Shemben ndërtimet në Radhimë, banorët përplasen me IKMT, ndërhyn FNSH

Inspektorati Kombëtar i Mbrojtjes së Territorit, mëngjesin e të martës rreth orës 05:00 të mëngjesit, nisi aksionin për shembjen e disa objekteve të ndërtuara pa leje në Radhimë.

Në këtë zonë, sipas Drejtoreshës së IKMT, Dallandyshe Bici, në këtë zonë do të shemben 51 objekte. Për disa objekte të tjera do të pritet të shprehet Kadastra, pasi janë objekte në proces legalizimi.

Ashtu si të hënën, FNSH mbështeti operacionin e IKMT edhe gjatë të martës për shembjen e ndërtimeve pa leje gjatë vijës bregdetare. Operacioni i IKMT për shembjen e ndërtimeve pa leje, do të përfshijë vijën bregdetare nga Vlora në Orikum.

Të hënën, pronarët e disa objekteve të ndërtuara në bregdet, bën rezistencë, duke bllokuar edhe fadromat të cilat po shembnin objektet pa leje.

Edhe gjatë mëngjesit të së martës, pati përplasje mes banorëve dhe inspektorëve të IKMT, por ndërhyn forcat e FNSH, duke normalizuar situatën dhe ulur tensionet.

Sot në Radhimë…
Gepostet von Inspektorati Kombëtar i Mbrojtjes së Territorit – IKMT am Dienstag, 1. Oktober 2019

Peshkaqeni 1.5 metra i gjatë kapet afër bregut në Radhimë

Pushuesit e Radhimës janë suprimuar këtë të martë kur një peshkaqen 1.5 metra i gjatë ka rënë në rrjetën e peshkatarëve të zonës.

Peshkaqeni është kapur në afërsi të zonës së Radhimës në Vlorë. Megjithëse është 1 metër e gjysmë i gjatë, ai cilësohet një peshkaqen i vogël dhe i parritur ende.

Lloji i këtij peshkaqeni nuk konsiderohet i rrezikshëm për jetën e njerëzve, megjithatë shfaqja e këtyre specieve në detin tonë shfaq një shqetësim tek pushuesit.

Sipas peshkatarëve që kanë kapur këtë peshkaqen, shfaqja e tyre në afërsi të Gjirit të Vlorës, vjen dhe për shkak të ngrohjes klimaterike ndërsa edhe herë të tjera në thellësi të mëdha janë kapur specie të tilla të cilat janë të rralla për brigjet shqiptare.

Parakaloi gabim në kthesë, plagosen dy persona në aksident, bllokohet rruga Vlorë-Radhimë

Një parakalim i gabuar ka shkaktuar një aksident mesditën e së martës në aksin Vlorë-Radhimë duke shkaktuar plagosjen e dy personave dhe bllokimin e qarkullimit të makinave në këtë aks të rënduar nga trafiku gjatë ditëve të plazhit.

Në vendngjarje mbërritën policia dhe ambulanca, por përplasja ka bërë që për disa minuta me radhë lëvizja në këtë aks të paralizohet.

Bëhet e ditur se një makinë tip “Hyndai” është futur në parakalim në kthesë dhe ky ka qenë edhe shkaku i aksidentit që ka sjelle plagosjen e dy personave të cilët ndodhen jashtë rrezikut për jetën.