Detajet e vrasjes në Korçë, 8 thika në trup

Gjatë seancës gjyqësore për shetasin Devis Hoti, autor i dyshuar i vrasjes së shtetasit Falmur Duçi në Korçë, Prokuroria zbardhi detaje nga krimi tronditës. Sipas Balkanweb, viktima Flamur Duçi u qëllua 8 herë me thikë. Gjithashtu ai u dogj dhe në një pjesë të trupit të tij. Sipas akuzës, gjatë kohës që i është vënë flaka, viktima Flamur Duçi tentoi te heq bluzën.

Në trupin e viktimës janë gjetur fije floku që nuk i përkasin atij. Ato janë marrë për provë dhe pritet t`i bëhet testi i ADN-së, për të zbuluar autorin dhe të vërtetën e krimit makabër. Viktima ka pasur 8 goditje me thikë në trup, ndërsa rezulton se është djegur në pjesë të ndryshme të tij.

Megjithatë, në dyqanin e tij nuk janë gjetur shenja gjaku, por grupi hetimor ka konstatuar se mungonte një thikë, e cila përdorej nga viktima për produktet e bulmetit. Pikërisht kjo thikë, mendohet se është përdorur nga autori për të kryer krimin. Edhe vetë i dyshuari, Devis Hoti rezulton se ka lëndime në trup. Pavarësisht se ai e ka mohuar krimin, grupi hetimor dyshon se ai është autor i ngjarjes së rëndë.

Plagosi me thikë 19-vjeçarin, arrestohet shoku i tij

Një 20-vjeçar ka përfunduar në pranga si autor i plagosjes së dy adoleshentëve në qytetin e Durrësit. Ngjarja e rëndë ka ndodhur pas një sherri banal mes të rinjve, miq mes tyre, ku 20-vjeçari ka plagosur me thikë 19-vjeçarin me inicialet K. Q. si dhe me sende të forta D. M. 16 vjeç.

Policia ka vënë në pranga shtetasin me iniciale J.M., 20 vjeç si autor të plagosjes me thikë dhe po heton në gjendje të lirë shtetasin me iniciale A.T., 34 vjeç, si bashkëpunëtor të tij.

Sherri ndodhi më 27 tetor në lagjen nr. 17 të Durrësit, ku dy adoleshentët u paraqitën në spital të plagosur me thikë duke marrë mjekimin e menjëhershëm. 19-vjeçari i plagosur me thikë është mbajtur në reanimacion deri në kalimin e gjendjes kritike për jetën.

Tenton të vrasë gruan, arrestohet nga policia

Një sherr mes një çifti mund të ishte kthyer në një tragjedi në familje nëse policia nuk do të kishte ndërhyrë në kohë.

Pas një sherri verbal, tensioni është përshkallëzuar deri në përdorimin e thikës nga ana e burrit. Ai ka marrë një thikë tip bajonetë dhe ka tentuar të qëllojë gruan e tij.

Gruaja ka shpëtuar mrekullisht falë ndërhyrjes në kohë në policisë, të cilët kanë bërë edhe shoqërimin e bashkëshortit në polici. Ngjarja ka ndodhur në qytetin e Elbasanit.

Plagosi shokun me thikë, arrestohet i riu në Shkodër

Policia e Shkodrës zbardhi një ngjarje të rëndë, të datës 4 korrik të këtij viti, ku pas një konflikti për motive banale, mbeti i plagosur një i ri.

Sipas një njoftimi të Policisë së Shtetit, mësohet se është arrestuar shtetasi A.SH., 20 vjeç, i cili ishte shpallur në kërkim për plagosjen e një 19 vjeçari, me inicialet I.P.

Ngjarja ndodhi në 4 korrik të këtij viti në lagjen “Qemal Stafa” në Shkodër, ku 20-vjeçari A.SH., qëlloi me thikë 19-vjeçarin me inicialet I.P.

Dy të rinjtë patën një konflikt me tyre për arsye banale, ku mësohet se i plagosuri pati sharë bashkëmoshatarin e tij nga familja. Më pas, shtetasi me inicialet A.SH. e qëlloi me thikë shokun, duke e lënë të plagosur rëndë.

Materialet i kaluan Prokurorisë së Rrethit Gjyqësor Shkodër për veprat penale “Plagosja e rëndë me dashje”, “Ndërhyrje të padrejta në jetën private” e “Mbajtja pa leje e armëve të ftohta”.

Tronditet Bulqiza, vritet me thikë 20-vjeçari

Mëngjesin e kësaj të enjte, qyteti i Bulqizës është tronditur nga një ngjarje e rëndë. Si pasojë e një konflikti mes dy të rinjve, ka mbetur i vdekur një 20-vjeçar. Ngjarja ka ndodhur në orët e para të mëngjesit, ku raportohet se dy të rinj, një 22 vjeç dhe viktima 20 vjeç, janë konfliktuar me njëri-tjetrin.

