Tag: Rama

Arena Kombëtare, Rama: Dikur hidhnin baltë, sot një ndër më të bukurit në Europë

Punimet në stadiumin “Arena Kombëtare” kanë hyrë në fazën e përfundimtare dhe shumë shpejt do të jetë e hapur për publikun dhe aktivitetin sportiv. Me një postim në Instagram, Rama ka publikuar disa foto ku tregohen fazat e punimeve nga jashtë dhe brenda ambienteve të Arenës Kombëtare. Me një citim të shkurtër Rama e ka cilësuar si një ndër stadiumet më të bukur në Europë.

“Kur thosha do jetë një ndër stadiumet më të bukur të Europës, shumëkush tallej dhe disa gjuanin me baltë si zakonisht, por ja, edhe pak dhe ARENA KOMBETARE do të hapë dyert e do të hyjë në revistat e arkitekturës, si një ndër stadiumet më të bukur të Europës.” shkruan Rama

Rama: Në 30 qershor nuk vendoset vetëm fati i bashkive, por i Shqipërisë

Kryeministri Edi Rama ka vijuar edhe ditën e diel fushatën elektorale nga Maliqi, duke thënë se 30 qershori nuk janë më zgjedhje vendore, por fal kundërshtarëve tanë ato janë kthyer në politike dhe atdhetare që do të vendosin njëherë e mirë fatin e Shqipërisë.

“Në këto zgjedhje punët u ngatërruan pak por për shkak të kundërshtarëve tanë janë kthyer nga zgjedhje vendore në zgjedhje politike, qytetare dhe atdhetare. Nuk do vendoset se kush do drejtojë bashkitë por si do jetë fati i Shqipërisë në 30 vitet e ardhshme. Sot ata kanë ikur nga parlamenti për të penguar Shqipërisë sepse vettingun nuk e bllokuan dot. Vettingu do shkojë para dhe ne do arrijmë që reforma në drejtësi të jetë e paprekshme. Duan të krijojnë idenë se Shqipëria është një vend ku nuk bëhen dot as zgjedhje jo më të hapen negociatat me BE. Kjo është baza, shtysa, motivi. Që ku kanë ikur nga parlamenti kërkojnë me çdo kusht të djegin zgjedhjet.” – tha Rama

Kryemadhi-Ramës: Boll u more me filxhanët, por jep llogari për bandat e krimit në qeveri

Kryetarja e LSI-së, Monika Kryemadhi ka reaguar pas ironive të shpeshta të kryeministrit Rama, që bën në fushata elektorale duke e quajtur “fallxhorja që sheh filxhanin dhe i bën ato realitet.”

Me një status në Facebook, Krymadhi i drejtohet Ramës që të mos merret me filxhanë, kazanë apo tepsi, por t’u shpjegojë shqiptarëve se si ai ka vënë shtetin në shërbim të krimit. Ajo ka përmendur disa nga akuzat që opozita ka bërë shpesh kundër qeverisë duke kërkuar rrëzimin e saj dhe vendosjen e një qeverie tranzitore.

Kryemadhi e mbyll postimin e saj duke i bërë thirrje të mos sjell më përçarjen e shqiptarëve, pasi kush është munduar ta bëjë ka korrur një fund të tmerrshëm.

Edi sa keq më vjen për ty. Je bërë si Kizi dikur. Merr nëpër gojë, shan e pështyn këdo, që të fanepset në ëndrra dhe të…

Gepostet von Monika Kryemadhi am Samstag, 15. Juni 2019

Rama bën premtimin: Do rikthejmë aeroportin e Korçës

Kryeministri Edi Rama u ka premtuar banorëve në Korçë, se do të ndërtojë stadiumin “Skënderbeu” dhe do të ketë një aeroport të vogël turistik që do të ndihmojë të rrisë edhe më shumë fluksin e turistëve dhe do të plotësojë kornizën e këtij qyteti të bukur.

“Duhet të rikthejmë për Korçën aeroportin. Sot që flasim kemi një kantier në Kukës, aeroporti i Kukësit është në ndërtim. Në aeroportin e Vlorës kemi hasur disa probleme me palën tjetër megjithatë kemi avancuar dhe me padiskutim do të rifillojmë ndërtimin. Jemi në proces për të hapur rrugën për aeroportin e Sarandës. Dhe në Korçë ku uleshin avionët e vegjël në 1924, dhe ku ka një fluks turistësh që rritet, është e domosdoshme që të bëhen të paktën dy gjëra: E para një zonë e re turistike dimërore për skitë sepse mundësitë janë fantastike dhe një zonë turistike e klasit të lartë për Korçën ka ardhur koha të ndërtohet, e dyta edhe një aeroport i vogël turistik plotëson kornizën e këtij qyteti të një turizmi qytetar.” –tha Rama

Rama: Në 2017 arrita ta bind Zhulietën, sot nuk bëhem dot më Romeo

Nga Korça, kryeministri Rama nuk i ka kursyer ironitë për kreun e PD, Lulzim Basha duke përmendur edhe marrëveshjen politike të arritur në 2017. Ai e ka konsideruar veten si Romeon e historisë, që arriti ta binde Zhulietën (Bashën) për të hyrë në zgjedhjet e 2017, ndërsa tha se këtë herë nuk mund ta bëjë dot këtë rol.

