Si gënjeu Basha për Qarkoren. Nga Kukësi në Elbasan: Dhunë dhe lufte civile

Kreu i PD-së Lulzim Basha mohoi para mediave dhe gazetarëve ekzistencën e qarkores së brendshme që nxiste krerët e PD-së në rrethe për dhunë dhe mos lejim të zgjedhjeve. Qarkore të cilën Realstory.al publikoi mbrëmjen e së hënës. Por deklarata e bërë të martën nga ish deputeti i PD-së së Elbasanit, Aurel Bylykbashi dhe dokumenti tjetër që disponon realstory.al, nxjerrin zbuluar gënjeshtën e Bashës. Qarkore ka pasur dhe Basha vetë ka dhënë urdhër të brendshëm për të mos lejuar zgjedhjet dhe Ramën të zhvillojë lirshëm fushatën zgjedhore

Siç e shihni në foto, dega e PD-së së Kukësit i ka drejtuar një shkresë Komisariatit për të lejuar zhvillimin e tubimeve gjatë ditës së martë duke filluar nga ora 14:00 deri në orën 22:00 të mbrëmjes. Këto tubime janë kërkuar të zhvillohen në datën 25 qershor, pikërisht gjatë orëve të pasdites ku pritet që kryeministri Rama të zhvillojë një takim elektoral në qytetin e Kukësit. Pra është i njëjti skenar që u realizua edhe në Shkodër. Një antimiting për t’i prishur takimin elektoral kryeministrit dhe që pwrmendet edhe në fillim të tekstit të qarkores në të cilën kërkohej destabilizim dhe mos lejimin e asnjë aktivitet që lidhet me zhvillimin e zgjedhjeve të 30 qershorit.

Në dokumentin e degës së PD-së së Kukësit kërkohet zhvillimi i një tubimi në sheshin Skënderbej –rruga Dituria, aeroporti, Shtiqen, Bicaj e kthim. Sipas dokumentit qytetarët do të lëvizin në drejtime të ndryshme dhe parashikohen që në tubim të marrin pejsë rreth 5 mijë protestues. Në dokument theksohet se “tubimi nuk përbën asnjë rrezik për sigurinë kombëtare, sigurinë publike dhe asnjë vepër penale. Nuk cenon shëndetin, moralin apo mbrojtjen e lirive dhe të drejtave themelore. Tubimi ka si qëllim pikërisht mbrojtjen e këtyre vlerave dhe mbrojtjen e të drejtave të qytetarëve dhe demokracisë në vend”.

Çfarë ka ndodhur në Elbasan?

Bylykbashi: “Luftë civile”

Pavarësisht se Partia Demokratike e ka mohuar Qarkoren, që u kërkonte degëve lokale pengimin dhe pamundësimin e zgjedhjeve, qoftë edhe me përballje me policinë, duket se vërtetësinë e saj po e nxjerrin pikërisht atyre që u është drejtuar. Letra e degës së PD-së në Kukës drejtuar komisariatit të policisë ku kërkon leje për tubim gjatë kësaj të marte, me qëllim pamundësimin e takimit elektoral të Kryeministrit Edi Rama, është sinjali i parë, që vërteton përmbajtjen e Qarkores. Konfimi i dytë vjen nga Elbasani. Në këtë qytet, gjatë kësaj të marte është krijuar Aleanca Kombëtare për Mbrojtjen e Demokracisë, ku një ndër protagonistët e saj, ka qenë Aurel Bylykbashi. Ish-deputet i PD-së dhe ish-drejtues i degës lokale të kësaj partie në Elbasan, ka bërë thirrje të forta, deri në vëllavrasje e luftë civile, që sipas Bylykbashit vlen për të mbrojtur demokracinë.

https://www.facebook.com/141090122743377/videos/801774473541520/

“Ka vëllavrasje, ka luftë civile, le të ketë. Patjetër që le të ketë, ne nuk kthehemi pas. Dhe nuk do të bëjmë gabimin që bën gjyshërit tanë më 1944. Nëse liria, demokracia rrezikohet në këtë vend dhe do trupat tanë për ta mbrojtur, ne jemi gati. Ky është mesazhi që duhet të japim”, tha ai. Mirëpo, çfarë lidhje ka fjala e Bylykbashit me përmbajtjen e Qarkores? Në fakt, gjatë fjalës së tij, Aurel Bylykbashi, e cilëson thirrjen e tij për vëllavrasje dhe luftëcivile, si mendim dhe qëndrim të fortë të Partisë Demokratike dhe aleatëve të saj. “Ka shumë zëra që thonë do të ketë luftë civile, do të ketë vëllavrasje. Një gjë do ta them qartësisht dhe prerë. Personalisht, me gjithë miqtë e mi, por jam i bindur që ky është qëndrimi i fortë i Partisë Demokratike dhe i aleantëvet të saj; ne nuk do të lejojmë zgjedhje më 30 qershor”, shprehet ai.

