Tag: seance

Kuvendi mblidhet të enjten në orën 10.00 në një seancë parlamentare ku do të diskutohet për miratimin e dy kontratave koncesionare për ndërtimin dhe mirëmbajtjen e rrugëve Milot-Balldren dhe Orikum-Dukat.

Kontratat koncensionare parashikojnë që kompanitë të ndërtojnë dy akset rrugore me paratë e tyre dhe më pas të shlyhen nga buxheti i shtetit pas disa vitesh.

Sa i takon aksit Milot-Balldren në kontratën e lidhur mes Ministrisë së Infrastrukturës dhe Energjisë, si autoriteti kontraktor, shoqërisë “ANK”, sh.p.k., si koncesionari, dhe shoqërisë “Bardh konstruksion”, sh.p.k., si shoqëria koncesionare, për projektimin, ndërtimin dhe mirëmbajtjen e segmentit parashikohet se kompania ANK do ta ndërtojë aksin 17.2 kilometër të gjatë nga Miloti në Balldren me paratë e veta dhe më pas do të shlyhet nga buxheti i shtetit me këste për 13 vjet.

Kjo kontratë ngjalli debate të mëdha për koston e lartë të saj, 256 milionë euro me TVSh, por ministria ka sqaruar se nuk është fjala vetëm për ndërtimin, por në kosto përfshihet edhe mirëmbajtja për shumë vjet.

Kontrata tjetër është lidhur mes Ministrisë së Infrastrukturës dhe Energjisë, dhe “Gjikuria”, sh.p.k., si koncesionari, dhe shoqërisë koncesionare “Rruga Orikum – Llogara”, sh.p.k. për ndërtimin dhe mirëmbajtjen e rrugës “Porti jahteve – By-Pass Orikum – Dukat (Ura e Shën Elizës)””. Ky projekt parashikon ndërtimin e një aksi 14.7 kilometra që lidh Portin e Jahteve në Vlorë me By Pass-in e Orikumit dhe Dukatin. Në total, kompania do të investojë për ndërtimin e rrugës 51 milionë Euro.

Në këtë shumë përfshihet edhe mirëmbajtja e rrugës, e cila e do të ketë gjerësi 7 metra, me dy korsi. Së bashku me bankinën, gjerësia e seksionit të rrugës arrin në 10 metra. Megjithatë, kjo rrugë nuk do të përfshihet në asnjë nga kategoritë kryesore të rrugëve. Por Ministria e Infrastrukturës ka thënë se shpejtësia e lëvizjes në të është projektuar mes 60-80 kilometra në orë.

Kryeministri Rama në fjalën e së enjtes në Kuvend komentoi qëndrimin e opozitës në lidhje me negociatat dhe integrimin, duke thënë se ajo nuk ka asnjë vullnet politik për të bashkëpunuar në këtë proces, por madje e mban atë peng të axhendës së tyre politike.

“Ne mbetemi të vendosur që të stimulojmë një proces dialogu me opozitën, po padiskutim s’kemi asnjë gatishmëri për te negociuar Kushtetutën, si ligj themelor që na imponon të gjithëve ta respektojmë, në funksion të zgjedhjeve që i përkasin popullit sovran dhe nuk i përkasin partive. Ne kemi gjithë gatishmërinë të dialogojmë me opozitën jashtëparlamentare, por asnjëherë nuk do të negociojmë legjitimitetin dhe detyrimin për vazhdimësine e këtij parlamenti. Një detyrim që buron nga një mandat i qartë në bazë të të cilit për ne është e pamundur që atyre që na kanë zgjedhur t’u themi, na falni por ata që nuk i zgjodhët për të qeverisur do të kenë prioritet në raport me ju që na zgjodhët të qeverisim.

Partive u takon që të jenë bashkë në një zë. Fatkeqësisht mjafton të dëgjosh reagimet e opozitës rrugore në raport me çeljen e negociatave për të kuptuar jo vetëm se s’ka asnjë vullnet për të bashkuar zërin me të gjithe ne.

 Ata nuk e duan as zgjerimin e Europës dhe as çekljem e negociatave. Është për të ardhur keq. Është e pakuptimtë. Negociatat nuk janë për qeverinë dhe nuk vazhdojnë vetëm me një mandat qeveritar. Ky është një proces ku të gjitha palët kanë patur detyrat dhe rolin e tyre. Dhe ta kthejnë këtë proces në peng të axhendës së tyre politike, është e pa parë në asnjë vend që ka kaluar këtë proces.

Megjithatë ne nuk kemi asnjë rrugë tjetër. Ata nuk janë të zgjedhurit tanë”, tha Rama në seancë.