Tag: Psg

Goditi tifozin me grusht, Neymar përsëri në telashe (video)

Telashet për Neymar nuk kanë të sosur. Pas dënimit nga UEFA, që i ndalon brazilianit të luajë tre ndeshjet e para të Champions League me PSG-në sezonin e ardhshëm, një tjetër dënim pritet për sulmuesin brazilian, këtë herë nga Federata e Futbollit Francez.

Neymar është filmuar duke goditur një tifoz, pas finales së Kupës së Francës, e humbur nga PSG-ja kundër Rennes pak ditë më parë. Teksa ishte duke u ngjitur në tribunën e stadiumit për ceremoninë zyrtare të dhënies së medaljeve të finalistit, Neymar pati një incident me një tifoz, të cilin e goditi me grusht.

Video u bë virale në rrjetet sociale, ndërsa Neymar u pendua për gabimin duke reaguar në rrjetet sociale, ku ndër të tjera shkruante: “Askush nuk mund të qëndrojë indifferent ndaj atyre fyerjeve”.

Megjithatë, Neymar do të ketë një seancë dëgjimore para Komisionit të Disiplinës në FFF, ku do të japë shpejgimet e tij rreth incidentit me tifozin, nga ku pritet që braziliani të mësojë edhe dënimin. Për këto raste dënimi shkon deri në pesë ndeshje pezullim, por edhe më tepër.

Rennes fiton Kupën e Francës, shkurorëzohet PSG-ja

Milionat e Paris Saint-Germain nuk vlejnë, Kupa e Francës shtegëton larg kryeqytetit. Rennes i ka dhënë fund dominimit katër vite radhazi të PSG-së, duke i rrëmbyer trofeun e kupës mbrëmjen e së shtunës.

Një ndeshje e çmendur ajo e luajtur në “San Deni”, me Rennes që e merioti trofeun pasi ka përmbysur avantazhin 2-0 të kryeqytetasve.

Dani Alvesh dhe Neymar, ky i fundit i rikthyer nga dëmtimi, kanë kaluar në avantazh fillimisht PSG-në pas 21 minutash lojë. Kimpembe realizon një autogol dhe ngushton shifrat në 2-1, pesë minuta para mbylljes së pjesës së parë.

Rennes ka shënuar edhe golin e barazimit 2-2 në minutën e 66-të me Mexer. Një rezultat që ka mbetur i pandryshuar brenda kohës së rregullt, duke e çuar finalen e kupës në kohën shtesë.

90-të janë mbyllur në mënyrën më të keqe për parisienët, që kanë humbur Mbappe, i ndëshkuar me një karton të kuq për shkak të një ndërhyrje të rrezikshme.

Lotaria e penaltive i ka buzëqeshur Rennes, që ka fituar 6-5 pas gabimit të Nkunku, duke bërë që Rennes të fitojë Kupën e Francës.

[INSIDE] 🏆 La #CoupedeFrance rentre à Rennes ! 😍 #CDF #SRFCPSG #ToutDonner 💪🔴⚫

Publiée par Stade Rennais FC sur Samedi 27 avril 2019

Udhëtimi i Neymar në Torino, Tuchel: S’jam babai i tij!

Gjatë kohës që bëshin përgatitjet për finalen e Kupës së Francës, pikërisht dy ditë para saj, mediat kanë raportuar se ylli brazilian i Paris Saint-Germain, Neymar, ka bërë një udhëtim drej Torinos.

Sipas mediave mësohet se Neymar ka qenë i ftuar në një festë të organizuar nga bashkëkombasi i tij, Douglas Costa, futbollist i krahut te Juventus.

Megjithatë, trajneri skuadrës së PSG-së, Thomas Tuchel, është shprehur se nuk ka pasur dijeni për udhëtimin e Neymar drejt Torinos.

“Unë nuk di gjë për këtë udhëtim, – u tha Tuchel gazetarëve. – Nuk jam babai i tij, as policia, as ndonjë detektiv. Jam trajneri dhe Neymar ishte në trajnim dje dhe sot”.

Ndërkohë, për të larguar vëmendjen ndaj këtij lajmi, trajneri i Parizienëve ka folur për shkëlqimin në rritje të Kylian Mbappe, që është duke bërë një tjetër sezon fantastik me PSG-në.

“Ai ka bërë një paraqitje të pabesueshme, është një lojtar vendimtar, – shtoi Tuchel për 20-vjeçarin francez. – Kylian po rritet, po bëhet më i rëndësishëm”

“Nuk po flasim teorikisht këtu, pasi gjithçka ka ndodhur natyrshëm. Mbappe ka marrë më shumë përgjegjësi. Kam disa lojtarë kryesorë në ekipin tim, por gjithmonë na duhet loja ekipore, siç kemi treguar gjatë ndeshjeve të rëndësishme këtë sezon”.

Dënohet Neymar, mungon sezonin tjetër në Champions!

Paris Saint-Germain nuk do të ketë në dispozicion Neymar sezonin e ardhshëm për tre ndeshjet e para në grupe të UEFA Champions League.

Braziliani është dënuar me tre ndeshje për shkak të fjalëve fyese që ka përdorur ndaj arbitrave, pas eleminimit të ekipit të tij nga Manchester United.

Neymar reagoi me anë të një statusi në Instagram pas eleminimit nga 1/8-at e Championsit, ku shkruante:

“Është një turp! Katër njerëz që nuk dinë asgjë për futbollin janë përgjegjës për VAR-in. Nuk ishte penallti. Si mund të jetë një prekje me dorë kur topi godet kurrizin e tij. Shkoni q…”.

Skip to toolbar