Lulzim Basha ka
reaguar duke publikuar një video të shkurtër nga protesta e të hënës, mbajtur përballë
godinës së Kryeministrisë. Kreu i PD e ka shoqëruar videon e publikur me një
tekst, ku përmend disa herë fjalën “ndryshim”.
“Sot shqiptarët
janë të etur për ndryshim. Sot shqiptarët duan ndryshim të vërtetë, jo të
përkohshëm, jo fals, jo fasadë, por ndryshim që do t’u japë fund krizave dhe
traumave të tranzicionit. Një ndryshim që do të na fusë në rrugën e sigurt
drejt Bashkimit Europian dhe vlerave perëndimore. Zgjedhjet e lira e të
ndershme do t’i hapin rrugën transformimit politik dhe ekonomik që ka nevojë
Shqipëria, do ti hapin rrugë ndryshimit të vërtetë. Ky ndryshim është tani,
qëllimi ynë kryesor, përparësia ime absolute ndaj çdo shqiptari”, shkruan
Lulzim Basha.
Protesta e të hënës,
e 10 kombëtare për nga numri prej 16 shkurtit, ishte ndoshta protesta e fundit kombëtare
për muajin e verës. Burime nga PD u
shprehën për Realstory.al, se tubimi i 8 korrikut ishte si shenjë falënderimi ndaj
qytetarëve, të cilët kanë ndjekur aksionin opozitar prej djegies së mandateve
parlamentare.
Megjithatë,
protesta, ishte dhe shenj falënderimi ndaj Ilir Metës, i cili me një mesazh
para nisjes së protestës, konfirmoi zyrtarisht se ishte pjesë e opozitës, duke
u bërë thirrje qytetarëve që të dilnin në protestë ndaj qeverisë. Aksioni
opozitar është pa një axhendë, të paktën pas protestës së të hënës.
Ndonëse përfaqësues të opozitës kanë lënë të kuptohet se do të ketë tubime dhe gjatë verës, liderët kryesor të PD dhe LSI, ende nuk kanë konfirmuar se cili do të jetë hapi i radhës i tyre. Megjithatë, kulmi i aksionit opozitar gjatë korrikut dhe ditëve të para të gushtit, duket se do të jetë pengsa e të zgjedhurve të PS për të futur në zyrat e bashkive, që aktualisht drejtohen nga PD-LSI.
Sot shqiptarët janë të etur për ndryshim.Sot shqiptarët duan ndryshim të vërtetë, jo të përkohshëm, jo fals, jo fasadë, por ndryshim që do t’u japë fund krizave dhe traumave të tranzicionit. Një ndryshim që do të na fusë në rrugën e sigurt drejt Bashkimit Europian dhe vlerave perëndimore.Zgjedhjet e lira e të ndershme do t’i hapin rrugën transformimit politik dhe ekonomik që ka nevojë Shqipëria, do ti hapin rrugë ndryshimit të vërtetë. Ky ndryshim është tani, qëllimi ynë kryesor, përparësia ime absolute ndaj çdo shqiptari.
Gepostet von Lulzim Basha am Dienstag, 9. Juli 2019
Me një shprehje të Martin Luther King, kryeministri
Rama ka zgjedhur të përcjell mesazhin tij për protestën e opozitës që pritet të
zhvillohet më 8 korrik në orën 20:00. Rama përmes mesazhit të tij ka bërë thirrje
për një protestë paqësore, duke i kujtuar Bashës dhe Kryemadhit se dhuna nuk të
çon në fitore dhe as revolucione. Me fjalët e Martin Luthet King, Rama thotë se
protesta e dhunshme është reaksionare dhe do të sjell vetëm humbje jo vetëm për
partitë politike, por edhe për vetë qytetarët e vendit.
“Përtej aspektit moral, limiti i protestave të
dhunshme qëndron në faktin se ato s’të çojnë në fitore dhe këtë e dinë edhe ata
që i bëjnë. Pra protesta e dhunshme s’është revolucionare po reaksionare, sepse
ndjell humbjen. Martin Luther King” shkruan Rama.