Sipas Bylykbashit, gjithçka do të nisë prej datës 26 qershor, ditë kur kryeministri Edi Rama do të zhvillojë një takim elektoral në qytetin e Elbasanit. Bylykbashi u kërkon qytetarëve që të dalin në Bradashesh për ti bllokuar rrugën shefit të qeverisë, duke vënë në zbatim planin e pamundësimit të zgjedhjeve. “Duhetë të ketë një axhendë të qartë dhe objektiva të qarta. Jo vetëm thjesht sensibilizim, jo vetëm mesazhe të qarta kundërshtarëve tanë politikë. Ne kemi dy vente këtë javë. Është data 26 kur Kryeministri Rama drejtohet në Elbasan për të bërë takimin elektoral të radhës. Ne duhet të jemi të gjithë atje në Bradashesh dhe ti themi më qartë se kurrë; ky qytet nuk të do. Ky vend nuk të do, jemi më të qartë se kurrë se nuk ka burrë që na kthen”, u shpreh Bylykbashi./realstory.al

QARKORJA E DYSHIMTË E OPOZITËS: “TË PRISHEN ZGJEDHJET ME ÇDO KUSHT”. POR PD E MOHON

Basha “konfuz”, mohon qarkoren por jo përmbajtjen: S`do lejojmë zgjedhje, s`do ti njohim

Lulzim Basha ka mohuar ekzistencën e Qarkores drejtuar të zgjedhurve të pushtetit lokal në bashkitë që drejohen nga e djathta, ku u kërkohej bllokim i zgjedhjeve të 30 qershorit, shmangie të përplasjes me militantët e PS, por jo me efektivët e policisë. Kjo deklaratë e Bashës erdhi pas vizitës më shumë se 60 miuta të së ngarkuarës me punë të SHBA-së në Tiranë, Leyla Moses-Ones, që mëngjesin e të martës shkoi në zyrën e Bashës, dhe mesaduket qëllimi i takimit ka qenë pikërisht zbulimi i të vërtetës me Qarkoren. Pavarësisht se PD të hënën në mbrëmje, ashtu si dhe Basha këtë të martë, e mohuan ekzistencën e qarkores, përmbajtjen e saj, të paktën kreu i opozitës nuk e mohoi.

“Ku e keni marrë këtë informacion. Natyrisht që është një prodhim i mercenarëve mediatikë të Edi Ramës. Mashtrim total dhe shërbim që i bëhet Edi Ramës dhe klikës së tij. S’ka zgjedhje më 30 qershor. E para nuk ka zgjedhje pa opozitën. Votime bën edhe Koreja e Veriut por nuk ka zgjedhje. S’ka rëndësi çfarë mendon kryeministri, rëndësi ka që është një standard ndërkombëtar, europian. Zgjedhje pa opozitën nuk ka dhe nuk do të lejohen. Nuk do të lejohen, nuk do të pranohen, nuk do të njihen”, tha Basha.

Në fakt, kjo nuk është surprizë. PD reagoi për Realstory.al mbrëmjen e së hënës ku mohoi ekzistencën e qarkores. Ndërkohë, po mbrëmjen e të hënës, burime të pavarura diplomatike, konfirmuan gjithashtu për Realstory.al, se Qarkorja do të analizohej dhe do të verifikohej me kujdes, nëse kishte dalë apo jo nga zyrat e PD-së. Kështu ndodhi, e para që shkoi në zyrën e Lulzim Bashës ishte e ngarkuara me punë e SHBA-së në Tiranë, Leyla Moses-Ones. Takimi mes saj dhe Bashës zgjati më shumë se një orë, ndërsa kryedemokrati, nuk pranoi të komentonte takimin me zëvendës ambasadoren e SHBA, foli për atë që mesaduket ishte thelbi i vizitës së Leyla Moses-Ones, Qarkorja.

