Gazetari shqiptar futet në Al Hol. Gra e fëmijë kërkojnë të kthehen në Shqipëri

Një ekip xhirimi i A2 CNN i drejtuar nga gazetari Jul Kasapi, shkoi në kampin Al Hol në Siri, ku qëndrojnë mijëra gra e fëmijë, familjarë të ushtarëve të ISIS. Gazetari dhe operatori i A2 sollën pamje nga brenda kampit, duke takuar edhe disa gra e fëmijë nga Shqipëria e Maqedonia, që ndodeshin prej vitesh aty. Kushtet e jetesës në çadra janë të vështira. Një e moshuar nga Tirana, Mentije Dumani, i bëri apel institucioneve shqiptare që të ndërhyjnë për të bërë riatdhesimin e rreth 20 familjeve që ndodhen në Al Hol prej vitesh.

“Unë jam Mentije Dumani. Jam nga Tirana. Jemi më pak se 20 familje shqiptare. Këtu ka shqiptarë, turq. Kushtet i kemi të mira. Ne kërkojmë nga shteti dhe të interesohet. Na ka mbajtur me gënjeshtra se do të na marrin. Ne duam të kthehemi në vendin tonë. Mos të na lënë pas dore. I bëjmë thirrje shtetit të na marrë sa më parë”, tregon një nga shqiptaret në këtë kamp. 

 Gratë dhe fëmijët shqiptarë kanë humbur kontektet prej vitesh me pjesën tjetër të familjarëve të tyre, si ata në Shqipëri apo dhe familjarët e tyre që luftojnë krah ISIS në Siri. “Unë jam Rruzhdie Balliu nga Librazhdi. I bëjmë thirrje shtetit të na kthejë në vendin tonë. Unë nuk kam kontakt me asnjë nga familjarët. Burrin nuk e di fare se ku është. Ali quhet”, shprehet një tjetër shtetase shqiptare.

Rreziku brenda kampit është gjithmonë evident. Gratë dhe fëmijët shqiptarë ndodhen në seksionin e të huajëve, ku bëjnë pjesë aktualisht rreth 10 mijë gra e fëmijë. Ky seksion është dhe më i radikalizuari, pasi siç janë shprehur përfaqësuesit e administratës kurde që ruan kampin, janë shumë gra të trajnuara për luftë.

Por sa e vështirë është të bësh riatdhesimin e grave që ndodhen në kamp? Sipas përfaqësuesve të administratës, do të mjaftonte bashkëpunimi i shteteve nga kanë prejardhjen familjet që ndodhen në kamp, për të bërë riatdhesimin e tyre. Administrata e Al Hol shprehet se rehabilitimi i grave të radikalizuara në kamp është shumë i vështirë nga ana e tyre, ndaj kërkojnë bashkëpunimin me vendet e orgjinës për t`i riatdhesuar këto familje. Vetëm disa ditë më parë, fal bashkëpunimit të shtetit shqiptar dhe atij italian, u bë i mundur shpëtimi i një fëmije shqiptar, Alvin Berisha. Ai u kthye pranë babait të tij në Itali, pasi rasti u publikua në mediat italiane.

SHBA bind Erdogan, armëpushim në Siri

SHBA dhe Turqia bien dakord për armëpushimin në Siri. Lajmi u dha nga zëvendëspresidenti amerikan, Mike Pence, i cili njoftoi se u arrit një marrëveshje me presidentin turk Erdogan për të ndalur sulmet dhe tërheqjen e trupave ushtarake brenda 5 ditëve. Sipas Pence, SHBA do të ndihmojë në krijimin e një “zone të sigurt” në kufi ku të ketë një “tërheqje të rregullt” të trupave turke dhe atyre kurde.

Një javë pasi forcat turke hynë në Siri, Turqia dhe Shtetet e Bashkuara të Amerikës kanë rënë dakord për një armëpushim. Të gjitha operacionet ushtarake do të ndalen për 120 orë. Turqia ka rënë dakord për një armëpushim të përhershëm dhe Shtetet e Bashkuara të Amerika do të punojë me Turqinë, do të punojë me kombe në mbarë botën për të siguruar që paqja dhe stabiliteti është rendi i ditës në këtë zonë të sigurt në kufirin midis Sirisë dhe Turqisë, ” tha  Pence

Si pjesë e marrëveshjes për armëpushim Shtetet e Bashkuara nuk do të vendosin sanksione të mëtejshme ndaj Turqisë.