Më herët edhe Lulzim Basha dhe Monika kryemadhi kanë bërë thirrje për pjesëmarrje në protestën e 10 kombëtare të opozitës, ndërsa kanë cilësuar se ajo do të jetë paqësore.
Përtej aspektit moral, limiti i protestave të dhunshme qëndron në faktin se ato s’të çojnë në fitore dhe këtë e dinë…
Monika Kryemadhi ka zhvilluar një takim me
strukturat e partisë së saj gjatë pasdites së vonë këtë të shtunë. Gjatë fjalës
së saj të gjatë para militantëve të LSI-së, Kryemadhi renditi disa nga arsyet
pse shqiptarët duhet të protestojnë të hënën. Dhe ndër këto argumenta, Monika
Kryemadhi bëri një lapsus, duke u shprehur se në 8 korrik “dikush duhet të
protestojë për taksa më të larta”.
“Në shesh nuk do të dalim për opozitën,
por për të gjitha hallet e shqiptarëve, secili sipas mënyrë së vet, dikush se
kërkon një vend pune, dikush se kërkon taksa më të larta, dikush se i ka
falimentuar biznesi për shkak të taksave të Edi Ramës, dikush se i ka ikur
fëmija në emigracion me dokumente falso…e kështu të gjithë me radhë. Të
gjithë nuk duhet të ndalojmë”, tha Kryemadhi.
Në fakt, ndonëse është një lapsus, ky mund të
marrë shpjegim nëpërmjet teorisë së “lapsusit frojdian”. Sipas teorisë
psikoanalitike të Freud-it, kemi një lapsus kur shfaqet një konflikt në mes
qëllimeve të vetëdijshme të individit dhe ato të pavetëdijshme, duke shkaktuar
një humbje momentale kontrolli dhe duke favorizuar keshtu dëshirat e
pavetëdijshme. Në këtë kuptim, lapsusi mund të jetë ngatërrimi i emrit të një
personi me atë të një miku të vjetër kur flitet për ndonjë situatë që na kujton
atë; lapsus frojfian është kur të hedhim ndonjë send që na kujton gjëra
negative etj.
Monika Kryemadhi bën
një ndryshim në artikulimin e saj publik lidhur me dialogun me Kryeministrin
Edi Rama, për ti dhënë fund krizës. E ftuar në një studio televizive, kryetarja
e LSI, u shpreh se opozita është e gatshme të shkojë në tryezën e dialogut me Edi
Ramën, por vetëm në cilësinë e kryetarit të Partisë Socialiste, jo si
Kryeministër. “Dhe e treta, ajo që është shumë e rëndësishme, ne e themi, sepse
vërtetë themi dialog; Edi Rama nuk duhet të ulet në tavolinë si Kryeministër,
sepse është Kryeministër ilegjitim. Edi Rama duhet të ulet në tavolinë si
kryetar i Partisë Socialiste, pastaj hajde flasim”, tha Kryemadhi.
Gjithashtu, ajo u
shpreh edhe për dy kushtet e tjera që e rikthejnë opozitën te dialogu. Hetimi i
vjedhjes së votave në Durrës dhe Dibër, si dhe krijimi i standardeve për
mbajtjen e zgjedhjeve të ardhshme, janë kushtet e tjera, që sipas Monika
Kryemadhit, krijojnë mundësi dialogu. “E para, ne e kemi thënë shumë qartë,
hetim i dosjes ‘184’ dhe ‘339’ dhe dalja para drejtësisë e të gjithë shkaktarëve
të deformimit dhe manipulimit të zgjedhjeve të 2017. E dyta, krijimi i
standardeve të zgjedhjeve sepse pa standarde çfarë do bësh?! Do bësh zgjedhje të
krimit të organizuar”.
