Kreu i demokratëve, Lulzim Basha i ka cilësuar zgjedhjet e 30 qershorit si varreza politike e Edi Ramës, ndërsa ka thirrur protestën e radhës kombëtare më 21 qershor për të mos lejuar mbajtjen e tyre. Me një status të shkurtër në Facebook, Basha ka bërë thirrje për t’u bashkuar në protestë, duke kërkuar që të luftohet për Shqipërinë e shqiptarëve duke larguar njëherë e mirë Shqipërinë e bandave të krimit.
“30 qershori është varreza politike e Edi Ramës, shokut të avdylajve dhe bandave të krimit. Shqiptarët janë ngritur në këmbë në betejën kombëtare për Shqipërinë si gjithë Europa. Boll më me Shqipërinë që duan vetëm ata! Tani është koha për Shqipërinë e të gjithë shqiptarëve! Asnjë hap pas! #21qershor” – shkruan Basha
