Një sasi e konsiderueshme lënde plasëse, e dyshuar tritol, i është vendosur makinës së një punonjëse policie në Durrës. Bëhet fjalë për shtetasen me inicialet O.B., që punon në Policinë e Durrësit.
Sipas uniformave Blu të qytetit bregdetar, ngjarja ndodhi rreth orës 22:35 minuta të mbrëmjes së kaluar. Lënda plasëse është hedhur nga muri i jashtëm në oborrin e shtëpisë së shtetases O.B., në afërsi të mjetit të saj tip “Audi”.
Makina ishte e parkuar në oborr në momentin që lënda plasëse shpërtheu. Për pasojë, janë shkaktuar dëme të mëdha materiale, por fatmriësisht nuk pati të lënduar.
Ndërkohë, grupi hetimor dhe policia është duke punuar për zbardhjen e ngjarjes dhe identifikimin e autorëve.