‘Në 2017 isha unë që u bëra Romeua i asaj kohe që iu luta Zhulietës siç nuk do kisha pasur dot fuqi t’i lutesha gjithë vajzave të bukura të Korçës në gjithë jetën time. Në fund e binda Xhulin, hajde kërko ca të duash. Mori gjysmën e qeverisë dhe mori gjysmën më me peshë’- tha Rama

Rama: Zgjedhjet do jenë të çuditshme, por jo për fajin tonë

Ndërsa i cilësoi zgjedhjet e 30 qershorit të rralla dhe të çuditshme për shkak të mungesës së kundërshtarit kryesor, Rama tha se kjo nuk vinte për faj të qeverisë,por mendjes së opozitës dhe paaftësisë së saj për të paraqitur një dritare të re për qytetarët duke shmangur votën e tyre, për të justifikuar humbjen e garantuar. Edhe pse dogjën mandatet për t’u bashkuar me popullin tha Rama, në fakt opozita u fut mes tij duke e shtyrë të ushtrojë dhunë ndaj policisë dhe institucioneve.

“Ne jemi të vetmit që mund ta bëjmë këtë vend dhe po nuk e bëmë ne, askush tjetër nuk ka për ta bërë. Për fat të keq ato që duhet të ishin sfiduesit tanë, për të krijuar një dritare të re mundësish për qytetarët, sot janë më keq nga ç’kanë qenë, pasi mirë nuk i kam parë ndonjëherë. Këto janë zgjedhje të çuditshëm për faktin se nuk kanë një kundërshtar kryesor dhe nuk janë gjëja më e mirë që mund t’i ndodhi  Shqipërisë në një moment që pret hapjen e negociatave. Atyre jua ka fajin mendja e tyre. Por Shqipëria dhe demokratët që i votuan çfarë faji ju kanë? Ato dolën për të mos u kthyer më. Ato nuk u shkrinë me popullin, por u futën në mes të tyre duke i nxitur të shkaktojnë dhunë ndaj policisë dhe institucioneve.” – tha Rama

Gjatë prezantimit të kandidat për Kolonjën Erion Isaj, Rama kërkoi nga banorët mbështetjen e tij si dhe tha se kandidimi i tij ishte i mirëpritur pasi si rrallë herë dikush kërkoi që të ik nga Tirana në Kolonjë dhe jo e kundërta. “Erionit të “tretë” ne i dhamë mbështetjen tonë, ju do ja jepni më 30 qershor.”

Rama: Filxhani i fallxhores, infektoi edhe Neritanin

Nga qyteti i Kolonjës, ku kryeministri Rama vijon fushatën elektorale, nuk hezitoi të flinte edhe për Lulin dhe Monikën, të cilës shpesh i referohet edhe si fallxhorja që shkatërroi qetësinë në vend duke lexuar filxhanin e saj.

“Nuk kemi parë kurrë një grua që udhëheq një parti politike dhe të mallkojë në mitingje.  Fallxhorja me filxhanin e saj mori në qafë Shqipërinë dhe futi mallkimin si kategori të re të mitingjet e politikës. Infektoi edhe Neritanin, kaq vite profesor i nderuar, me filxhanin e saj. Kjo nuk është për të qeshur, por për të qarë. Është mirë t’i qajmë ato më datë 30 qershor duke mbyllur njëherë e mirë këtë lojë të ulët që bëhet nga popullit dhe vendit.” – tha Rama

Kryemisnitri nuk la pa përmendur edhe kreun e demokratëve, duke thënë se Luli ka të njëjtin muhabet sa herë ka zgjedhje, edhe në 2017 ishte i njëjti avaz.  “Vjen proteston poshtë zyrës time, këndon himnin dhe ikën, vjen bërtet prapë dhe të gjithë këtë e bën të shmangur reformën në drejtësi dhe paaftësinë e tij për të fituar.’

PD-Ramës: Kur Presidenti të shpallë zgjedhjet e reja, do zbatojmë ligjin

Partia Demokratike i është përgjigjur kryeministrit Rama ku ka kërkuar zbatimin e ligjit nga kryetarët demokrat të bashkive, duke e cilësuar se në fakt ‘është vetë kryeministri në paligjshmëri të plotë.‘

Paraditen e së premtes, 5 bashki që udhëhiqen nga opozita, i drejtuan një letër Komisionit Qendror të Zgjedhjeve për të tërhequr KZAZ-të dhe listat emërore, pasi zgjedhjet nuk do të mbahen më 30 qershor sipas dekretit të presidentit Meta.

