Dënohet shqiptari që planifikonte sulme terroriste në SHBA

Fabjan Alameti, shqiptari 21 vjeçar që banonte në Nju Jork është dënuar me gati pesë vite burg. Më herët ai kishte pranuar fajësinë për deklarim të rremë tek Byroja Federale e Hetuese kur u pyet rreth aspiratave të tij për t’iu bashkuar organizatës terroriste Shteti Islamik dhe planin për hakmarrje pas sulmin në një xhami në Nju Zelandë.

Atij iu lexua dënimi në gjykatën federale në Missoula të shtetit të Montanës. Alameti është dënuar me 4 vite e 9 muaj heqje lirie.

Autoritetet e drejtësisë intervistuan Alametin për herë të parë në vitin 2018. Më vonë ai kishte postuar shkrime në rrjetet sociale, në mbështetje të organizatës ISIS.

Prokurorët thonë se ai po udhëtonte me autobus drejt Montanës më 15 mars, kur një person i armatosur vrau 50 njerëz në një xhami në Christchurch të Nju Zelandës. Alameti kishte biseduar online me një person pa e ditur se ai ishte informator, e të cilit i kishte shpalosur planin e tij që të sulmojë njerëz të zakonshëm në shenjë hakmarrje sikurse edhe planet e tij që të ndëmerrte një sulm kundër një objekti ushtarak në SHBA.

Ai u arrestua më 3 prill në një poligon armësh në shtetin Montana. Avokati mbrojtës i të dënuarit tha se deklaratat e klientit të tij janë të mbrojtura nga amendamenti i parë./VOA/

Sri Lanka ndalon mbulimin e fytyrës

Pas sulmeve terroriste ditën e Pashkëve, ku humbën jetën mbi 250 persona dhe mbetën të plagosur mbi 500 të tjerë duket se qeveria e Sri Lankas ka marrë një vendim të rëndësishëm. Ajo ka ndaluar të gjithë personat të mbulojnë fytyrën si masë mbrojtje publike pas sulmeve të ndodhura.

“Çdo fytyrë që mbulohet pengon identifikimin e individëve duke kërcënuar sigurinë kombëtare” tha Presidenti i vendit. Ligji hyri në fuqi ditën e sotme dhe do të zbatohet për çdo gjë që mbulon fytyrën, që mund të përfshijë burka, shami, niqabë, helmeta ose maska.

“Të gjitha llojet e mjeteve që mbulojnë fytyrën, pengojnë identifikimin e individëve duke kërcënuar sigurinë kombëtare, do të ndalohen që nga 29 prill 2019 sipas Rregulloreve të Emergjencës. Urdhri specifikon se kriteri bazë për identifikim është aftësia për të parë fytyrën e një individi në mënyrë të qartë”. – thuhet në deklaratën e presidentit të Sri Lankas.

Sulmet në Sri Lanka, ja momenti kur terroristi futet në kishë

E diela e Pashkëve më 21 prill u përgjak në Sri Lanka nga një sërë sulmesh të koordinuara terroriste.

Në shënjestër të këtyre sulmeve ishin të krishterët që po kryenin shërbimet e tyre në kishë ditën e Pashkëve, por edhe hotelet luksoze ku pushoni me qindra turistë të huaj.

Nga sulmet kanë mbetur të vdekur të pakën 320 persona dhe mbi 500 të plagosur, ndërsa Shteti Islamik mori përgjegjësinë për sulmet. ISIS tha se bombarduesit synonin qytetarët e koalicionit të udhëhequr nga Shtetet e Bashkuara dhe iu referuan Pashkëve si një “festë pa fe”.

Gjithashtu “The Guardian” publikoi një video ku një burrë me një çantë të madhe shpine është futur lirshëm në njërën nga kishat e sulmuara. Në video shfaqet terroristi pak para shpërthimit dhe shkaktimit të tragjedisë.

Arrestohen 13 persona, po planifikonin sulme terroriste

Radio Evropa e Lirë raporton se 13 persona janë vënë në pranga në Arabinë Saudite, pasi dyshohen se po planifikonin të ndërmerrnin sulme terroriste.

Ndërkaq, Shteti Islamik mori përgjegjësinë për sulmin e mbetur në tentativë të dielën në një ndërtesë të sigurisë shtetërore në Zulfi.

Forcat e sigurisë kanë thënë se ata vranë katër militantë të dyshuar të Shtetit Islamik që kishin planifikuar sulmin e së dielës.

Agjencia Saudite e Shtypit, duke cituar një zëdhënës të sigurisë së shtetit, tha se arrestimet janë pjesë e hetimeve për “aktivitete terroriste”. Sipas burimit të njëjtë, të dyshuarit e arrestuar “kanë qenë duke u përgatitur për të kryer veprimtari kriminale kundër sigurisë së vendit”.

Forcat e sigurisë në Mbretërinë saudite janë sulmuar disa herë viteve të fundit nga xhihadistët e Al-Kaidës dhe të Shtetit Islamik.

Skip to toolbar