Kjo është hera e
parë, që një drejtues i opzitës, deklaron se është gati të dialogojë me Edi Ramën,
pavarësisht se kushti moderohet, nga ‘s`ka dialog me Edi Ramën’ në ‘dialog me
Edi Ramën, si kryetar i PS”. Nuk dihet nëse kjo zbutje e Kryemadhi ka të bëj me
presionin ndërkombëtar apo shkarkimin e Ilir Metës si president, por në fakt, është
sinjali i parë që të krijon përshtypjen se opozita është në kërkim të një rruge
dialogu, duke u tërhequr dhe nga “Rama Ik”.
Opozita ka lajmëruar
mbajtjen e një proteste të hënën më 8
korrik, ku në fakt, LSI duket se po merr rol kryesor në organizimin e saj. Ky përfytyrim
është krijuar nga fakti se vetë Monika Kryemadhi ka qenë shumë aktive ditët e
fundit duke thirrur qytetarët në protestë, aq sa sipas saj, vetëm gjatë ditës së
shtunë kishte zhvilluar mbi 200 telefonata me strukturat për të ftuar qytetarët
në protestë.
Ambasada e Shteteve të Bashkuara në Shqipëri
ka bërë një reagim mbrëmjen e së enjtes, ku me një deklaratë publikuar në faqen
zyrtare, kërkon që në Shqipëri të vihet sundimi i ligjit, atë, që sipas SHBA-së,
qyetarët shqiptarët meritojnë. “Shtetet e Bashkuara duan atë që meriton populli
shqiptar: sundim të ligjit që mbron punonjësit civilë dhe shkollat nga sulmet e
pakuptimta, që mbron integritetin dhe sigurinë e procesit zgjedhor, dhe që mban
premtimin e së drejtës së qytetarit për të protestuar paqësisht ndëkohë që bën
që ata që përfshihen në dhunë të mbajnë përgjegjësi”, shkruhet në këtë deklaratë.
Më tej, deklarata e ambasadës së SHBA-së
vijon me një thirrje tjetër drejtuar institucioneve, ku padyshim përfshihen dhe
drejtuesit politikë, për respektim dhe mbështetje të parimeve të sundimit të
ligjit, duke refuzuar dhunën në çdo formë të saj.
“Nxisim të gjithë qytetarët dhe të gjitha
institucionet kudo në Shqipëri që të mbështesin parimet e sundimit të ligjit,
të refuzojnë dhunën në të gjitha format e saj, si dhe të ushtrojnë paqësisht të
drejtat e tyre demokratike ndërkohë që lejojnë bashkëqytetarët e tyre të bëjnë
të njëjtën gjë”, shprehet ambasada e SHBA-së.
Në fund, thirrja është drejtuar opozitës që
do të zhvillojë protestën e ditës së premte, të cilës i kërkohet të mbajë përgjegjësi
përballë të njëjtave parime, duke refuzuar dhunën në çdo mundësi. “Po ashtu, iu
bëjmë thirrje organizatorëve të protestës së nesërme që të mbajnë përgjegjësi
përballë po të njëjtave parime, t’iu bëjnë thirrje publikisht mbështetësve të
tyre të mblidhen paqësisht si dhe të refuzojnë energjikisht dhunën në çdo
mundësi”. Përfundon deklarata e SHBA-së.
Ajo që vihet re në deklaratën e ambasdës së Shtevete të Bashkuara, është mos përmendja në asnjë moment e datës 30 qershor, apo e uljes në dialog të palëve. Megjithatë, indirekt, duke iu drejtuar shqiptarëve dhe institucioneve në vend, amerikanët thonë se duhet të respektohet ligji, qoftë për të mbrojtur integritetin e procesit zgjedhor, njëherazi edhe për të protestuar.
Pra çudi që për herë të parë ata që kanë këmbëngulur më shumë te data, në këtë deklaratë se përmendin. Sinjal? Se një datë tjetër afër me 30 qershorin por me kusht që opozita të futet në zgjedhje, është e pranueshme për ta?
