Panik në Paris, sulm me thikë pranë “Charlie Hebdo”, plagosen 4 persona

Një person i armatosur me thikë ka sulmuar disa persona mëngjesin e së premtes në vendin ku më parë ndodheshin zyrat e gazetës satirike “Charlie Hebdo” e cila 5 vjet më për ishte objekt i një sulmi terrorist.

Mediat lokale franceze raportojnë se janë plagosur 4 persona të cilët janë dërguar me urgjencë në spital. Arsyet e këtij sulmi janë ende të panjohura ndërkohë që efektivë të shumtë kanë nisur një operacion të gjerë për gjetjen e autorit, i cili është larguar nga vendi i ngjarjes.

Policia me anë të një postimi në Tëitter i bën thirrje qytetarve të qëndrojnë larg zonës.

Së fundmi një tjetër kërcënim është bërë nga Al Kaeda ndaj gazetës “Charlie Hebdo”, pasi kjo e fundit vendosi të ripublikojë karikaturat e profetit Muhamed.

Sulm me thikë në Paris, një i vdekur 2 të plagosur. Agresori vritet nga policia

Një person mbeti i vdekur ndërsa dy të tjerë u plagosën nga një sulm me thikë në një park në Paris. Ngjarja ndodhi të premten pasdite, kur një person sulmoi me thikë 3 kalimtarë në zonën e Villejuif në një park, 7 kilometra larg Parisit.

Një prej të plagosurve humbi jetën, ndërsa dy të tjerë u dërguan në spital. Policia ndërhyri menjëherë duke qëlluar për vdekje agresorin.

Mësohet se personi që vdiq nga sulmi me thikë është një i moshuar. Banorët tregojnë se janë tronditur nga ngjarja e rëndë, teksa kanë dëgjuar të shtënat me armë zjarri kur policia qëlloi agresorin brenda në park. Ende nuk dihet identiteti i agresorit dhe emri i tij.

Ndërkohë, gjatë kqyrjes së trupit, agresorit i është gjetur dhe një jelek me lëndë shpërthyese, çka shton dyshimet se ishte një sulm i planifikuar terrorist.

Sa vite do t’i duhen “Notre Dame” të ndërtohet?

Brenda 5 vitesh Notre-Dame do të kthehet më e bukur se ç’ishte. Kështu ka premtuar presidenti francez Emmanuel Macron. Vetëm brenda 24 orëve nga zjarri që shkrumboi një pjesë të mirë të katedrales së famshme të Parisit, u mblodhën jo pak por 800 milionë euro, shifër kjo që e bën Macronin shumë optimist për të ardhmen.

“Ne mund t’ia dalim. Ne mund ta rindërtojmë Katedralen Notre Dame më të bukur se kurrë dhe dua që kjo të përfundojë brenda 5 vitesh. Do të mobilizohemi maksimalisht që të arrijmë një gjë të tillë”, tha Macron.

Ndërsa ekspertët thonë se katedralja shpëtoi vetëm pak minuta para shkatërrimit total dhe megjithëse Macron duket shumë optimist, ata theksojnë se rindërtimi i saj mund të kërkojë dekada të tëra.

Para se të nisë restaurimi, më parë sipas ekspertëve duhet të forcohet struktura e katedrales e cila mban mbi supe 850 vite.