Një skenë tronditëse është regjistruar gjatë një transmetimi të drejtpërdrejtë televiziv në Poloni, ku një vajzë 14-vjeçare është përplasur nga një makinë ndërsa lëvizte me skuter elektrik.
Ngjarja ndodhi në Koscierzyna, në momentin kur gazetari i TVP, Milosz Sieliwonczyk, po raportonte pikërisht nga vendi i një tjetër aksidenti tragjik.
Në pamjet e transmetuara live, automjeti godet 14-vjeçaren, e përplas në xhamin e përparmë dhe më pas e hedh disa metra larg. Makina largohet nga vendi i ngjarjes drejt një rruge dytësore.
Gazetari tregoi se fillimisht dëgjoi një përplasje të fortë dhe britmën e kameramanit.
“Papritur dëgjova një përplasje pas meje dhe britmën e operatorit: ‘O Zot!’. Kur u ktheva, pashë një makinë që po largohej me xhamin e përparmë të thyer dhe një fëmijë të shtrirë në rrugë”, tha ai.
Sieliwonczyk i kërkoi operatorit të vazhdonte filmimin dhe të fokusonte targën e automjetit, në mënyrë që pamjet t’i viheshin në dispozicion policisë.
Më pas, gazetari dhe kameramani iu afruan vajzës për t’i dhënë ndihmë. Ajo nuk mund të ngrihej në këmbë, ndërsa në skuterin e saj kishte njolla gjaku.
Shërbimet e emergjencës u njoftuan menjëherë dhe mbërritën në vendngjarje brenda pak minutash. Vajza kërkoi të kontaktonte nënën e saj, e cila mbërriti pak më vonë.
14-vjeçarja u dërgua në spital për ekzaminime dhe, sipas raportimeve, fatmirësisht nuk ka pësuar dëmtime të rënda.
Disa minuta pas aksidentit, drejtuesi i automjetit u kthye në vendngjarje. Sipas gazetarit, ai zbriti nga makina dhe pyeti nëse kishte ndodhur diçka.
Policia ka nisur hetimet për të sqaruar plotësisht rrethanat e ngjarjes.
Gazetari ndodhej në atë zonë për të raportuar për një tjetër tragjedi, vdekjen e një fëmije 3-vjeçar, i cili ishte përplasur nga një automjet.
Fëmija ishte nxjerrë nga poshtë makinës nga prindërit e tij dhe iu nënshtrua përpjekjeve të gjata për reanimim nga zjarrfikësit dhe ekipet mjekësore, por nuk arriti t’u mbijetonte plagëve.
https://platform.twitter.com/embed/Tweet.html?dnt=false&embedId=twitter-widget-0&features=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%3D%3D&frame=false&hideCard=false&hideThread=false&id=2103885667252187393&lang=en&maxWidth=560px&origin=https%3A%2F%2Fjavanews.al%2Fvideo-vajza-perplaset-nga-makina-gjate-transmetimit-live-gazetari-po-raportonte-per-nje-tjeter-aksident%2F&sessionId=1af06d5bfd2b5c1e4b9ca127084e20adf23f5a59&theme=light&widgetsVersion=6a3ad42b224df%3A1778106238597&width=550px