Basha, i zbutur që prej mbrëmjes të së hënës, pasi ka mësuar qëndrimin amerikan për zgjedhjet dhe krizën, u shpreh se 30 qershori ëshë dita e fillimit të fundit të Edi Ramës, shprehje që në fakt Basha duket ia ka huazuar vetë Kryeministrit, pasi ky i fundit është thënë shpesh se “më 30 qershor është fillimi i fundit të ndarjes së Shqipërisë nga e shkuara. “30 qershori nuk është datë zgjedhjesh, Edi Rama do kërkojë ti kthejë shqiptarët në votimet njëpartiake. 30 qershori e ka një domethënie, është dita kur nis fundi i regjimit autokratik të Edi Ramës. Ky do përpiqet që tu paraqesë një proces fals shqiptarëve”, u shpreh Basha.

Ngjarja horror në Itali, vrau me thikë 3 vajzat, nëna shqiptare fiton lirinë

Historia e Edlira Copas që vrau me thikë tre vajzat e saj në Itali shokoi të madh e të vogël si në Itali ashtu edhe në Shqipëri në mars të vitit 2014 kur ndodhi ngjarja. Tashmë Edlira, shkruajnë mediat italiane është kthyer për të marrë frymë lirisht pasi ka fituar një liri të pjesshme pas qëndrimit në një spital psikiatrik për gati 5 vjet. Tashmë Edlira ndodhet në një strehëz mbrojtjeje në Leçe.

Ngjarja e rëndë ka ndodhur në mars të vitit 2014 kur ajo goditi me thikë tre bijat e saj, në shtëpinë e tyre në Corso Bergamo.

Në gjendje të rëndë psikologjike Edlira vrau me thikë Simonën trembëdhjetë vjeç, Keisi 10 vjeç dhe Sidny vetëm 3 vjeç dhe pastaj u përpoq t’i jepte fund edhe jetës së saj por pa sukses pasi ndërhynë karabinierët.

Edlira tashmë 42 vjeç nuk u dënua për vrasje pasi vrasjet ajo i kishte kryer në kushtet e rënda psikologjike. “Vajzat e mia të vogla janë zhdukur”. “Ku janë ata? A jam unë në Shqipëri? ». “Jo, i kam vrarë ata.” Këto ishin fjalët e para të shprehura nga Edlira, rrëfimi i parë i asaj, tregon një fqinj që ishte i pari që e kishte parë ngjarjen mëngjesin e atij marsi. “Ishte një vaskë gjaku, si në një film horror”, tha Nadia Valseçhi, fqinja e Edlirës. “Mendoj se kishte një këmishë me një njollë të madhe gjaku para. Duart ishin të përgjakshme”.

Gjatë marrjes në pyetje në Departamentin e Rehabilitimit të Spitalit Leço, Edlira kishte thënë se “në Itali ka mafiozë. Unë e bëra atë për të parandaluar që vajzat e mia të përfundonin keq”. Edlira ishte ndarë nga bashkëshorti i saj, Bashkim Dobrushi dhe për këtë arsye kishte frikë se vajzat e saj mund të vuanin për shkak të vështirësive ekonomike.

Tmerron banorët me breshëri automatiku në gjendje të dehur, arrestohet 49 vjeçari në Lezhë

Në Lezhë është bërë arrestimi i një tjetër personi në flagrancë, po për armë mbajtje pa leje. Sipas Policisë së Shtetasit, në pranga është vënë një shteas, emri i të cilit nuk bëhet i ditur, vetëm inicialet A.P., 49 vjeç. Ky shtetas, në gjendje të dehur në fshatin Rraboshtë në Lezhë, mbrëmjen e të hënës ka qëlluar në ajër me armë zjarri në oborrin e banesës së tij.

Të tmerruar nga breshëritë e plumbave, banorë të fshatit kanë lajmëruar policinë e shtetit, e cila ka shkuar në vendngjarje duke bërë arrestimin në flagrancë të personit që kishte qëlluar me armë. Gjatë kontrolleve në banesë, këtij shtetasi i janë sekuestruar 2 armë zjarri automatike (automatik model MP-40 dhe Pushkë model 63), si dhe një granatë dore ofensive.

Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme për veprat penale “Prodhimi dhe mbajtja pa leje e armëve luftarake dhe municionit” dhe “Prishja e qetësisë publike”. parashikuar nga neni 278 dhe 274 të Kodit Penal.

