“Bërtisnin; ‘lekët, lekët”. Afërdita Laze tregon tmerrin e grabitjes dhe plagosjes

Kanë dalë të tjera detaje nga hetimet për plagosjen e rëndë mbrëmjen e të dielës në zonën e Alliasit në Tiranë. Afërdita Laze, që mbeti e plagosur së bashku me bashkëshortin në banesën e tyre nga dy grabitës, tregoi për policinë ngjarjen e rëndë. Sipas dëshmisë së dhënë nga Afërdita Laze për policinë, zbardhur nga Balkanweb, ajo tregon se grabitësit kërkonin vetëm lekët. Afërdita rrëfen se në momentin që dëgjuan zhurma në banesë ndodheshin në dhomë. Bashkëshorti i saj, Petriti, që është plagosur më rëndë, ishte i pari që shkoi për të parë çfarë po ndohte kur u përballë me dy grabitësit e maskuar.

“Ishim në dhomë. Dëgjuam një zhurmë dhe vajzën që bërtiti; “kush është aty?”. Doli Petriti (burri) të shihte kur u ndesh në korridor me 2 veta të maskuar. Dukeshin të rinj. Ata bërtisnin vetëm “lekët, lekët” dhe i drejtuan pistoletën. Petriti tentoi t’i nxjerrë jashtë nga shtëpia, ata e qëlluan. Kur u afrova dhe mua me qëlluan dhe ikën me vrap”, tha gruaja.

Bashkëshortët Petrit dhe Afërdita Laze u plagosën mbrëmjen e të dielës në banesën e tyre nga dy persona të maskuar, që u futën për të grabitur lekët. Çifti Laze ushtronin një aktivitet biznesi “Furrë Buke”, të cilin e kishin në katin e parë të godinës ku dhe banonin. Petrit Laze ka marrë plagë në bark dhe ndodhet në gjendje më të rëndë, ndërsa bashkëshortja e tij Afërdita është dëmtuar në pjesën e gjymtyrëve, por fatmirësisht pa rrezik për jetën.

Plagosja në Allias, zbardhen emrat e çiftit. Vajza 17-vjeçare dëshmitare e ngjarjes

Mbrëmjen e të dielës në zonën e Alliasit, një çift bashkëshortësh mbeti i plagosur rëndë. Dy persona u futën dhe grabitën banesën e bashkëshortëve Petrit dhe Afërdita Laze, ndërsa njëri prej tyre qëlloi me armë zjarri duke lënë të plagosur çiftin.

Bashkëshortët Laze ndodheshin në banesë së bashku me vajzën e tyre, kur dy persona janë futur në shtëpi për të vjedhur. Hajdutët janë pikasur nga çifti Laze, ndërsa kanë qëlluar me armë.

Petrit Laze mori një pëlumb në pjesën e barkut dhe ndodhet në gjendje më të rëndë shëndetësore. Ndërsa Afërdita Laze u plagos në pjesën e këmbës, por pa rrezik për jetën.

Më pas grabitësit u larguan nga banesa së bashku me një shumë parash të vjedhura në shtëpinë e çiftit Laze. Familja Laze kishte ardhur nga Skrapari në vitet e para të demokracisë dhe jetonte në Tiranë.

Ata ushtronin një aktivitet biznes “Furrë Buke”. Sipas Balkanweb, një grabitësit dyshohet të jetë i afërm i çiftit Laze, pasi kanë pasur informacion të detajuar për lëvizjet e tyre. Megjithatë, policia mori në pyetje vajzën 17-vjeçare të Petrit dhe Afërdita Laze, e cila ishte dëshmitare e gjithë ngjarjes.

Plagoset në vendin e punës, 52-vjeçari goditet nga kova e ekskavatorit

Një punonjës është plagosur në vendin e punës. 52-vjeçari L.Gaba ishte duke punuar në aksin nacional Tepelenë-Gjirokastër tek Ura e Kardhiqit, ku kova e ekskavatorit i ka rënë duke i shkaktuar dëmtime të shumta në pjesën e legenit.

52-vjeçari është dërguar në urgjencën e spitalit rajonal “Omer Nishani”, ku po merr ndihmën e parë mjekësore.

Nuk dihen ende detaje të tjera nga ngjarja, ndërsa ekspertët kanë nisur hetimet për zbardhjen e plotë të plagosjes së punonjësit në vendin e punës.

