Franca në lot për Notre-Dame, por Macron bën një premtim

E gjithë Franca, por jo vetëm, ka shpërthyer në lot e trishtim mbrëmë kur një zjarr i papritur shkrumboi pjesën më të madhe të katedrales së famshme Notre-Dame të Parisit. Një godinë historike kjo që mbante plot 850 vite mbi supe, një ndërtesë madhështore që ishte kthyer në simbol të kulturës së Parisit dhe në një atraksion të madh turistik.

Ndërkohë që të gjithë mbanin frymën me sytë nga flakët që mezi nisën të fikeshin pas angazhimit të 400 zjarrfikësve, presidenti francez Emmanuel Macron në një reagim për mediat u shpreh se katedralja do të rindërtohet. “Kjo është historia jonë. Ajo që ndodhi këtë mbrëmje është padyshim një dramë. Më e keqja është shmangur, kjo është një tragjedi e tmerrshme. Por ne do të rindërtojmë Notre-Dame”, u shpreh Macron duke i bërë një premtim të madh francezëve.

Zjarri i fuqishëm që shkrumboi një pjesë të madhe të katedrales nisi rreth orës 18:50.

Sipas mediave franceze dyshohet se zjarri ka qenë aksidental dhe ka rënë në pjesën e papafingos së ‘Notre Dame’, pjesë e cila po restaurohej.

Zjarri përpin Notre Dame në Paris, çifti Trump: E tmerrshme

Notre Dame në Paris prej disa orës është duke luftuar me flakët e mëdha të zjarrit. Zjarrfikësit po punojnë për shuarjen e flakëve, që tashmë kanë çuar në rrëzimin e majës së katedrales.

Për këtë tragjedi kanë reaguar edhe presidenti i SHBA-së, Donald Trump dhe Zonja e tij e Parë, Melania Trump.

Gjatë një reagimi në Twitter, Trump e ka cilësuar zjarrin të tmerrshëm.

“E tmerrshme të shikosh zjarrin masiv në katedralen ‘Notre Dame’ në Paris. Ndoshta hedhja e ujit nga sipër mund të përdoret. Duhet vepruar shpejt!”

Edhe zonja e parë e SHBA-së, Melania Trump shkruan se i është thyer zemra për njerëzit e Parisit.

“Mu thye zemra për popullin e Parisit pasi pashë zjarrin në katedralen e ‘Notre Dame’.”

Katedralja ‘Notre Dame’ në Paris është 850 vjeçare dhe çdo vit vizitohet nga minona turistë nga e gjithë bota.

Notre Dame në Paris “pushtohet” nga flakët gjigande

Një zjarr ka shpërthyer në katedralen e famshme të Notre-Dame në Paris dhe është përhapur me shpejtësi në të gjithë ndërtesën. Shkaku nuk është ende i qartë, por zyrtarët thonë se zjarri ka rënë fillimisht në skelat që ishin vendosur për rinovimin e një pjesë të katedrales.

Shumë forca zjarrfikëse janë përfshirë në një operacion të madh që po mundohen të shuajnë flakët që kanë përfshirë ndërtesën gotike 850-vjeçare.

Kryebashkiakja e Parisit, Anne Hidalgo e përshkroi situatën si një “zjarr të tmerrshëm” dhe u kërkoi njerëzve që të respektojnë kufijtë e krijuar nga ekuipazhet që të mbetën të sigurt.

Ndërsa presidenti francez, Emmanuel Macron e cilësoi këtë si një moment të trishtë të kombit francez.

“Notre-Dame de Paris është në flakë. Emocioni i një kombi të tërë. Mendimet e mija shkojnë për të gjithë katolikët dhe për të gjithë francezët. Ashtu si të gjithë bashkatdhetarët tanë, unë jam i trishtuar duke parë këtë pjesë të djegur.”

Skip to toolbar