Policia e Shkodrës ka arrestuar në flagrancë një person që qarkullonte në rrugë me armë zjarri pa leje. Sipas një njoftimi zyrtar nga Policia e Shtetit, këtë të martë është bërë arrestimi i një personi 25 vjeç, emri i të cilit nuk jepet, vetëm me inicialet L.M., banues në Shkodër, i cili është kapur teksa qarkullonte në rrugë me armë zjarri pa pasur leje. Kanë qenë forcat “Shqiponja” ato që kanë bërë zbulimin dhe më pas arrestimin e këtij personi, pas informacioneve të marra në rrugë operacionale. Arrestimi i këtij shtetasi u bë gjatë kohës që udhëtonte me motorr.

Forcat “Shqiponja” e kanë ndaluar dhe gjatë kontrollit i është gjetur dhe sekuestruar një pistoletë e tipit “TT”. Materialet iu referuan Prokurorisë së Rrethit Gjyqësor Shkodër për veprën penale “Mbajtja pa leje dhe prodhimi i armëve, armëve shpërthyese dhe i municionit” parashikuar nga neni 278 i Kodit Penal.

Moti në “garë” me politikën. Në 30 qershor do jetë 40 gradë

Kjo verë do të jetë më e nxehtë se kurrë, kjo jo vetëm përsa i përket politikës por edhe motit.

Sinpotikanët paralajmërojnë se i nxehti afrikan do të godasë edhe Shqipërinë duke sjellë temperatura deri në 45 gradë.

Europa do të goditet nga një valë e te nxehtit afrikan, e cila do të bëjë që temperaturat e ajrit të arrijëe deri në 45 gradë celcius.

Meteolab, parashikon që kjo valë do të përfshijë edhe Ballkanin dhe Shqipërinë.

“Vendi yne do të jetë në periferi të kësaj vale ku temperaturat do të ngjiten deri në 38 gradë celcius, situatë që do të vijojë deri në fillimin e muajit korrik, ku pritet që kjo valë e të nxehtit të përshijë Ballkanin dhe Shqipërinë”- parashikon Meteoalb.

Dokumenti, Arta Marku urdhër prokurorëve: Regjistroni çdo krim elektoral

Kryeprokurorja Arta Marku përmes një urdhri të shpërndarë prokurorëve të rretheve kërkon që të regjistrohen dhe të mbahet shënim çdo akt dhune dhe krim elektoral që mund të ndodhë në ditët në vijim dhe gjatë procesit zgjedhor.

Urdhëri i kryeprokurores ka si qëllim mbledhjen e provave dhe “ndjekjen penale ndaj autorëve që prekin zgjedhjet e lira dhe sistemin demokratik të zgjedhjeve apo që cënojnë procesin zgjedhor”.

Arta Marku përmes këtij udhëzimi kërkon që të gjithë “Prokurorët të jenë në gatishmëri së bashku me oficerët e policisë gjyqësore nga ora 07:00 e mëngjesit deri në 22:00 të darkës”.

Sipas udhëzimit, pas orës 22:00 personeli i gatishmërisë do të komunikojë me sallën operative të policisë.

Realstory disponon dokumentin e firmosur nga kryeprokurorja siç e shihni në fotot mëposhtë.

Rama: Meta të respektojë Kushtetutën, opozita po bën vetëvrasje

“Presidenti bën mirë të respektojë Kushtetutën”, kështu është shprehur të martën kryeministri Rama i cili vazhdon fushatën elektorale për të shkuar i qetë drejt zgjedhjeve të 30 qershorit, tashmë të certifikuara edhe nga Kolegji Zgjedhor. Ram tha se dekreti i Metës “është një hata kushtetuese e institucionale” ndërsa kërkoi informacion nga Vasilika Hysi se çfarë po ndodh me shkarkimin e tij. Komisioni i Ligjeve pritet të miratojë së shpejti raportin për shkarkimin e Presidentit dhe ngritjen e një komisioni hetimor. Kërkesa do të kalojë për miratim në seancën e 4 korrikut, fiks si dhuratë për ditëlindjen e Ramës.

Vendimin e opozitës për të bojkotuar zgjedhjet kryeministri e cilësoi vetëvrasje politike.