Një pjesë e të kuptuarit tonë është se me zbatimin e armëpushimit, Shtetet e Bashkuara nuk do të vendosin sanksione të mëtejshme ndaj Turqisë. Dhe sapo të jetë në fuqi një armëpushim i përhershëm, Presidenti ka pranuar të tërheqë sanksionet ekonomike që u vendosën më 14 tetor.” tha Pence

Gjatë konferencës për shtyp ku u njoftua armëpushimi, Pence bëri të ditur se presidenti Trump ka “shprehur mirënjohjen ndaj Erdoganit për arritjen e një armëpushimi.”

Presidenti Trump reagoi në twitter duke shkruar “Faleminderit Erdogan! Shpëtove mijëra jetë. Kjo është një ditë e shkëlqyer për civilizimin. Jam krenar për Shtetet e Bashkuara që kanë qëndruar pranë meje në ndjekjen e një rruge të nevojshme, por disi jo konvencionale. Njerëzit janë përpjekur ta bëjnë këtë “Marrëveshje” për shumë vite. Miliona jetë do të shpëtohen. Urime të gjithëve!

Turqia nisi sulmin e saj javën e kaluar duke synuar të shtynte luftëtarët kurdë nga kufiri dhe të krijonte këtë “zonë të sigurt” për të rivendosur refugjatët sirianë. Ofensiva turke erdhi pasi Presidenti Trump nxori forcat amerikane nga zona. Gjatë ditës së enjte Trump i dërgoi një letër Erdogan ku i kërkonte “të mos bënte të fortin por jepi fund sulmeve ndaj kurdëve në Siri”.

Turqia nis operacionin në veri të Sirisë

Turqia nisi një operacion ushtarak të planifikuar për një kohë të gjatë në veriun e Sirisë për të nxjerrë forcat kurde të etiketuara nga Ankaraja si terroristë, por që shihen nga shumica e Perëndimit si partnerë kryesorë në luftën kundër Shtetit Islamik.

Presidenti turk Rexhep Tajip Erdogan njoftoi fillimin e operacionit, të quajtur “Pranvera e Paqes” dhe tha se ai kishte për qëllim zhdukjen e “kërcënimit të terrorit” kundër Turqisë. Forcat Demokratike Siriane të udhëhequra nga kurdët (FDS) thanë që avionët luftarak turq po godasin zona civile, duke shkaktuar panik të madh.

Operacioni ushtarak filloi disa ditë pas një njoftimi të befasishëm të Shtëpisë së Bardhë se forcat amerikane do të tërhiqeshin nga rajoni, duke i hapur rrugën operacionit ushtarak turk. Presidenti Donald Trump po vazhdon të mbrojë vendimin e tij, mes kritikave të gjera në Uashington, duke thënë se “luftërat e kota të pafundme për ne po mbarojnë!”

“Luftimet mes grupeve të ndryshme kanë vazhduar për qindra vjet. Shtetet e Bashkuara nuk duhet të kishte qenë kurrë në Lindjen e Mesme. Lëvizëm 50 ushtarët tanë! Turqia DUHET të marrë përsipër luftëtarët e kapur të ISIS-it që Evropa nuk pranoi të ktheheshin. Luftërat e kota, pa fund, për ne, po mbarojnë! ”, tha Presidenti Trump të mërkurën, në një seri postimesh në Twitter për këtë çështje.

Si ligjvënësit demokratë edhe ata republikanë kanë kritikuar ashpër tërheqjen amerikane nga Siria veriore, duke thënë se Shtetet e Bashkuara po braktisnin kurdët sirianë që kishin luftuar grupin terrorist Shteti Islamik së bashku me trupat amerikane.

