Presidenti Ilir Meta foli rreth 40 minuta para gazetarëve mëngjesin e së hënës, ndërsa ka paraqitur argumentet e tij për anulimin e datës 30 qershor për zhvillimin e zgjedhjeve. Por në këto 40 minuta, teksa në fund firmosi edhe dekretin e ri për anulimin e zgjedhjeve, dhe u kujdes të bënte shenjën e shqiponjës si për të treguar se ai përfaqëson kombin dhe unitetin kombëtar, kreu i shtetit nuk dha asnjë datë të re për zhvillimin e zgjedhjeve, por tha se ato shtyhen në një afat të papërcaktuar. Ndërsa data do të dakordësohet mes palëve.
“Zgjedhjet do shtyhen në një afat të papërcaktuar. Data do të dakordësohet mes palëve”, tha Meta.
Gjatë fjalimit të tij, ai akuzoi maxhorancës se ka tentuar të kapë të gjitha institucionet e shtetit.
“Maxhoranca tentoi kapjen totale të gjitha institucioneve, ndërsa opozita u përpoq t’ deligjitimojë ato”, tha presidenti, i cili tha se vendimi i tij synon shmangien e një përplasje dhe t’u japë kohë palëve që përmes dialogut të gjejnë një zgjidhje.