“Secili me mendjen e vet, kur nuk do të hysh në zgjedhje nuk merr dot peng gjithë dynjanë, është vetëvrasje politike spektakolare, por s’kemi ca të bëjmë. Kjo histori, unë nuk jam gati për ndeshje, ti nuk do hysh në stadium, kjo nuk ka shans të ndodhë. Nuk është çështja thjesht, është atmosfera e paligjshmërisë dhe klima e krijuar, bjeri murit me kokë dhe kjo përhapet, ca mësimi i jep se në fund kemi harruar thelbin, ose një nga misionet e politikës që të ketë edhe forcën e shembullit, çohen 5 vetë në jë klasë e thonë nuk bëhet mësim se nuk duam ne e bjeri bangave, si është kjo. Çohen 5 veta në trupën e shërbimit në spital e thonë nuk shërbehet, o të ikë drejtori o s’ka, është stimulimi i antiligjet e antishtetit në mënyrën më kriminale dhe për më tepër politikanët që bëjnë ligjet vetë dhe sillen sikur janë mbi ligjet”- tha Rama.

Ai ka thënë se kjo histori nuk mund të vazhdojë kështu. “Hajde të bëjmë marrëveshje, ta zgjidhim po kështu e ka kushtetuta, por ta zgjidhim tani, rruga e shkurtër që të nxjerrë gjatë, nuk vazhdon kjo histori, prandaj këto zgjedhje janë shumë të rëndësishme, jo kush do zgjidhet kryebashkiak, por si do jetë vendi të nesërmen”-tha ai teksa ka bërë humor me filxhanin e Monës.

Gati ngritja e SPAK, dhjetë prokurorë kalojnë Vettingun

Prokuroria Speciale për luftën kundër Korrupsionit dhe Krimit të Organizuar (SPAK) po shkon drejt krijimit të saj. Ngërçi kryesor, Vettingu i kandidatëve të kësaj strukture që krijohet nga Reforma në Drejtësi, tashmë është drejt zgjidhjes përfundimtare. Dhjetë nga pesëmbëdhjetë prokrurorët që nevojiten për krijimin e SPAK, tashmë kanë kaluar Vettingun. Ata janë; Enkelejda Millonai, Manjola Kajan, Arben Kraja, Bensik Muçi, Edvin Kondilli, Ened Nakuçi, Behar Dibra, Donika Prela, Dritan Prençi dhe Vladimir Mara. Praktikisht, Këshilli i Lartë i Prokurorisë ka vendosur që ky organ, shumë i rëndësishëm dhe jetik për vendin, të jetë funksional me 15 anëtar.

Megjithatë, duke parë rëndësinë që ka për ecurinë e Shqipërisë në rrugën drejt integrimit në Bashkimin Europian, Kryetari i KLP-së, Gent Ibrahimi ka kërkuar që kjo strukturë të jetë funksionale dhe me dhjetë anëtar. Pra, aktualisht dhjetë prokurorët që nevojiten për krijimin e SPAK kanë kaluar Vettingun, si e vetmja pengesë kryesore. Pra, në këtë mënyrë Prokuroria e Posaçme mund të krijohet pasi është numri i nevojshëm për të ngritur këtë strukturë dhe për ta bërë funksionale. Madje, në rregulloren për ngritjen e Prokurorisë së Posaçme, në Nenin 17 pika 5, caktohet se “Pas krijimit të Prokurorisë së Posaçme, Këshilli mund të rihapë thirrjen për aplikime në rast se ka nevojë për më tepër anëtarë”.

Në këto kushte, krijimi i Prokurorisë së Posaçme do të ishte hapi më i rëndësishëm i zbatimit të Reformës së Drejtësi. Kjo strukturë do të ketë detyrën të hetojë dhe vërë para drejtësisë të gjithë personat, përfshirë funksionarët publikë dhe zyrtarët e lartë, që kanë abuzuar me detyrën dhe që janë përfshirë në krim të organizuar dhe korrupsion. Ndaj, krijimi i SPAK do të duhet të shoqërohet edhe me rezultate konkrete dhe të shpejta, të cilat do të ishin një faktor vendimtar për çeljen e negociatave të Shqipërisë me Be në tetor. Për këtë arsye, brenda verës, kjo strukturë pritet të jetë funksionale, dhe në fillim të vjeshtës puna e saj pritet të japë frytet e para.

Nisur nga këto kushte, ngritja e SPAK do të zgjidh edhe dilemën e zanafillës së krizës politike në vendin tonë. Arsyet pse ajo nisi, kush e nisi, dhe pse politika i trembet drejtësisë. Shqipëria është në rrugën pa kthim drejt Bashkimit Europian, dhe kjo rrugë ndonëse me vonesë, duket se ka të njëjtën trajektore si Kroacia, e cila vetëm disa vite më parë dënoi deri dhe ish-kryeministrin Sanader, duke marrë si shpërblim integrimin në BE. Ndaj, në këtë pikë, edhe për Shqipërinë duket se po afron kjo ditë, SPAK, a do të jetë çelsi që do të hap dyert e BE për Shqiprinë?