Të premten më 21 qershor opozita ka lajmëruar zhvillimin e një tjetër proteste,
e cila do të jetë e nënta kombëtare që prej shkurtit të këtij viti. Ashtu si
zakonisht, ambasada e SHBA-së në Tiranë ka dalë me një thirrje drejtuar qytetarëve
të saj që jetojnë në Shqipëri, që të premten të shmangin vendzhvillimin e protestës
së opozitës.
Në deklaratën e ambasadës thuhet se kohëzgjatja e demonstratës nuk dihet
se sa do të jeë, ndërsa sjellë në vëmendje se në protestat e kaluara ndaj demonstruesve
është hedhur ujë dhe gaz lotsjellës.
“Një demonstrim i madh pritet të zhvillohet pranë Zyrës së Kryeministrit të premten, më 21 qershor 2019, duke filluar rreth orës 8:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur”.
“Demonstrimet e kohëve të fundit kanë përfshirë dhunën. Forcat e sigurisë kanë përdorur ujin dhe gazin lotsjellës për të shpërndarë turmat. Shmangni grumbullimet e mëdha apo vendet ku mbahet demonstrata. Monitoroni mediat lokale për lajmet e fundit, mbani profil të ulët”, shkruan ndër të tjera ambasada e SHBA.
Kreyeministri Edi Rama deklaroi në “Real
Story” se Qeveria ka ndryshuar qasjen ndaj protestës. Ai vlerësoi punën e
Policisë së Shtetit, që sipas Ramës, ka qenë afirmim i jashtëzakonshëm, që ka
mbajtur një qëndrim super profesional. Ai e komentoi aksionin opozitar në rënie,
sa i përket pjesëmarrjes, por sipas tij, ka një shtim të njerëzve me premisa
dhune të madhe.
“Jam shumë krenar për faktin që ne kemi ndryshuar qasjen e Qeverisë ndaj protestës. Policia e Shtetit ka qenë një afirmim i jashtëzakonshëm në raport me këtë. Kemi pasur një qëndrim super profesional, dhe faktikisht bilancet janë skandaloze, me dhjetra policë që shkojnë në spital. Herën e fundit një nga punonjësit e policisë mund të kishte humbur syrin”.
“Unë kam dalë në protestë dhe ishte reale, mundësia që të humbisja dhe kokën. Për sa i përket do e marri sovrani do e bëjë sovrani, ata kanë humbur llogjikën. Mos e urre kundërshtarin sepse humbet logjikën, ata e kanë humbur. Janë në një situatë dramatike. Djegia e mandateve ka qenë një gabim strategjik i jashtëzakonshëm”.
“Jemi në kushte marrëzie, unë jam i bindur që protesta vjen duke rënë. Vijnë njerëz me premisa dhune më të madhe. Trazirat janë në një perimetër një kilometër. Përveç imazheve skandaloze për Shqipërinë, nuk është kjo një protestë e telekomanduar nga një elitë politike e degraduar dhe e udhëhequr nga njerëz të verbër. Kjo po con në qorrsokaka PD”, ka thënë Rama.
Tirana ishte e shkretë mbrëmjen e të dielës në
orët e vona. Para Kryeministrisë vetëm policë dhe makina të medias. Një vajzë që
çan pa dashje rrethimin me biçikletë, policët shpejtojnë ta largojnë. Po ashtu
edhe një çift mbi 50 vjeç. Por policët nuk shpëtojnë nga të sharat e zonjës
bionde: “Përse i paguajmë taksat, që të mos të na lini të bëjmë xhiro me biçikletë
në Bulevard”?
Në fakt sheshin të dielën pasdite e mori Opozita. Siç ka bërë që nga 16 shkurti. Policët kanë qenë të pafuqishëm të garantojnë jetë normale për qytetarët. Ata në këmbë në bulevard apo shoferë me makina në Astir. Policët janë të zënë. Me sigurinë e qeverisë, institucioneve dhe të protestuesve që i dhunojnë në çdo protestë.
