Kryeministri, Edi Rama njofton mëngjesin e së hënës se së shpejti qeveria do të nisë ndërtimin e rrugës turistike të Thethit ndërsa ka shpërndarë në facebook një video me pamje fantastike nga Thethi.
Kryeministri njofton se video është postuar me lejen e autorëve që janë të magjepsur pas burimeve natyrore dhe natyrës fantastike të kësaj zone në Shqipëri.
“Me këtë video ekskluzive që postohet me lejen e autorëve Cathy Brown dhe Greg Williams, dy vizitorë të magjepsur nga Thethi, si edhe me lajmin e mirë të nisjes së shpejti të investimit për rrugën turistike të Thethit, ju uroj një javë të mbarë”, shkruan Rama në facebook.