“Nëse e dëgjoj presidentin të thotë edhe një herë,” bëra një premtim fushate për të dalë nga Siria, “do më turbullohet stomaku”, tha senatori republikan Lindsay Graham për Axios. “Ai bëri një betim për të mbrojtur kombin kundër të gjithë armiqve, të huaj dhe vendas. Nuk ka asnjë armik më të madh për kombin tonë se ISIS. Dhe nuk ka asnjë mënyrë që ta mbrojmë vendin nga Islami radikal pa partnerë si kurdët.”

Përpara sulmit turk, Forcat Demokratike Siriane lëshoi thirrjen e vet për vendet e përfshira në koalicionin për të mposhtur ISIS-in dhe për të shmangur një katastrofë humanitare në veri të Sirisë.

“Të gjithë treguesit, informacionet në terren dhe grumbullimet ushtarake në anën turke të kufirit tregojnë se zonat tona kufitare do të sulmohen nga Turqia, në bashkëpunim me opozitën siriane të lidhur me Turqinë,” tha FDS. “Ky sulm do të sjell viktima në radhët  e mijëra civilëve të pafajshëm sepse zonat tona kufitare janë të mbingarkuara.”

Presidenti Trump ka këmbëngulur se nuk po braktis kurdët që luftuan me Shtetet e Bashkuara dhe partnerët e koalicionit kundër ISIS-it. Në të njëjtën kohë, ai ka lavdëruar edhe Turqinë, duke e ftuar Presidentin Erdogan të vizitojë Shtëpinë e Bardhë muajin tjetër (13 nëntor), ndërsa e quajti Ankaranë një “partner të madh tregtar” dhe i atribuojë qeverisë turke “ndihmën për të shpëtuar shumë jetë njerëzish në provincën Idlib”.

Zyrtarët ushtarakë amerikanë konfirmuan se kanë ripozicionuar rreth 50 anëtarë të forcës speciale amerikane, të cilët kishin vepruar përgjatë kufirit Turqi-Siri, për shkak të rreziqeve të sigurisë.

“Fatkeqësisht, Turqia ka zgjedhur të veprojë në mënyrë të njëanshme,” tha zëdhënësi i Pentagonit Jonathan Rath Hoffman në një deklaratë, të martën. “Si rezultat, ne kemi zhvendosur forcat amerikane në veriun e Sirisë larg nga rruga e inkursionit të mundshëm turk për të ruajtur sigurinë e tyre,” shtoi ai. “Deri tani nuk kemi bërë asnjë ndryshim në praninë tonë ushtarake në Siri.”/VOA/

Studimi i SHBA: Mbi 500 xhihadistë, gra dhe fëmijë nga Ballkani janë ende në Siri e Irak

Akademia Ushtarake e SHBA ka publikuar së fundi studimin për luftën kundër terrorizmit dhe xhihadizmin në Ballkanin Perëndimor ku bën pjesë edhe Shqipëria.

Fokusi i studimit nuk janë vetëm ata persona  që kanë shkuar të luftojnë me armë në dorë në Siri e Irak, por edhe ata që kanë vendosur që të njëjtën luftë të motivuar nga e njëjta ideologji xhihadiste ta zhvillojnë me mënyra të tjera në Ballkan.

Studimi i kushton një vend të rëndësishëm edhe problemit të grave dhe fëmijëve që kanë shkuar apo që kanë lindur në Siri dhe Irak, mes tyre fëmijë shqiptarë dhe kosovarë.

Në këtë studim shkruhet se janë mbi 1.000 luftëtarë të rritur meshkuj, gra dhe të mitur nga Ballkani Perëndimor që kanë shkuar në Siri dhe Irak dhe më pas janë kthyer ndërkohë që rreth 500 të tjerë vazhdojnë ende të jenë atje, përfshi këtu dhe shumë fëmijë.

