Dosja “Tërmeti”, 31 të arrestuarit, 7 orë para gjykatës. Nesër vendimi

31 të arrestuarit në lidhje me dosjen “Tërmeti” në zonat e Vorës, Farkës dhe Kasharit, të akuzuar për shpërdorim detyre dhe falsifikim dokumentesh kanë dëshmuar të premten për 7 orë në Gjykatën e Tiranës. Seanca filloi në orën 12:00 dhe përfundoi në orën 19:00 të së premtes, ndërsa nuk u arrit të merrej një vendim përfundimtar duke e shtyrë atë për ditën e shtunë. Gjykatësja Vjollca Spahiu tha se vendimi do të jepet në orën 10:00, ndërsa prokuroria kërkoi “arrest me burg” për 13 të akuzuarit, “detyrim paraqitje” për 5 prej tyre dhe “arrest shtëpie” për 13 të tjerët. Mes të akuzuarve për të cilët prokuroria kërkoi “arrest me burg” janë edhe dy ish-kryetarët e komunave Kashar dhe Farkë, Besnik Fuçia dhe Fatbardh Plaku.

Të arrestuarit akuzohen se kanë lejuar ndërtimet pa leje të godinave dhe objekteve si dhe kanë fshehur abuzimet që janë bërë me to në strukturë, dëme që dolën në pah nga tërmeti i 26 nëntorit 2019.

Prokuroria, e cila nisi hetimet për tërmetin që në datën 27 nëntor të vitit 2019, ka dokumentuar dhe evidentuar të gjitha banesat e shpallura të pabanueshme nga tërmeti dhe personave përgjegjës për këtë në zonat e Vorës, Kasharit dhe Farkës duke arrestuar 31 persona, ndërsa 11 të tjerë janë ende në kërkim.

Ata akuzohen se kanë favorizuar ndërtime jashtë kritereve apo lejeve të lëshuara, për ndërtime të një cilësie të dobët, duke ndërhyrë në strukturë me hollimin e bazamenteve mbajtëse të tyre.

Pas Vorës, Kasharit dhe Farkës, hetimet do të vijojnë për bashkinë e Kamzës dhe të ish-komunës së Dajtit, ku prokuroria do të marrë në dorë të gjitha dosjet e objekteve të shpallura të pabanueshme nga tërmeti në këto zona.

Dëmtohet pallati në Vorë, banorët flasin në “Real Story”

Banorët e një pallati në Vorë, kanë apeluar për ndihmë, pasi apartamentet e tyre janë dëmtuar nga tërmeti. Në një lidhje direkte për emisionin “Real Story”, banorët, u shprehën se pallati është ndërtuar në vitin 1972, ndërsa sipas tyre ai ka gjatë gjithë kohës lëvizje. “Ky pallat ka marrë goditje të njëpasnjëshme. Është jashtë standardeve për të banuar. për 2 ditë nuk kanë ardhur njerëz por sot kanë ardhur nga bashkia dhe na kanë kontaktuar. Na thanë që do sjellim inxhinierët. Ne kërkojmë ndihmë, nuk kërkojmë kush e ka fajin. Ky pallat është i pabanueshëm. Ka shumë familjarë që janë të tmerruar. Dhe në këto moment ky pallat lëviz”, tha një prej banorëve.

Më tej, banorët janë shprehur se kërkojnë ndihmën e inxhinierëve për të bërë qëndrueshmërinë e strukturës së pallatit. “Ne jemi 36 familje, të tre shkallët. Goditja e parë e së shtunës ka qenë më e forta. Njerëzit janë tmerruar. Ky pallat është bërë që në vitin 1972. Muri ka marrë plasaritje në çdo 20 centimetër. Është vetëm me kubaturë pa kolona jashtë. Ky pallat po ta gërmojmë e shohin se çfarë rezistence ka. Unë nuk rri dot me familjen këtu. Unë jam 7 veta, që të fus familjen në këtë situatë, unë ngre duart. Të vënë dorë këtu. Le të vijnë inxhinierët e nëse më japin garanci hyj nga ky moment brenda”, tha banori.

Kajmaku merr mandatin nga Gjykata Administrative

Agim Kajmaku merr zyrtarisht mandatin e tij si kryetari i ri i Bashkisë së Vorës. Gjykata Administrative i ka dhënë zyrtarisht mandatin Kajmakut, i cili më herët u refuzuar nga Gjykata e Tiranës duke e shpallur atë moskompetencë të saj.

