Moti i keq sjell viktimën e parë në vendin tonë. Të dielën një shtetas 46-vjeçar, me inicialet A.Sh, është gjendur i vdekur në Lagunën e Karavastasë.
Mësohet se 46-vjeçari ka gjetur vdekjen pasi dyshohet se është goditur nga rrufeja.
Ngjarja fatale ndodhi mëngjesin e të dielës. Ky shtetas ka qenë duke peshkuar me varkë në Lagunën e Karavastasë në çastin që është goditur nga rrufeja.
Shkarkesa e madhe elektrike dyshohet se i ka marrë jetën peshkatarit. Ndërkohë, grupi hetimor vijon punën për zbardhjen e plot të ngjarjes.
