Whatsapp mundëson dëgjimin e mesazheve audio para se t’i dërgoni

Më të fundit


Kompania WhatsApp po punon për të sjellë aftësinë për të dëgjuar një mesazh audio në iPhone para se ta dërgoni atë.

Funksionaliteti u zbulua nga faqja WABetaInfo, e cila identifikoi kodin në një version të aplikacionit që nuk është ende i disponueshëm për përdoruesit përfundimtarë apo edhe testuesit beta.


Sipas burimit, platforma do të prezantojë një buton rishikimi pranë mesazhit zanor, kështu që mund ta kontrolloni, nëse dëshironi, para se ta dërgoni atë te marrësi.

Deri më sot, është e mundur të anulohet dërgimi, nëse personi në anën tjetër nuk e ka hapur ende skedarin, siç është rasti me tekstet, fotot dhe videot.

Përditësimi, fillimi i të cilit nuk është planifikuar aktualisht, ka të bëjë me versionin iPhone.

Siç thekson WABetaInfo, tashmë është e mundur të dëgjoni audio para se ta dërgoni, edhe nëse operacioni është pak i komplikuar. Për shembull, mund të hapni një aplikacion tjetër gjatë regjistrimit, pa e ndalur atë, dhe pastaj të ktheheni te WhatsApp në atë moment, do të shihni shiritin me butonin ”Fshi ose Shkruaj”.

Shumë përdorues kanë shpresuar për një mundësi të ngjashme, e cila shmang problemet pas një mesazhi zanor.

WhatsApp po punon gjithashtu për ndryshimin e kohëzgjatjes së mesazheve efektive, për t’u kufizuar në 24 orë.

Këto do të përfshijnë tekst dhe përmbajtje multimediale që, edhe nëse shkarkohen në telefonin tuaj, do të zhduken nëse nuk kopjohen ose zhvendosen diku tjetër.