Tirana ishte e zymtë të dielën në mbrëmje. Në rrugicat gjysëm të errëta të Bllokut shëtisin përzishëm protestues që i vidhen protestës, agjentë civilë, që i largohen sheshit me dëshirën më të madhe për të mos u kthyer më aty. Në sfond dëgjohen shashkat dhe në celular vijnë njoftimet për të lënduarit e parë. Policia në orën 23, e ka zyrtare shifrën: janë shtatë. Edhe protestat janë shtatë. Nuk ndryshojnë shumë nga njëra-tjetra. Të njëjtat fjalë, i njëjti skenar dhe i njëjti përfundim. Por Lulzim Basha thotë se herës tjetër do jetë ndryshe. Rreth orës 22, një njoftim i ambasadës britanike, e largon atë dhe mbështetësit e tij drejt Selisë Blu. Atje i njëjti fjalim, por me dy ndryshime thelbësore: duke kopjuar fjalë për fjalë një fjalim të Edi Ramës në të gdhirën e 22 janarit 2011, kur pasi Artan Hoxha transmetoi pamjet e vrasjes së Ziver Veizit dhe Hekuran Dedës, ai përdori fjalët Horr, për policët vrasës. Edhe Basha quan horra policët dhe Sandër Lleshajn. Policët e Lleshajt që ndryshe nga ata të Bashës ato ditë, nuk kanë qëlluar ende asnjëherë në këto pesë muaj. Bile dhe përleshjet trup me trup nuk kanë ndodhur asnjëherë. Një taktikë e re që ka shmangur viktimat. Por për Bashën të dielën ka të plagosur rëndë në kokë e trup te protestuesit. Mero Baze tek Tema, nuk ia kursen mërzinë në fytyrën e tij. Ai thotë se Basha është i mërzitur se nuk ka të vdekur. Ndërkohë mediat transmetojnë një protestues të plagosur nga fishekzjarret (“Keshtu, tha Lleshaj, “jane plagosur te gjithe”), por mediat pranë opozitës thonë se kanë prova për të kundërtën. Protestës në fund iu bashkua dhe Berisha. Eshtë i vetmi që qesh. Qesh pa fund dhe ngrë dy gishtat lart. Tek tuk i vijnë komplimentet nga protestues, që janë më pak se bodigardët që e shoqërojnë. Më të shumtët protestues, ndjekin Bashën.
Ndryshe nga Berisha, Basha duket që nuk ka humor të mjaftueshëm për t’u marrë me Të. Nga Selia Blu, në fund të protestës për herë të parë pa Monika Kryemadhin, ai lëshoi paralajmërimin se herës tjetër do flasë Sovrani. Tingëllon si kërcënim nga goja e njeriut dikur më të moderuar, më të dashur e të mikluar nga ndërkombëtarët. Të cilët sot i ka kundër, por që ende shpresojnë sadopak tek ai dhe arsyeja e tij. Arsye që reagon vetëm kur në celular i vijnë sms të rëndësishme. Ashtu si në mars kur në Oborrin e Selise blu u shfaqën për herë të parë shishet Molotov, por që atë ditë nuk u përdorën kurrë, nga një sms që erdhi nga Rruga e Elbasanit. Por u përdorën më vonë. Vetëm një herë. Të dielën ama pati vetëm shashka. Shashka dhe zhurmë. Si për të zbehur së paku tonin e zërit te Shtoltenbergut, shefit të NATO-s dhe deklaratës së tij të “tmerrshme”, që ngjan si kërcënimi më serioz ndaj aksionit të opozitës: ajo nuk mund t’i prishë zgjedhjet. Shtoltenberg që në minutë të fundit vendosi të përfshijë në agjendë edhe takimin me një përfaqesues të opozitës: Ilir Metën. I vetmi lider “opozitar” që foli të dielën për qetësi dhe për stabilitet dhe gruaja e tij që foli me mungesën e saj në protestë. (Ah po në mbrëmje foli dhe Petrit Vasili.) Mu direkt pas tij folën dhe amerikanët. Ndoshta rastësisht por fati nuk e ndihmon numrin dy të LSI këto kohë me ta. Vasili e quajti Ramën kriminel, ndërsa amerikanët protestën antidemokratike. Vasili thotë s’ka zgjedhje, por Shtoltenberg tha qe t’i mbajnë duart larg prej atyre ata që duan t’i prishin.