E ngatërron me drerin, qëllon shokun

Një person mbeti i plagosur rëndë pasi u qëllua me armë gjahu, në mënyrë aksidentale nga miku i tij. Dy shokët dolën për gjah, por në një moment distance mes tyre, shoku e ngatërroi me drerin dhe e qëlloi.

Ngjarja ndodhi në Karolinën e Jugut, ndërsa i plagosuri ndodhet jashtë rreziku për jetën.

Hetimet e policisë vërtetuan se ngjarja ishte aksidentale dhe nuk kishte prapavija të tjera.

“Mos kalo në rrugën time”, prona fut në sherr kushërinjtë, një i plagosur

Prona është bërë sërish objekt konflikti mes familjarëve. Një sherr fizik mes dy kushërinjve në Tiranë, ka përfunduar në plagosjen e njërit prej tyre. Pas një konflikti, njëri nga kushërinjtë ka marrë një thikë dhe ka goditur në trup kushëririn e tij, duke e plagosur. Autori i plagosjes Rezart Hoxha pretendonte se rruga ishte ndërtuar në tokën e tij dhe kushëriri nuk duhet të kalonte aty me makinë.

I plagosuri shtetasi K. Hoxha 36-vjeç ka marrë plagë të rënda dhe ndodhet në kujdesin e mjekëve në Spitalin e Traumës.

Në pranga ka përfunduar shtetasi Rezart Hoxha, 44 vjeç, i cili akuzohet për vrasje të mbetur në tentativë ndaj kushëririt të tij. Ngjarja ndodhi në vendin e quajtur kodër Kashar në Tiranë.

Plagosi 37-vjeçarin në Lezhë, pranga të riut

Policia e Lezhës ka vënë në pranga autorin e dyshuar të plagosjes së një 37-vjeçari mbrëmjen e së martës. Sipas një komunikate të policisë, mësohet se është bërë i mundur identifikimin i autorit të plagosjes së shtetasit me inicialet A.K., 37-vjeç, banues në Lezhë. Më pas, pasi është identifikuar personi i dyshuar, policia njofton se nisi kërkimet e tij.

Dhjetëra forca policie të Komisariatit të Policisë dhe të DVP-së Lezhë, kanë ushtruar kontrolle në disa banesa në fshatin Troshan si dhe kanë krehur e mbajtur të rrethuar zonën e pyllëzuar të fshatit Troshan, zonë në të cilën autori mundi të fshihej pas ngjarjes.

Si pasojë e presionit të kontrolleve dhe rrethimit të zonës së pyllëzuar si dhe falë edhe negociatave që Policia e Lezhës bëri me të afërmit e autorit të dyshuar që ai ti dorëzohej organeve të Drejtësisë, u bë e mundur që në fshatin Troshan, autori i dyshuar i ngjarjes, shtetasi S.D. vjeç 22, ti dorëzohej shërbimeve të policisë.

Ky shtetas, dyshohet se të martën ë në qytet Lezhë, ka plagosur në këmbë me armë zjarri shtetasin A.K. vjeç 37, banues në Lezhë. Materialet procedurale në ngarkim të tij iu referuan Prokurorisë pranë Gjykatës Shkallës Parë Lezhë për veprime mëtejshme.

Detajet, përplasja me armë në Lezhë, mes pronarëve të bizneseve

Përplasja me armë zjarri, ndodhur mbrëmjen e të martës në qytetin e Lezhës, ka si motiv konfliktet e biznesit. Dy të përfshirët në ngjarje, Ardian Kola dhe Aleksandër Dedgjonaj njiheshin me njëri-tjetrin pasi kishin bizneset e tyre pranë, dhe kjo sipas policisë, mendohet të ketë qenë edhe burimi i konfliktit të tyre që degjeneroi deri në përdorimin e armëve të zjarrit.

Konflikti nisi fillimisht me përplasje fizike mes tyre dhe më pas Aleksandër Dedgjonaj ka marrë armën e zjarrit dhe ka qëlluar në këmbë Ardian Kolën. Pas plagosjes, autori është larguar nga vendi i ngjarjes me makinën e tij.

37-vjeçari është dërguar me urgjencë në spitalin rajonal të Lezhës, ndërsa gjendja e tij nuk është kritike, pasi fatmirësisht ka marrë plagë të lehta.

