Tag: Spanja

Botërori i basketbollit, Spanja “kurorëzohet” kampione

Spanja është shpallur Kampione e Botës në basketboll për meshkuj, pasi ka mundur në finalen e madhe Argjentinën me rezultatin 95-75, me ndeshjen finale që u zhvillua në Pekin. Skuadra spanjolle ka dominuar në të katër periodat, duke fituar me 20-të pikë diferencë ndaj rivalëve të Argjentiës. Në periodën e parë, Spanja fitoi me rezultatin 23 me 14, në të dytën 20-17, në të tretën 23-17 dhe në të katërtën 29-28.

Pavarësisht këtij përmirësimi të lojës në periodën e katërt, Argjentina nuk mundi të ndryshonte fatet e lojës, vendosur në tre periodat e para. Kjo është hera e dytë që Spanja shpallet Kampione e Botës në basketboll për meshkuj. Mediat spanjolle ia dedikojnë këtë sukses trajnerit Sergio Scarillo, i cili ka ditur të ndërtojë një skuadër kompakte dhe solide në parket.

Në të katër periodat e lojës, skuadra e  Spanjës mbajti nën presion kundërshtarët e Argjentinës, jo vetëm duke mos lejuar hapësira  në mbrojtje, por duke i sulmuar vazhdimisht. Një nga lojtarët që spikatën në këtë takim, ishte ricky Rubio me 20 pikë për Spanjën, ndërsa shkëlqyen gjithashtu dhe Rudy Fernandez, Marc Gasol, Sergio Llull dhe vëllezërit Gernangomez. Argjentina u udhëhoq nga Nicolas Laprovittola dhe Gabriel Deck, të cilët shënuan përkatësisht 17 dhe 24 pikë.

Arbitra nga Spanja për të vendosur drejtësi në Francë-Shqipëri

Të shtunën më 7 shtator, kombëtarja shqiptare e futbollit do të luajë ndeshjen e radhës kualifikuese për Euro 2020 ndaj Francës. Në takimin që do të luhet në “Sade de France”, do të vendosin drejtësi katër arbitra nga Spanja. Këtë mërkurë janë publikuar emrat e arbitrave që do të drejtojnë ndeshjen  e kuqezinjve me ‘gjelat’. Arbitër kryesor është Jesus Gil Manzano nga Spanja, i cili ka stemën e FIFA dhe një karrierë të gjatë në ndeshje ndërkombëtare.

Dy asistentët e tij në këtë tëkim do të jenë bashkëatdhetarët e Gil Manzano. Bëhet fajël për arbitrin Diego Barbero Sevilla dhe Angel Nevado Rodriguez, të cilët do të asistojnë ndeshjen e së shtunës. Arbitër i katërt është spanjolli tjetër, Jose Maria Sanzhez Martinez, ndërsa delegati i ndeshjes është nga Letonia, Janis Mezeckis.

Shqipëria do ta nisë këtë ndeshje si jo favorite, pasi Franca është pretendente kryesore për të kaluar grupin, ndërsa kuqezinjtë kanë rivalitetin direkt të Islandës dhe Turqisë. Prej tre ditësh kombëtarja ka nisur grumbullimin në Durrës, ku trajneri Edy Reja ka thirrur 23 lojtarë, ndërsa disa të tjerë janë në gatishmëri. Pas Francës, kombëtarja kuqezi do të ndeshet në “Elbasan Arena” me Islandën në datën 10 shtator.

Cakaj merr konfirmimin e homologut spanjoll: E duam Shqipërinë në BE

“Spanja mbështet integrimin e Shqipërisë në BE’, ky ishte konfirmimi që ministri i Jashtëm në detyrë, Gent Cakaj mori nga homologu i tij spanjoll, Josep Borrell. Cakaj vlerësoi takimin me ministrin e jashtëm të Spanjës, Borrell, në të cilin u diskutuara mbi thellimin e marrëdhënieve dypalëshe dhe proceset integruese të Ballkanit Perëndimor. Spanja konfirmoi qëndrimin e palëkundur për Ballkanin Perëndimor dhe perspektivën e qartë të tij për t’u bërë sa më parë pjesë e Bashkimit Evropian.

“Takimi me Ministrin e Jashtëm të Spanjës, Josep Borrell, spikati në tre elemente kryesore:

Së pari, domosdoshmërinë e thellimit të mëtejmë të marrëdhënieve dypalëshe midis Shqipërisë dhe Spanjës, veçanërisht duke rritur nivelin e komunikimit të lartë politik dhe duke shtuar bashkëpunimin ekonomik;

Së dyti, rëndësinë e patjetërsueshme të hapjes së negociatave për anëtarësim në BE me Shqipërinë në muajin tetor dhe, për më shumë, fuqizimin e politikave të zgjerimit të BE-së në Ballkanin Perëndimor në përgjithësi;

Së treti, vlerësimin pozitiv ndërkombëtar për përgatitjet e Shqipërisë për marrjen e Kryesisë së OSBE-së në vitin 2020 dhe nevojën për një koordinim të ngushtë me pjesëmarrësit e kësaj organizate;

Shqipëria do të vazhdojë t’i realizojë objektivat madhorë të politikës së jashtme dhe të fuqizojë më tej besueshmërinë ndërkombëtare të saj!’ – shkruan Cakaj në Facebook.

Spanja i lehtëson punën Jorgjit, kalon lehtësisht Ishujt Faroe (të gjitha rezultatet e ndeshjeve)

Janë luajtur këtë të premte disa nga ndeshjet e raundit të tretë kualifikues të vlefshme për Europianin 2020.

Spanja ka shkatërruar Ishujt Faroe nën gjykimin e arbitrit shqiptar Enea Jorgji në ndeshjen e raundit të tretë për kualifikueset e Euro 2020, në Grupin F.

Ramos, Navas, autogoli i Gestsson dhe Gaya, i dhanë fitoren 4-1 skuadrës spanjolle përballë ekipit modest të Ishujve Faore, me këto të fundit që shënuan golin e nderit me Olsen.

Pas fitores së kësaj të premteje, Spanja mbetet në krye të Grupit F me 9 pikë, ndërsa ndiqet nga Suedia me 7 pikë, që mban vendin e dytë.

Ekipi i vendit skandinav, gjithashtu fioi ndaj Maltës me rezultatin 3-0, me gola të shënuar nga Quaison, Claesson dhe Isak. Kështu, Suedia mbetet një nga pretendentët kryes, veç Spanjë, për kualifikimin në Euro 2020 nga Grupi F.

Izraeli fitoi 3-0 ndaj Lituanisë në Grupin G, duke u ngjitur në vendin e dytë, ndërsa Polonia mundi minimalisht 1-0 Maqedoninë  e Veriut, duke ruajtur vendin e parë në këtë grup.

Ukraina nuk ka treguar aspak mëshirë ndaj Serbisë, duke fituar me rezultatin 5-0 dhe mbajtur vendin e parë në Grupin B, në ndeshjen e tretë kualifikuese të euro 2020. Ndërkohë, Serbia duket se e ka nisur në mënyrën më të keqe të mundshme këtë edicion eliminator të Euro 2020, pasi mbetet në vend të fundit në Grupin G me vetëm 1 pikë.

Skip to toolbar