Pas shtatë vitesh luftimesh dhe janë regjistruar të paktën 260 vdekjeve. Ndërkohë që Ballkani Perëndimor ka një njësi të vetën luftarake që raportohet në studim se është një njësi modeste etnike luftarake shqiptare që lufton me Hay’at Tahrir al-Sham në Idlib. Pjesa tjetër e atyre që mbeten në Siri dhe Irak, kryesisht të mitur, mbahen në kampe të zhvendosurve të kontrolluar nga kurdët. Rreth 460 të tjerë janë kthyer gradualisht në shtëpi, duke e bërë Ballkanin Perëndimor rajonin me përqendrimin më të lartë të kthimit të luftëtarëve të huaj terroristë në Evropë.

Në raport shkruhet se që nga viti 2012, rreth 1,070 shtetas të Kosovës, Bosnje dhe Hercegovinës, Maqedonisë së Veriut, Shqipërisë, Serbisë dhe Malit të Zi udhëtuan për në Siri dhe Irak, duke u bashkuar kryesisht në radhët e Shtetit Islamik dhe një numër më i vogël bashkëpunoi me al-Qa`ida, Jabhat al- Nusra, dhe kohët e fundit me Hay’at Tahrir al-Sham (HTS).

Rreth dy të tretat e kontigjentit, ose 67 përqind, ishin meshkuj në kohën, 15 përqind gra dhe 18 përqind fëmijë.  Kosova kontribuoi me numrin më të madh të burrave në rajon (256),  ndërsa Bosnja dhe Hercegovina kontribuoi me numrin më të madh të grave (61) dhe fëmijë ( 81) .

Për shkak të lindjeve të reja gjatë viteve 2012 dhe 2019, numri i fëmijëve të luftëtarëve të huaj nga Ballkani Perëndimor në Siri dhe Irak është rritur në mënyrë të konsiderueshme. Sipas të dhënave zyrtare, numri i fëmijëve të lindur nga prindërit kosovarë dhe boshnjakë që nga fillimi i vitit 2019 ishte në 155.  

Gjatë shtatë viteve të fundit janë vrarë rreth 260 luftëtarë nga Ballkani në Siri, ndërkohë që 460 të tjerë janë kthyer në vendet e tyre të kombësisë. Por pavarësisht të kthimeve në raport vërehet se numri i luftëtarëve ballkanas vijin të mbetet i lartë.

Në Siri dhe Irak qëndrojnë  mbi 500 individë, mes tyre shumë gra dhe fëmijë që mbahen në burgjet dhe kampe të kontrolluara nga kurdët, ndërsa një numër më i vogël vazhdon të përfshihet me organizatat ku ata u bashkuan në Siri dhe Irak.

Në përfundim raporti vëren se aktualisht prania e luftëtarëve të huaj të Ballkanit Perëndimor në Siri dhe Irak është në pikën më të ulët që nga viti 2012.

Studimi sugjeron se në këtë situatë qeverinë e vendeve të Rajonit duhet t’i kushtojnë më shumë rëndësi monitorimit të rrjeteve të fuqishme të xhihadit në rajon që mund të aktivizohen nga personat e kthyer nga Siria dhe Iraku. “”Fëmijët e Kalifatit”, përfshirë ata nga Ballkani Perëndimor, ka të ngjarë të përfaqësojnë një sfidë afatgjatë me implikime të sigurisë kombëtare. Si i tillë, ekziston një rast i fortë për t’i dhënë përparësi përpjekjeve për të adresuar këtë sfidë komplekse”, shkruhet në studim./realstory.al

Siri: Raketa ruse kundër grupeve të milicisë në Idlib

Bombardime intensive ajrore janë njoftuar të kenë ndodhur në rajonin verior sirian të Idlib, në të cilin jetojnë të paktën tre milionë civilë. Në zonën që operojnë trupat anti-qeveritare mesohet se forcat e qeverisë siriane dhe ato Ruse kanë realizuar një fushatë bombardimesh intensive nga toka dhe ajri.

Lajmin e ka publikuar Observatori Sirian për të Drejtat e Njeriut, i cili i konfirmon nga terreni ngjarjet e fundit, ku gjithashtu mësohet se dhe qytetit Jisr ash Shughur në jug të Idlib, është bombarduar në mënyrë të përsëritur nga raketa me rreze të largët të lëshuara nga flotat rusë në detin Mesdhe.

Skip to toolbar