Qarkorja për dhunë, amerikanët në zyrën e Bashës

Pesë ditë para zgjedhjeve, përfaqësuesja e lartë e SHBA-së në Tiranë, Leyla Moses One ka trokitur të martën në zyrën e kreut të PD-së, Basha i cili jo vetëm ka bojkotuar zgjedhjet por edhe ka bërë përpjekje për t’i penguar ato.

Ky takim vjen pas publikimit nga realstory.al të një qarkorje të brendshme që qarkullon në degët e PD-së në rrethe dhe ku bëhet thirrje për dhunë gjatë zgjedhjeve të 30 qershorit. Megjithëse PD e ka mohuar zyrtarisht se e ka shpërndarë një dokument të tillë, SHBA nuk mund ta lejojë me kaq.

Ditët e fundit përfaqësues të ndryshëm të ambasadave kanë zhvilluar bisedime me Bashën, ndërsa SHBA ka ndenjur pak në heshtje. Por duket se me afrimin e datës së zgjedhjeve SHBA ka vendosur të dalë hapur dhë të japë mesazhin e qartë se është kundër bojkotit të zgjedhjeve dhe kundër dhunës dhe bllokimit të tyre.

Realstory.al ka shkruar më parë edhe për një deklaratë të fortë që kanë marrë përfaqësuesit e opozitës që t’i japin fund akteve të dhunës, ndryshe do të futen në listën e zezë.

Edhe të futesh në listën e Zezë të SHBA, zor se merr veten ndonjëherë. Duket se këto mesazhe kanë bërë që opozita të tërhiqet nga aktet e dhunës dhe Basha të dilte më zbutur se kurrë një natë më parë, aq sa nuk e përmendi në asnjë rast dekretin e Metës dhe në një farë mënyrë pranoi datën 30 për zhvillimin e zgjedhjeve.

“Sa të kem Lulin e Monën, s’pyes për Amerikën”. Spiropali: Reagimi i Metës, një komedi

Kur i gjithë faktori ndërkombëtar kërkon që shqiptarët të shkojnë në zgjedhje dhe të votojnë ashtu sikurse e garanton Kushtetuta, Presidenti Ilir Meta thotë se nuk ka anuluar zgjedhje as në Itali e as në Amerikë.

Kjo deklaratë e tillë është komentuar nga zëdhënësja e qeverisë Elisa Spiropali e cila e quan këtë reagim si një histori që përsëritet në Shqipëri dhe tani vjen në formën e një komedie.

“Ilir Meta që pa gdhirë tha se nuk ka anulluar zgjedhjet në SHBA, Itali apo Kinë, kështu që bota duhet ta mbyllë gojën se në Shqipëri vendos Ai se kur voton Populli! Dmth sa të kem Lulin&Monën me vete s’pyes për Amerikën&Europën – historia që përsëritet si komedi me Haxhiun e ri!” shkruan Spiropali

Duket qartë se me qëndrimin e tij presidenti Meta po mban krahun e opozitës e cila kundërshton të shkojë në zgjedhje duke dalë edhe kundër thirrjeve të faktorit ndërkombëtar.

“Unë nuk hyj tek ata politikanë që flasin në emër të ambasadave, në emër të ndërkombëtarëve dhe që fshihem pas tyre. Në Republikën e Shqipërisë i vetmi institucion që vendos për datën e zgjedhjeve është Presidenti i Republikës.

Unë nuk kam anuluar zgjedhjet as në Itali, as në Amerikë dhe as në Kinë. Kam anuluar zgjedhjet në Shqipëri për shkak të një krize shumë të rëndë politike, të cilën besoj se keni vënë re prej muajsh me qëllim normalizimin e situatës në vend dhe njëkohësisht për të gjetur rrugën dhe datën për zgjedhje gjithëpërfshirëse”, është shprehur Presidenti. Deklaratë kjo që bie ndesh me qëndrimet e ambasadorëve të cilët kërkojnë zhvillimin e zgjedhjeve në Shqipëri. Madje presidenti i KE-së, Junker tha se mos zhvillimi i zgjedhjeve ndikon negativisht në rrugën e Shqipërisë drejt BE-së.