Në deklaratën e saj, Partia Demokratike kërkon që Rama të zbatojë ligjin, pasi vendimi i presidentit Meta është botuar në Fletoren Zyrtare.”Kur Presidenti të shpallë një datë të re zgjedhjesh, atëherë gatishmëria jonë për respektimin e ligjit, do të jetë, si gjithmonë, maksimale.” thotë PD-ja.

“Zoti Kryeministër! Je kokë e këmbë në paligjshmëri!

Qeveria e drejtuar prej teje ka botuar në Fletoren Zyrtare dekretin e Presidentit. Siç mund ta dish fare mirë, në Fletoren Zyrtare publikohen aktet ligjore të detyrueshme për zbatim në Republikën e Shqipërisë. Mos u lodh me urdhra pa vlerë që nxisin militantët e tu në KQZ të na kërcënojnë me ndjekje penale, sepse,  për sa kohë nuk ekziston një datë zgjedhjesh, as zgjedhjet nuk ekzistojnë.. Kushdo që vepron ndryshe, është në paligjshmëri!

Zoti Kryeministër, kur Presidenti të shpallë një datë të re zgjedhjesh, atëherë gatishmëria jonë për respektimin e ligjit, do të jetë, si gjithmonë, maksimale.

Hallin e datës 30 nuk ta zgjidhim dot ne!

Je që je kot dhe sillesh nëpër Shqipëri si qyfyrexhi, jepi urdhër KQZ-së të shpallë menjëherë nisjen e negociatave me BE-në!” – thuhet në deklaratën e PD.

Rama vazhdon fushatën: Mos ndiqni katër të marrët!

Kryeministri Rama ka vijuar fushatën elektorale në qytetin e Patosit, ku nuk ka hezituar të përmend edhe faktin se bashkitë opozitare kanë vendosur të ndjekin dhe zbatojnë dekretin e presidentit Meta për shfuqizimin  e zgjedhjeve më 30 qershor, duke ju drejtuar një letër Komisionit Qendror të Zgjedhjeve për largimin e KZAZ-ve dhe listave emërore.

Pra qytetarëve Rama tha se “kryebashkiakëve demokratë nuk duhet të ndiqni pas katërshen e marrosur, por ti referoheshin ligjit, përndryshe do të bëheshin viktima të tij. Akti i Metës për të bërë në marrëzi në mes të fushatës elektorale, për të fshirë firmën e tij me firmën e tij është si t’i frysh konfliktit civil dhe jo ta qetësosh atë.”

Kryeministri argumentoi edh enjë herë se pse zgjedhjet nuk mund të shtyhen duke e cilësuar këtë fakt si një të keqe më të madhe se mbajtja e tyre pasi “ në këtë mënyrë do të futej në fuqi rregulli që prish të gjitha rregullat se një parti mund të kërkojë të shtyjë zgjedhjet sa herë që t’i teket.”

“Kushtetuta nuk mund te argumentohet sikur po lexon filxhan apo sikur po lexon gazetën” tha Rama, i cili u ndal edhe në reformën në drejtësi, duke e cilësuar si frikën më të madhe të Metës, Saliut, Monikës dhe Lulit. “Katërshja kërkon të mbjell frikë, për të fshehur frikën e tyre më të madhe. Ato janë futur në errësirë dhe nuk mund të dalin dot më.’

Kërkuan largimin e KZAZ-ve, Rama u drejtohet kryebashkiakëve demokratë: Referojuni ligjit

Opozita nisi ditën e premte “luftën” e saj institucionale me anë të kryerave të bashkive që janë zgjedhur nën siglën e opozitës, duke ushtruar presion ndaj KZAZ-ve dhe KQZ-së, që të lirojë ambientet që administrohen nga këto bashki, me arsyetimin se nuk ka zgjedhje më 30 qershor. Përballë këtij kërcënimin të opozitës, ka reaguar edhe kryeministri Rama, i cili përmes një statusi në twitter, u ka bërë thirrje kryebashkiakëve demokratë të mos bëhen viktimë e katërshes Sali,Ilir, Luli dhe Mona, që kërkojnë të pengojnë mbajtjen e zgjedhjeve.

“Kryebashkiakë demokratë!Mos bini viktimë e katërshes SB/IM/LB/MK duke nxjerrë pengesa për zgjedhjet. Referojuni ligjit jo hallit të tyre të madh e as zhurmës së tyre të kotë. Nuk ju nxori PS nga gara po ata dhe ata duhet të përgjigjen para jush, jo ju para tyre. Ligji s’ka mëdyshje”  shkruan Rama

Skip to toolbar