Policia e Vlorës vuri në pranga tre të rinj, të cilët ishin kthyer në makthin e qytetarëve duke vjedhur banesat e tyre. Sipas një njoftimi zyrtar të policisë, mësohet se janë vënë në pranga tre të rinj me inicialet: M.A., M. A., 19 vjeç, M. B., 18 vjeç dhe A. A., 19 vjeç, banues në Vlorë.
Nga hetimet e kryera ka rezultuar se këta të rinj, në bashkëpunim me njëri-tjetrin dyshohet se janë autorë të disa vjedhjeve të ndodhura në qytet, dy prej të cilave janë dokumentuar me prova ligjore.
Konkretisht rastet e ndodhura në datat 15 dhe 25 nëntor 2019, që kanë të bëjnë me vjedhjen e dy banesave në lagjet “Partizani” dhe “15 Tetori”, në Vlorë, në të cilat janë vjedhur sende me vlerë deri në 90 000 lekë. Vijon puna për zbardhjen dhe dokumentimin e plotë të vjedhjeve të tjera.
