Shijak, policia procedon të miturin, shkonte në shkollë me pistoletë

Policia e Durrësit sekuestroi të martën një pistoletë, e cila iu gjet një 13-vjeçari që e mbante me vete gjatë frekuentimit të shkollës. Në një komunikatë të Policisë së Durrësit, mësohet se gjatë këtyre ditëve janë zhvilluar kontrolle në shkolla me qëllim rritjen e sigurisë te nxënësit.

Sipas komunikatës, në qytetin e Shijakut, specialistët e Hetimit të Krimeve proceduan në gjendje të lirë një 13-vjeçar, nxënës i një shkolle 9-vjeçare, pasi iu gjet një armë zjarri pistoletë imituese. Policia nuk jep detaje rreth identitetit të të riut dhe shkollës ku ai ndiqte mësimin.

“Policia në bashkëpunim me stafet pedagogjike, qeveritë e nxënësve dhe bordin e prindërve do vijojë të ushtrojë kontrolle përreth shkollave dhe brenda tyre në orare të përshtatshme, me qëllimin e vetëm, rritjen e parametrave të sigurisë në shkolla për zhvillimin e një procesi mësimor sa më të sigurt”, thuhet në komunikatën e Policisë.

Shijak, zjarr në një magazinë me pajisje elektrike

Një magazinë me pajisje elektrike u përfshi nga zjarri në zonën e njohur si “4 rrugët e Shijakut”. Nuk dihen arsyet e rënies së zjarrit, ndërsa dëmet materiale janë të konsiderueshme.

Zjarrfikëset bënë të mundur shuarjen e flakëve, ndërsa autoritetet vijojnë hetimet për zbardhjen e arsyeve të rënies së zjarrit.

Fatmirësisht nga zjarri nuk ka asnjë të lënduar.

Tërmet 3.4 ballë, lëkundet Shqipëria

Një tërmet me magnitudë 3.4 ballë është ndierë në vendin tonë të martën rreth orës 14:22 minuta.

Epiqendra e tërmetit ishte 12 km Shijakut, ndërsa vala sizmike është ndierë edhe në Tiranë.

Lëkundja e të martës, disa ditë pas tërmetit të fuqishëm që goditi vendin, duke shkaktuar dëme të mëdha materiale dhe disa persona të plagosur.

Tërmeti i datës 21 shtator të këtij viti, me fuqi 5.8 ballë, ishte nga më të fortët e 30 viteve të fundit që kanë goditur vendin tonë.

Kujtojmë se kjo është lëkundja e parë, pas disa ditësh qetësie në vend. Pas tërmetit të fuqishëm të 21 shtatorit, në vend pati dhe lëkundje të tjera, me fuqi më të vogël, kryesisht nën 3 ballë.

Opozita i kërkoi dorëheqjen, Arbana: E kam ndërgjegjen e pastër

Elton Arbana, emri i të cilit është përfshirë në përgjimet e publikuara nga gazeta gjermane “Bild” ka reaguar sërish sot pas kërkesës së Partisë Bindja Demokratike, ku kërkoi dorëheqjen e tij nga kandidimi si kryetar Bashkie për Shijakun.

Arbana ka zgjedhur që këtë herë të flas me një status të gjatë në Facebook-un e tij ku thotë se e ka ndërgjegjen e pastër dhe falë parimeve të tij të forta morale është zgjedhur edhe si kandidat i PS për Bashkinë Shijak. Ai i ka cilësuar si biseda boshe dhe baltosëse përgjimet e publikuara nga “Bild”, ndërsa thotë se nuk ka asnjë nevojë të bëjë deklarata vetëmbrojtëse.

“Njerëzit mos të lodhen me biseda boshe edhe përgjime baltosëse, por të shohin përpara drejt ëndrrës europiane! Askush nuk mund të manipulojë të vërtetën: Unë jam i përzgjedhur nga Partia Socialiste, a e dini pse? Sepse i dua dhe më duan të gjithë shijaksit. Sepse duke qenë prind, familjar, qytetar veproj drejt ndaj vetes dhe tjetrit, jo thjesht për shkak të frikës së ligjit, por për shkak të zërit të ndërgjegjes, të cilit i bindem për të shkuar drejt të mirës me potencial të plotë moral. Ky nuk është instinkti im i vetëmbrojtjes, është vetëm një zë kumbues brenda vetes që më thotë: Nuk ka jastëk më të mirë sesa një ndërgjegje e pastër! ” – shkruana Arbana

Nuk ka jastëk më të mirë, sesa një ndërgjegje e pastër!Unë e dua Shqipërinë, e dua Shijakun tim, prandaj kam zgjedhur…
Gepostet von Elton Arbana – Faqja Zyrtare am Donnerstag, 6. Juni 2019