Por ata i kanë prishur tashmë. Opozita me bojkotin i ka kthyer zgjedhjet në 30 qershor në një referendum. Mes atyre që duan ruajtjen e statu kuosë dhe atyre që duan rrëmujë. Mes atyre që nuk duan Ramën, por duan Shqipërinë, një vend të qetë dhe pa trazira. Që duan Tiranën një qytet të qeshur dhe jo të bërë kaps nga protesta e mitingje pa fund. Ku ca hedhin shashka e të tjerë bëjnë sikur shpalosin programe. Më në fund edhe ndërkombëtarët janë dorëzuar tek e keqja më e vogël. Ashtu duken edhe shqiptarët. Basha kërcënoi të djelën se nuk flet më. Por në tre të mëngjesit niset për Berlin, atje ku do kërkojë sërish që gjermanët të flasin. Pikërisht me atë që ai thotë nuk do ta takojë e flasë: Edi Ramën. Arsyeja dhe jo logjika shtyjnë liderin (sa fjalë e madhe) të opozitës të kërkojë sërish e sërish e sërish atë që zemra nuk ia do kurrë: zgjidhjen politike të ëndrrës së tij: që t’i garantojë atij ardhjen në pushtet. Një ëndërr e pamundur që ia kërkoi Ramës në maj 2017, pastaj gjithë të tjerëve e përfundoi ta kërkojë edhe në rrugë. Deri tani pa sukses. Nuk ka patur numrat e mjaftueshëm, humorin e shqiptarëve dhe ndërkombëtarët me vete. Ndryshe do ta kishte bërë pa asnjë hezitim. Tashmë vetë demokratët e kanë të qartë se Edi Ramën më mirë të kishin pritur ta rrëzonin me vonë me votë. Tashmë edhe Sali Berisha që e gjen mënyrën të çojë përtej Oqeanit mesazhin se është i mërzitur me zgjedhjen e tij ereditare. Tashmë të shpëtojë ç‘të shpëtojë nga shtëpia dikur e madhe që ishte PD. Ambasadori Italian Cutillo, dikur mbrojtësi i tij më i flaktë, tashmë e tha publikisht: “Kriza erdhi nga opozita. Zgjidhja duhet të vijë nga brenda saj. Në vende me demokraci të konsoliduar këto zgjidhje vijnë nga demokracia e brendshme e partive. Por këtu tek ju…” Po Bashën çfarë mund ta shpëtojë vallë? Basha ik? Ndoshta dhe ajo do ishte një zgjidhje për PD, por jo për krizën ku është vendi. Dhe vendi duhet shpëtuar. Ndaj ndërkombëtarët duan zgjedhje, edhe në formë votimi të njëanshëm. Shqipëria nuk mund të rrezikohet. Shqipëria nuk mund të rrezikojë të tjerët.
Në orën 23 PD thotë se protesta e radhës do
jetë në 8 qershor. Do jetë finale thotë Basha. Por thellë thellë dobësia e
protestës është shpresa e vetme që dhe ai ka. Që të shpëtojë. Të shpëtojë nga
presioni i atyre që e futën në këtë rrugë atë dhe vendin. Që në fund të thotë:
“Nuk e bëra dot”.
Ashtu si te ai filmi i viteve 80, kur Beqir
Aga kthehet si diversant tek ish shërbyesit e tij dhe kërkon të shpërndajnë
trakte ku të thuhet: “populli është me ne”. Dhe i kërkon të vendosin zjarr në
kullën e barit në qendër të fshatit. Ish shërbyesit besnikë që nuk shohin edhe
ata komunistët me sy, e dinë ama se “popullin nuk e kanë me vete”. Dhe gruaja e
shërbyesit (Drita Pelingu), që në mënyrë dramatike i afrohet kameras dhe thotë:
“Jo Beqir Aga jo. Nuk jemi aq budallenj sa na pandeh ti. Kulla e barit, nuk do
të digjet!” (Dhe këtu dalin titrat finale).
