Video/ Rashica “bën magji”, gol spektakolar për Bremen

Werder Bremen luan në transfertë ndaj Bayern Leverkusen në javën e nëntë të kampionatit gjerman. Vendasit kaluan shpejt në avantazh me një autogol të Toprak, duke mbajtur të paprekur rrjetën deri në minutën e 40-të.

Në këtë moment, sulmuesi i Kosovës, Milot Rashica shënoi, ndoshta golin më të bukur të javës në Bundesliga. Kosovari gjeti rrjetën nga jashtë zone, duke shënuar me të majtën një top që fluturoi mbi kokën e portierit dhe përfundoi në rrjetë.

Teknika e realizimit të golit nga Rashica u brohorit nga tifozët, ndërsa Bremen gjeti barazpeshën në fushën e lojës. Ky është goli i tretë për Milot Rashicën për këtë sezon. Megjithatë, kujtojmë se sulmuesi kosovar nuk u aktivizua për disa ndeshjen me Bremen, pasi kaloi një dëmtim.

Rashica rikthehet me “perlë”, por Dortmund-Werder bëjnë paqe

Dortmund e Werder Bremen ndanë nga një pikë në takimin më të rëndësishëm të javës së gjashtë në Bundesliga. 2-2 përfundoi sfida, ndërsa Bremen e nisi në mënyrë të shkëlqyer, me sulmuesin kosovar Milot Rashica, që luajti ndeshjen e tij të parë pas dëmtimit me skuadrën e Werder. Rashica gjeti rrjetën që në minutën e 7-të të sfidës, kur lëshoi një “silur” drejt portës së Dortmund.

Megjitatë, Gotze barazoi dy minuta më pas, ndërsa Marko Reus kaloi në avantazh Dortmundin në fund të pjesës së parë. Por me rikthimin nga pushimi i ndeshjes, Werder gjeti përsëri rrjetën, këtë herë me Firedl, që barazoi shifrat në 2-2. Pas pikës së marrë në takimin e së shtunës, Dortmund del nga zona e Europës, ndërsa Bremen ruan vendin e 10 në renditje me 7 pikë.

Bayern Munich mundi Paderbornin e mesfushorit të kombëtares shqiptare, Klaus Gjasula, me rezultatin 3-2. Gnabry shënoi në minutën e 15` golin e parë, ndërsa në të 55` Coutinho dyfishoi për Bayern. Megjithatë, Paderborn gjeti rrjetën në të 68`, ndërsa Lewandowski shënoi përsëri në të 79`.

Collins në të 84` ngushtoi shifrat, por pa mundur t`i heq fitoren Bayern, që me tre pikët e marra në këtë takim, ngjitet në vendin e parë në Bundeslia me 14 pikë, duke përfituar nga ndalesa e Leipzig, që u mund në shtëpi 1-3 nga Schalke.

Milot Rashica thotë fjalë zemre për Werder-in pas mbylljes së sezonit!

Milot Rashica u shndërrua në liderin e Werder Bremen gjatë pjesën e dytë të këtij sezoni, duke realizuar 9 gola në fazën e dytë të kampionatit. Futbollisti i përfaqësueses së Kosovës arriti të shënonte dhe dje, në ndeshjen e fundit të kampionatit, që Werder fitoi ndaj Leipzig me rezultatin 2-1.

Megjithatë, kjo fitore e ekipit të ksoovarit, ishte e pavlefshme, pasi skuadra e humbi prej javës së kaluar luftën për të arritur një vend në Europa League, pasi vendi i shtatë në kampionat u mbajt nga Eintract Frankfurti.

Gjithësesi, për Milot Rashicën ky ka qenë një sezon i shkëlqyer, gjë të cilën e ka shprehur dhe vetë lojtari me anë të një reagimi që ka bërë në profilin e tij në facebook.

“Mbyllja e sezonit me një fitore është gjithmonë e kënaqshme. Ishte një periudhë intensive me disa ndeshje të shkëlqyera. Megjithëse largimi nga gjysmëfinalja e kupës dhe mungesa e arritjes së Europës, na bën të shohim pas me një sy që qesh një sy që qan. Faleminderit familjes Werder për mbështetjen e pabesueshme”.

Closing the season with a win is always satisfying. It was an intensive periode with some great matches. Though arriving…
Gepostet von Milot Rashica am Samstag, 18. Mai 2019

Rashica s’mjafton për Werder, Bayern shkon në finalen e kupës (video)

Bayern Munich është kualifikuar në finalen e Kupës së Gjermanisë, pasi ka mundur Werder Bremen me rezultatin 2-3.

Ashtu siç pritej, ndeshja ka qenë me emocione dhe gola, por në fund fati i ka buzëqeshur miqve.

Lewandowski kaloi të tijtë në avantazh në minutën e 36’ të takimit ndërsa Thomas Muller ka dyfishuar rezultatin në minutën e 63’.

Ndeshja u duk sikur kishte përfunduar, por vendasit ringjallen falë lojtarit kosovar Milot Rashica.

Ishte ai që përgatiti golin e parë të Osako-s në minutën e 75’, përpara se të shënonte golin e barazimit një minutë më vonë.

Ndeshja mund të kishte shkuar në shtesë po të mos ishte për penalltinë e shënuar nga Lewandowski pesë minuta më pas.

Bayern e pret RB Leipzig në finalen e madhe të Berlinit, ku padyshim që bavarezët synojnë të ngrejnë lart trofeun e kupës.