Elhan Kastrati ndryshon ekip, por mbetet në të njëjtën ligë

Portieri i Kombëtares shqiptare, që aktualisht luan me skuadrën e Pescara në Itali, pritet të ndryshojë ekip. Siç shkruan gazetari italian Gianluca di Marzio, Elhan Kastrati pritet të udhëtojë drejt Siçilisë për t`u bashkuar me ekipin e Trapani, që gjithashtu aktivizohet në Serie B.

“Trapani është afër portierit Elhan Kastrati të Pescara. Futbollisti shqiptar, ka luajtur 11 ndeshje gjatë këtij sezoni, ndërsa pritet që në orët e ardhshme të shkojë në Siçili për të zënë vendin e Marco Carnesecchi, portierit të kombëtares U21 të Italisë”, shkruan ndër të tjera gazetari italian.

Ndërkohë, ende nuk bëhen të ditura detajet rreth transferimit të portierit, që është grumbulluar dhe nga kombëtarja U21 e Shqipërisë. Elhan Kastrati është prej disa vitesh pjesë e skuadrës së Pescara në Itali. Këtë sezon ai është aktivizuar në 11 ndeshje, duke bërë paraqitje të mira, ndërsa nuk ka munguar edhe në formacionin e javës në Serie B.

Goli në Serinë B dhe e ardhmja, Dermaku tregon gjithçka!

Kastriot Dermaku ishte heroi i Cozencës në ndeshjen e fundit në kampionat, pasi qendërmbrojtësi shënoi golin e fitores për ekipin e tij në përballjen kundër Specias.

Ajo fitore e afron Cozencën me vendet e kreut, pavarësisht se zona e play-off është ende larg në Serinë B. Pas ndeshjes, Dermaku ka folur për mediat në Itali, duke treguar emocionet e golit të shënuar dhe objektivat e klubit.

Objektivi – Nuk e di çfarë kanë bërë të tjerët, por di që objektivi jonë ishte të kalonim 40 pikët dhe ia arritëm 3 ndeshje para fundit. Goli ishte i rëndësishëm, hera e parë që shënoj në Serie B dhe kjo më gëzon.

Ëndrra për të kapur “Play-Off”-in? – Nuk e di! Nuk duhet të mendojmë për të siç bëmë dy muaj më parë kur ishim një hap larg nga play-off dhe më pas humbëm disa ndeshje. Tani do të luajmë me më shumë besim. Ndoshta nëse bëjmë një rezultat pozitiv në Benevento, mund të ëndërrojmë. Nuk ishte një fillim i lehtë për një skuadër që vinte nga Seria C.

E ardhmja- Kemi biseduar gjatë javës për këtë gjë. Situata është disi e komplikuar. Kam pasur kontakte nga klube të tjera, por asgjë konkrete. Kontrata ime është drejt përfundimit, do të pres dhe pak.

Kombëtarja- “E dija që do ta kisha të vështirë të vazhdoja, pasi qendërmbrojtës të tjerë u rikthyer. Pres një telefonatë, nëse do të më vijë do jem shumë i gëzuar”.

Dermaku shënon golin e parë sezonal në Itali ( video)

Kastriot Dermaku është duke kaluar një sezon të shkëlqyer në Itali me Cozencan, duke u bërë ‘mur’ në mbrojtjen e ekipit në Serinë B.

Këtë gjë ka bërë dhe ditën e djeshme në sfidën ndaj Spezias në shtëpi, por më tepër se sa mbrojtjes i ka shërbyer sulmit.

Kështu në minutën e 55′, pasi Cozenca kishte humbur një penallti dhe rezultati vijonte të ishte 0-0, Kastriot Dermaku shënoi golin e avantazhit, që në pati vlerën e tre pikëve për skuadrën e tij.

Me formën që ka treguar këtë sezon, Dermaku është vënë ne fokusin e disa ekipeve në Serinë A, të cilat e duan shtatlartin për mbrojtjen e tyre.

Bolonga dhe Torino janë interesuar për mbrojtësin e kombëtares shqiptare, ndërsa së fundi ka dalë në skenë dhe emri i Besiktas në Turqi.