Kjo erdhi me arsyetimin se në kërkesën e tij, Agim Kajmaku kishte kërkuar “verifikim” të mandatit dhe jo “vërtetim”, gjë që u zgjidh me një kërkesë sqaruese nga Partia Socialiste. PS kërkoi që Kajmakut t’i jepej mandati si fitues i ligjshëm i dalë nga zgjedhjet e 30 qershorit.

Vendimi për t’i dhënë zyrtarisht mandatin si kryebashkiak i Vorës Agim Kajmakut, e mori gjyqtarja Fida Osmani .

Më herët ishte gjyqtarja e Tiranës, Arjana Gunbardhi, ajo e cili vendosi moskompetencën për shqyrtimin e çështjes dhe dërgimin në Gjykatën Administrative.

Mandati i Vorës, në dorë të Fida Osmanit

Në Gjykatën Administrative të Tiranës është hedhur shorti për gjyqtari që do të gjykojë kërkesën e Agim Kajmakut për vërtetimin e mandatit, i zgjedhur në 30 qershor si kryetar në Bashkinë Vorë. Shorti ka përcaktuar se gjyqtarja që do të shqyrtojë kërkesën e Kajmakut është Fida Osmani.

Disa ditë më parë, Gjykata e Tiranës shpalli moskompetencë për kërkesën e bërë nga Agim Kajmaku, i cili kërkonte vërtetimin e mandatit të kryetarit të bashkisë, fituar në zgjedhjet e 30 qershorit. Gjykata e Tiranës ja kaloi çështjen Gjykatës Administrative, duke hequr dorë nga shqyrtimi i saj.

Ndërkohë, pas këtij vendimi të Gjykatës së Tiranës ishte kryebashkiaku i Tiranës Erion Veliaj, që bëri kërkesë për vërtetimin e mandatit të dytë në gjykatë.

Për Veliajn ende nuk është marrë në shqyrtim çështja. Tashmë pritet vendimi i Fida Osmanit, që pas shqyrtimit të kërkesës së Agim Kajmakut, të miratojë ose jo vërtetimin e mandatit të kryebashkiakut të ri të Vorës.

Pas Durrësit, PS kërkesë për Vorën: Njihni mandatin e Agim Kajmakut

Partia Socialiste i është drejtuar me një kërkesë zyrtare Gjykatës së Tiranës, për të njohur Agim Kajmakut si kryetarin e ri të Bashkisë së Vorës. Në kërkesë është cilësuar që gjykata të jap “vërtetim të mandatit” për Kajmakun dhe jo “verifikim’ të tij, siç ishte shkruajtur në kërkesën e parë.

Dy ditë më parë , Gjykata e Tiranës kishte shpallur moskompetencë të saj në lidhje me “verifikimin e mandatit” të Agim Kajmakut, duke ia kaluar këtë çështje Gjykatës Administrative.

Të njëjtën taktikë PS ndoqi edhe më kryetaren e re të Bashkisë Durrës, Valbona Sako ku në kërkesën drejtuar gjykatës kërkon “vërtetim mandati” duke korrigjuar gabimin në kërkesën e saj të parë “verifikim mandati”.

Rama nga Vora: Dekretet e Baba Haxhiut nuk e ndalën dot 30 qershorin

“Data e re e zgjedhjeve doli, pasi nuk arrit të vriste dot 30 qershorin”. Ky ishte mesazhi që Kryemisnitri Rama dha gjatë takimit të tij elektoral në Vorë. Kjo është një histori dramatike ku e keqja ka pushtuar institucionet dhe thyen ligjet me dekrete ka thënë Rama. Ai i ka bërë thirrje qytetarëve që më 30 qershor t’i japin fund njëherë e mirë politikë së keqe dhe të mbrapshtë që i ka udhëhequr prej kaq shumë vitesh.

“Data e re doli sepse nuk u vra dot 30 qershori. Lajmi i ri i datës së re është se më 30 qershor ka për të pasur qetësi. Kjo punë ka vdekur. Duhet të dalin të gjithë masivisht në vota, edhe demokratët. Luli është aty, me ëndrrat e Lulit janë aty dhe me dështimet e Lulit do përfundojnë përherë . Në gjithë këtë histori dramatike, që të katandisemi në zgjedhje ku ka vetëm një kandidat në shumë zona, është trishtim. Është një dhimbje që duhet kaluar me vetëdijen që e keqja ka ardhur koha me dalë, ka ardhur koha të shkulet, të refuzohet e të kalbëzohet. Kjo është arsyeja themelore pse më 30 qershor vota ka rëndësi shumë të madhe. Ka ardhur koha t’u japim një goditje kundërshtarëve të Shqipërisë”, ka thënë Rama.