Ndërkohë në ora 11 të natës një ish deputet i PD Bardh Spahia përballet në spital me ministrin Lleshaj. Secili ka ardhur për të plagosurit e vet. Askush nuk flet për të plagosurit e shumtë shpirtërorë që e kanë ndjekur me ankth e pa dëshirë, këtë farsë dramatike për kullën e barit, por që asnjëri nuk ka as çelësat e saj të kashtës. Kështu do presim takimin “historik” te 8 qershorit. Edhe ata që ruajnë kullën e barit dhe ata që bëjnë sikur duan ta djegin atë. Ajo nuk do digjet dhe të dielën këtë e kuptuan të gjithë.
Basha tha një të vërtetë: ora po numëron mbrapsht. Se kujt do ta marrim vesh shpejt. Ai nuk përmendi më prishjen e zgjedhjeve. Kulla e barit nuk është e tij. Do t’i duhet sërish ta shohë nga larg për një kohë të gjatë. Ndoshta një ditë do ta ëndërrojë sërish. Por pas 30 qershorit ndoshta. Tani secili është në pozicione që nuk ndryshojnë. Edhe nëse duan. Edhe nëse në vend të fjalëve, më 8 qershor do hedhë sërish shishe Molotov. Si në 2017, Ai arriti sërish me sukses të zgjasë jetën e një qeverie që flinte prej dy vjetësh e zgjohej vetëm kur prokuroria sulmonte Saimir Tahirin. Kësaj radhe duke e lënë të fitojë vetëm një palë zgjedhje parodike. Për më keq për të, me bekimin e një koalicioni të ri. Jo pro Ramës, por kundër Tij. Ndërkombëtarët. Ata, pronarët e vërtetë të Kullës së barit.
Pak pas mbylljes së protestës së shtatë
kombëtare, opozita ka vendosur datën e protestës së ardhshme.
Njoftimi është dhënë nga vetë Partia
Demokratike vetëm pak minuta pasi Lulzim Basha mbylli protestën e sotme, e cila
zgjati tre orë dhe ishte e dhunshme, ku mbetën të plagosur 7 punonjës policie. Protesta
e radhës e opozitës së bashkuar do të jetë më 8 qershor, ora 19:00.
Protesta e ardhshme u vendos pas mbledhjes që
kreu i PD-së Lulzim Basha zhvilloi me kolegjin e kryetarëve, kryesinë,
kryetarët e bashkive dhe grupet parlamentare. Pyetja qëndron sesi do të
organizohet protesta e ardhshme, duke qenë se Lulzim Basha, në mbyllje të protestës
deklaroi se është dita e fundit ku flet me argumentet e arsyes, pasi në
protestën e radhës fjalën do e ketë sovrani
Dhuna në protestën e sotme është komentuar
edhe nga deputeti socialist Taulant Balla, i cili i ka bërë thirrje
kryedemokratit Lulzim Basha që të heqë dorë nga urdhrat që jep për dhunë ndaj
institucioneve dhe për goditjen e punonjësve të Policisë së Shtetit.
“Deri tani janë plagosur shtatë bijë nënash në
krye të detyrës. Çantat e këtyre individëve të dhunshëm, të instruktuar brenda
zyrave të SHQUP, janë mbushur me mjete shpërthyese terrori të paguara prej teje
dhe ata që qëndrojnë pas teje Lulëzim. Ndalo sulmin kundër Shqipërisë, Lulëzim!
Shqiptarët dhe partnerët e Shqipërisë e dinë mirë se çfarë skenari ogurzi ke ti
dhe padroni yt, por harroje se ti mund ta cenosh sado pak rrugën Europiane të
Shqipërisë”, deklaroi Balla në një reagim në Facebook.
Lulezim! Hiq dorë nga urdhërat që jep për dhunë ndaj institucioneve dhe për goditjen e punonjësve të Policisë së…
