar do të jetë një alternativë e dytë.

Inter po interesohet dhe mban nën vëzhgim Trippier. Megjithatë, skuadra nga Milano do ta ketë të vështirë luftën me Napolin dhe Juven, kjo edhe për arsye financiare. Në këtë aspekt, Elseid Hysaj, kthehet në alternativë konkrete për Interin, që mund ta tërheqë mbrojtësin drejt Milanos për vetëm 25 milionë euro.