Humbën në Karaburun, policia gjen çiftin hungarez pas 15 orësh

Policia e Vlorës ka bërë të mundur lokalizimin dhe gjetjen e turistëve hungarez, pas 15 orë kërkimesh.

Dy turistët hungarezë në momentin e gjetjes nga forcat e policisë në Vlorë

Turistët, një çift nga Hungaria, kishin humbur në Karaburun të Vlorës që prej pasdites së të dielës. Ka qenë vetë çifti që kishte lajmëruar policinë, por më pas ishin ishin futur në një zonë pa valë telefonike duke bërë që policia të humbiste sinjalin e tyre.

Çifti e kishte kaluar natën në çadrën e kampingut që kishin me vete, në një zonë që nuk kishte valë telefonike dhe kjo e ka bërë të pamundur që policia të lidhet me ta. Ndërkohë vetëm gjatë mëngjesit të ditës së hënë, policia ka mundur të lokalizojë dhe të shpëtojë çiftin e turistëve. Turistët të moshës 35 dhe 40 vjeç, ndodhen në gjendje të mirë shëndetësore.

Çifti hungarez, kishte shkuar për të eksploruar zonën në këmbë dhe makinën e kishin lënë pranë një lokali në Karaburun. Gjatë eksplorimit ato humbën rrugën, duke dhënë alarmin SOS për policinë.

Parisi, Milano, apo Madridi? Jo! Britanikët zgjedhin Tiranën, e thotë “The Sun”

Turistët nga Britani e Madhe e kanë Tiranën destinacion të preferuar. Këtë e thotë prestigjiozja britanike “The Sun”, në një artikull ku rendit 10 vendet me prenotimet më të larta nga turistët britanik gjatë këtij viti. “Airbnb”, ka renditur dhjetë qytetet, kryesisht të panjohura, që kanë parë një rritje të madhe të prenotimeve në 12 muajt e fundit. Lviv në perëndim të Ukrainës, ka pasur prenotimet më të larta nga britanikët në 12 muajt e fundit.

Qytete të tjera, relativisht të panjohura, të gjitha me fluturime direkte nga Britania e Madhe, përfhiorë Tiranën, Katowice (Poloni), Kosice (Sllovaki), Kaunas (Lituani), Antalya (Turqi), Bari (Itali) dhe Alkmaar (Holandë), janë 7 nga dhjetë qytetet më të preferuara të britanikëve, që kanë zgjedhur t`i vizitojnë gjatë 12 muajve të fundit, duke e renditur Tiranën në vendin e dytë të preferencave.

Moska dhe Lisbona, janë destinacionet e vetme të njohura (si kryeqytete të rëndësishme), që plotësojnë dhjetë vendet e para. Ka disa arsye pse këto qytete janë përzgjedhur nga britanikët, si destinacione turistike. Gjithçka duket se lidhet me rënien e paundit dhe ekonomisë së familjeve në vendin ishullor, çka ka bërë që turistët të ‘gjuajnë’ destinacione të lira turistike.

Një shishe verë e mirë, një darkë apo drekë e shishjme, sistem transporti nga aerportoi në qytet dhe anasjelltas, vetura me qira, dhe shumë të tjera, bëjnë që turistët britanikë të zgjedhin Tiranën si vendin e dytë të udhëtimeve të tyre.

Kulluri ironizon Bashën: Këputi një kontratë me turistët, të rriten 4 milion vota

Dhuna ndaj turistëve spanjollë në Sarandë, nga një pronarë lokali, nuk ishte vetëm një akt i rëndë dhe skandaloz që dëmton turizmin tonë, por përtej dramës, ka dhe ironi apo sarkazëm. Ish anëtari i Këshillit Kombëtar të PD, Edvin Kulluri, ka shkruar një koment në rrjetet sociale, ku ironizon kryetarin e PD Lulzim Basha.

Duke u nisur nga dy kontratat, që Basha ka bërë me banorët e Astirit dhe artistët për çështjen e Teatrit Kombëtar, Kulluri i shkruan me ironi Bashës që të bëj dhe një kontratë të tretë, këtë herë me turistët.

“Pse nuk i këput një kontratë Luli me turistët se “sa të vijë në pushtet nuk do bëjnë fjalë apo rrahin njerëzit pronarët e lokaleve dhe hoteleve”. Se dy kontrata i bëri, ti këpusë dhe një të tretë se i shtohen 4 milion vota! Si tha njëri “më duhen 100 mijë euro! Po pse s`kërkon 500 mijë i thotë një shok, ti s`ke që s`ke as 100?! Bëjë tamam, je që je?”, shkruan Kulluri me ironi ndaj kryedemokratit.

Kujtojmë se kreu i Partisë Demokratike Lulzim Basha ka bërë dy kontrata, e para me artistët e Teatrit Kombëtar, të cilëve u ka premtuar se nuk do ta shemb teatrin, ndërsa pak ditë më parë, bëri dhe një kontratë me banorët e Unazës së Re, të cilëve gjithashtu u ka premtuar se nuk do t`u shemb shtëpitë.

Humbën në pyjet e Borshit, policia gjen 6 turistët gjermanë

Policia Kufitare e Sarandës iu vjen në ndihmë 6 turistëve gjermanë, të cilët për afro 6 orë kishin humbur rrugën në zonën pyjore Borsh-Kuc.

Turistët gjermanë po udhëtonin me një fuoristradë, por më pas humbën orientimin në pyjet e Borshit prej më shumë se 6 orësh.

Policia e Sarandës pas lokalizimit të turistëve të huaj arritën t’i gjenin dhe merrnin ato. Turistët, të moshës se re, ishin në gjendje të mirë shëndetësore. Ndërkohë është bërë edhe shoqërimi i tyre në hotelin ku po qëndronin në Ksamil.

Gjenden 3 turistët anglezë të humbur në Theth

Policia e Shkodrës ka bërë të mundur gjendjen e 3 turistëve anglezë që kishin humbur në zonat e thella të Thethit.

Turistët kanë qenë duke eksploruar Thethin kur kanë humbur kontaktet dhe kërkuan ndihmën e policisë.

Pas disa orë kërkimesh, tre turistët anglezë u gjetën në kushte të mira shëndetësore dhe momentalisht gjenden në fshatin Bogë.