22-vjeçari me inicialet, F.K., ka qëlluar të riun tjetër me thikë, duke e lënë të vdekur në vend. Ngjarja e rëndë ka ndodhur në qytetin e Bulqizës, ndërsa paraprakisht mësohet se konflikti ka qenë i çastit, ndërsa ende nuk bëhet i ditur motivi i tij.

Menjëherë pas ngjarjes së rëndë, 20-vjeçari është dërguar me urgjencë në spital, por nuk ka mundur t`i shpëtojë plagve. Policia ka shkuar në vendin e ngjarjes, ku ka bërë identifikimin e autorit dhe ka nisur punën për kapjen e tij.

Vijon…

Një i plagosur pas një sherri me thika në Fier, arrestohet autori

Policia e Fierit ka arrestuar një person, i cili akuzohet për plagosje me dashje të një shtetasi pas një konflikti për motive të dobëta. Ngjarja ka ndodhur në fshatin Kallm i Vogël, ku dy persona pasi janë kapur me fjalë me njëri-tjetrin, situata ka degjeneruar në një konflikt deri në përdorimin e thikave.

Për pasojë 43-vjeçari me iniciale M.K., ka plagosur e thikë shtetasin A.Xh., 45 vjeç, i cili ndodhet jashtë rreziku për jetën.

43-vjeçari pritet të përballet me drejtësinë për veprën penale të plagosjes me dashje.

Vlorë, plagosi me thikë të motrën në gjendje të dehur, arrestohet 40-vjeçari

Një ngjarje e rëndë ka ndodhur gjatë orëve të para të mëngjesit ku vëllai ka plagosur me thikë motrën e tij. Sipas policisë ngjarja ka ndodhur rreth orën 4:40 të mëngjesit, ku vëllai 40-vjeçar, në gjendje të dehur ka plagosur me thikë motrën e tij, fatmirësisht jo me plagë serioze për jetën.

Policia ka arrestuar 40-vjeçarin me iniciale S.C., i cili mendohet se ka humbur kontrollin nën efektin e alkoolit dhe ka marrë thikën duke i gjuajtur së motrës. Ngjarja e rëndë ka ndodhur në fshatin Kërkovë të Vlorës, ndërsa autori pritet të përballet me pasojat e veprimit të tij.

Qëllon me thikë të afërmin e tij në sy të fëmijëve, arrestohet shqiptari

Një ngjarje e rëndë ka ndodhur në Greqi, ku një drekë familjare mes dy të afërmeve dhe familjarëve shqiptarë ka përfunduar në mënyrë tragjike. Dy shqiptar, të afërm mes tyre, kanë qenë duke drekuar në momentin që ka lindur një debat i fortë që degjeneroi deri në përdorimin e thikave. Si rezultat 45-vjeçari shqiptar, goditi tre herë më thikë 38-vjeçarin, kushëririn e gruas së tij.

38-vjeçari është transportuar menjëherë drejt spitalit, por nuk ka mundur dot t’i mbijetojë plagëve të marra. Ngjarja e rëndë ka ndodhur në sytë e dy fëmijëve të viktimës që ndodheshin në tavolinën e ngrënies në momentin që nisi debati. Nuk dihet pse ka nisur debati, por autori ka qenë i dehur në momentin e ngjarjes.

Sarandë, pushuesit zihen me thika, një i plagosur në gjendje të rëndë

Pushimet kthehen në makth për turistët në qytetin e Sarandës. Dy persona që kishin ardhur për të kaluar pushimet në Sarandë janë konfliktuar mes tyre dhe sherri ka degjeneruar deri në përdorimin e thikave.

Një person i paidentifikuar ka qëlluar 3 herë me thikë në krah dhe gjoks shtetasin Berti Tahiraj, 40-vjec nga Vlora.

40-vjeçari ndodhet në gjendje kritike për jetën spitalin e Sarandës. Ngjarja ka ndodhur në një plazh të qytetit i populluar nga turistët.

Policia po punon për kapjen e autorit, i cili është larguar menjëherë pas ngjarjes.

Vret gruan me thikë në Gjermani, arrestohet shqiptari

Një ngjarje e rëndë ka ndodhur në Gjermani, ku protagonistë është bërë një shtetas nga Kosova. 55-vjeçari nga Kosova, identitet i të cilit nuk bëhet i ditur, ka vrarë gruan e tij duke e goditur disa herë me thikë.

Krimi ka ndodhur në një parking të qytezës Kunzell në Gjermani. Gruaja u dërgua menjëherë në spital, por nuk ka mundur dot t’i rezistojë plagëve të marra.

55- vjeçari u gjet nga policia pranë trupit të gruas, ndërsa u arrestua pa bërë rezistencë.