Nga Vora, Rama nuk ka nguruar të vijojë me ironitë e tij në drejtim të Metës dhe fallxhores (Monika Kryemadhi). Kryeministri Rama se me dekret e Metës, të nxjerra sipas kokës së tij, ai ka ringjallur edhe një herë Haxhi Qamilin, që nuk pyeste as për ndërkombëtar dhe as për ligje e Kushtetutë. Madje nuk ka hezituar që të thotë se miku i tij Doktori (Saliu) është i vetmi që e ndihmon Liken në raste paniku.

“Është për të ardhur keq, por është fakt, është ngjallur Haxhi Qamili, ai tironsi i gabuar. Ai kishte një vulë e mbante me vete, shkruante greqisht kompani kafje eksport-import, por ai nuk e dinte fare çfarë shkruante e mbante vetëm për dekrete. Ky baba Xhikja, se s’duhet me i thënë më Likja, ky vulën e di çfarë shkruan, ndryshe nga Haxhiu, nuk di çfarë bën me dekretet. Ky di vulën, por nuk di dekretet. Meta vendosi ditë tjetër. Ose 21 i binte e hënë dhe të hënën nuk bëhen dot zgjedhje, ose fallxhorja e ka lexuar dyshin si dy ditë përpara ditëlindjes së Saliut. Ai po e kapi paniku, vetëm doktorin mendon. Në politikë ai është pacient i doktorit. Zgjedhjet do bëhen më 30 qershor.” – tha Rama

Mbante armë me vete, policia e arreston, më herët i proceduar për plagosje të rëndë

Shërbimet e policisë në Vorë kanë arrestuar një 30-vjeçar, pasi e kanë kapur në flagrancë me armë pa leje, teksa qarkullonte me të në ambiente publike. Sipas një njoftimi të Policisë së Shtetit, mësohet se gjatë operacionit të koduar “Mesnata”, shërbimet e policisë kanë arrestuar një shtetas me precendentë të mëparshëm penal.

“Si rezultat i operacionit ne rrugën dytësore në hyrje të Vorës u bë e mundur kapja dhe arrestimi në flagrancë i shtetasit: E. H., 30 vjeç, banues në Vorë, i dënuar më parë me 6 vite burg, ekstraduar nga Kroacia për veprën penale “Trafikim i narkotikëve” si dhe proceduar për veprën penale “Plagosje e rëndë me dashje”.

Gjatë kontrollit të ushtuar në automjetin tip Audi, në çantën e dorës së këtij shtetasi, Policia gjeti dhe sekuestroi në cilësinë e provës materiale një armë zjarri Pistoletë me një krehër me 7 fishekë, që e mbante pa leje”, thuhet ndër të tjera në deklaratën e Policisë së Shtetit.

Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Prodhimi dhe mbajtja pa leje e armëve dhe municionit luftarak”.

Vorë, TiranëFinalizohet operacioni i koduar “Mesnata”, në fushën e armëmbajtjes pa leje.Qarkullonte me armë zjarri, vihet në pranga 30 vjeçari, me precedent penal në fushën e narkotikëve dhe krimeve ndaj personit.Operacioni nga Komisariati i Policisë Vorë.Sekuestrohet në cilësinë e provës materiale një armë zjarri Pistoletë dhe një krëhër me 7 fishekë.Shërbimet e komisariatit Vorë në vijim të punës për parandalimin dhe goditjen e paligjshmërisë, si dhe bazuar në informacionet e marra në rrugë operative se një shtetas me precedent penal të mëparshëm qarkullonte me armë zjarri me vete, kanë organizuar dhe finalizuar operacionin e koduar "Mesnata".Si rezultat i operacionit ne rrugën dytësore në hyrje të Vorës u bë e mundur kapja dhe arrestimi në flagrancë i shtetasit:E. H., 30 vjeç, banues në Vorë, i dënuar më parë me 6 vite burg, ekstraduar nga Kroacia për veprën penale “Trafikim i narkotikëve” si dhe proceduar për veprën penale “Plagosje e rëndë me dashje”.Gjatë kontrollit të ushtuar në automjetin tip Audi, në çantën e dorës së këtij shtetasi, Policia gjeti dhe sekuestroi në cilësinë e provës materiale një armë zjarri Pistoletë me një krehër me 7 fishekë, që e mbante pa leje.Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Prodhimi dhe mbajtja pa leje e armëve dhe municionit luftarak".
Gepostet von Policia e Shtetit am Dienstag, 11. Juni 2019