Autori i ngjarjes, Aleksandër Dedgjonaj, ka në pronësinë e tij një dyqan celularësh, ndërsa i plagosuri ka një biznes që jep makina me qira. Dyshohet se sherri mes tyre ka nisur për motive të dobëta. Ardian Kola ka shkuar në dyqanin e Aleksandër Dedgjonaj për të blerë një karikues telefoni, por kur ka konstatuar që nuk punonte ka shkuar për t’ia kthyer. Më pas ato janë konfliktuar fizikisht, ku Dedgjonaj ka përdorur edhe armën.

Policia vijon hetimet për zbardhjen e plotë të ngjarjes dhe kapjen e autorit, i cili ndodhet ende në arrati.

Fier, në burg dhe të plagosur

Gjykata e Fierit ka caktuar masën e sigurisë “Arrest me burg” për Aleksandër Zhapaj, personi i mbetur i plagosur me armën e policit, në ngjarjen e disa ditëve më parë në Fier. Ky vendim është dhënë në mungesë nga Gjykata e Fierit, pasi Zhapaj ndodhet i shtruar në Spitalin e Traumës në Tiranë, pasi po merr mjekim të specializuar për shkak të plagve të marra. Përpara Gjykatës së Fierit kanë dalë dhe disa nga të arrestuarit e tjerë, masa për të cilën ende nuk është bërë e ditur.

Ngjarja e të shtunës së javës së kaluar tronditi qytetin e Fierit, pasi një i ri 21 vjeç, shtetasi Daniel Braçe, i mori armën e shërbimit punonjësit të policisë në spital dhe qëlloi në drejtim të Aleksandër Zhapajt. Të plagosur mbrëmjen e së shtunës mbetën dhe dy djemtë e Aleksandrit, Gentjan dhe Aldi Zhapaj, të cilët u konfliktuan në Levan me shtetasit Erlind Muçaj dhe Klajdi Lamaj dhe këta të plagosur, të dy të afërm të Daniel Braçes.

Në korridorin e spitalit të Fierit, gjatë kohës që po shoqëronte dy të plagosurit të afërm të tij, Daniel Braçe i mori pistoletën një punonjësi policie dhe qëlloi Aleksandër Zhapajn. Në total, nga kjo ngjarje u plagosën pesë persona, Aleksandër Zhapaj me armë zjarri, dy djemtë e tij Gentjan dhe Aldi Zhapaj me sende të forta, dhe Erlind Muçaj dhe Klajdi Lamaj me thikë. Të pesë këta persona, përfshirë janë arrestuar nga Policia e Fierit, ndërsa ngjarjen po e heton dhe Prokuroria e Krimeve të Rënda.

Humbin kontrollin e makinës, plagosen 4 futbollistë e Librazhdit

Për shkak të lagështisë në rrugë dhe reshjeve të dendura në qarkun e Elbasanit është shënuar një aksident, që fatmirësisht nuk ka përfunduar me pasoja tragjike. Një makinë ka dalë nga rruga në aksin Librazhd-Përrenjas, në të cilën udhëtonin 4 futbollistë të Librazhdit.

Makina ka humbur kontrollit për shkak të shpejtësisë dhe lagështisë në rrugë, duke u përplasur me një mjet tjetër. Për pasojë të 4 futbollistët kanë marrë disa plagë dhe ndodhen jashtë rreziku për jetën.

4 sportistët e plagosur janë Ermir Lojku, Klajdi Hoxha, Funel Kushta, Orgest Tocka, të cilët janë transportuar në Spitalin e Librazhdit për të marrë ndihmë mjekësore.

Gjirokastër, turistja çeke përplaset nga dy makina

Një aksident me pasojë plagosjen e një turiste çeke ka ndodhur në qytetin e Gjirokastrës. Turistja ka tentuar të kalojë rrugën, por është përplasur nga një makinë. Mjeti që shkaktoi aksidentin ka përfunduar duke u përplasur edhe me një makinë tjetër, ndërsa turistja ka mbetur midis të dyjave.

Turistja, ende e paidentifikuar, është dërguar në spital ku po merr trajtim mjekësor. Ngjarja ka ndodhur në zonën e Pazarit Karakteristik të Gjirokastrës rreth mesditës pranë xhamisë së qytetit.