E ka nisur fjalimin elektoral në Skrapar me një falënderim për Presidentin Ilir Meta që dikur e kishte aleat dhe që i tregoi mrekullinë e kanioneve, por Rama e ka përfunduar fjalimin e tij duke thënë se tani nuk ka nevojë për shoqërues pasi di të bëjë rafting vetëm, ose të qeverisë vetëm.
“Unë jam shumë i vetëdijshëm, dhe ia di për nder Ilir Metës i cili më ka treguar mrekullinë e kanioneve që nuk e kisha njohur më parë.
Do të vij përsëri këtu sepse është një nga perlat e këtij vendi. Më vjen shumë mirë që bashkë me Ilirin i bëmë reklamë kanioneve, kur bëmë rafting bashkë, por tani e kam mësuar se si bëhet rafting kështu që e bëj edhe pa shoqërues”, tha Rama në Skrapar.
