Protesta e heshtur, Manastirliu pas takimit me mjekët: Jemi në anën e së njëjtës llogore

“Kemi vendosur që takimet dhe tryezat e punës të nisin javën që vjen. Ura e komunikimit me mjekët dhe personelin mjekësor është e konsoliduar prej kohës”- kështu u shpreh Ministrja e Shëndetësisë, Ogerta Manastirliu në përfundim te takimit me sindikaten e mjekeve.Për mediat ministrja tha se ura e komunikimit mes dy palëve tashmë është e konsoliduar prej kohësh.

“Ne kemi diskutuar shumë konkretisht për pikat që përfaqësuesit e sindikatës kanë përcjellë. Kemi një rrugë të gjatë përpara për të adresuar në mënyrë afatshkurtër, afatmesme dhe afatgjate kërkesat e sindikatës. Kemi vendosur që takimet dhe tryezat e punës të nisin javën që vjen. Ura e komunikimit me mjekët dhe personelin mjekësor është e konsoliduar prej kohës. Mjekët dhe infermierët, ministrinë e shëndetësisë e kanë shtëpinë e tyre të dytë.

Ne jemi të bindur se dhe në këtë situatë pandemia, forcat jonë e madhe janë mjekët dhe infermierët do t’i dëgjojmë dhe për pikat që ata kërkojnë. Janë 4 pikat që do të diskutohen. Janë çështje që do të diskutohen edhe me ekipet më të vogla në tryezat teknike. Janë çështje që adresojnë situata të ndryshme. duhen vlerësuar dhe në kuadër eksperiencat dhe praktikat ndërkombëtare që të bëjmë më të mirat. Platformat e bashkëpunimit që ne e kemi të ngritur, mos të harrojmë se një vit e ca më parë, ndryshimet në kodin penal janë realizuar.

Ky është bërë falë vullnetit të qeverisë. Ne jemi në të njëjtën anë të llogores. Ne jemi këtu dhe po adresojmë kërkesat e mjekëve. Fakti që jemi të dy, si përfaqësues, do të jemi së bashku dhe jemi së bashku në çdo moment të vitit, tregon vullnetin për të bërë më të mirën për shoqërinë. Ne jemi këtu për konsolidimin e kësaj platforme dhe kemi një rrugë të gjatë për të bërë në kuptim të të gjithë elementeve që duan mjekët.”, tha ministrja.

Mat, dhunohen rojet e HEC-ve dhe iu djegin makineritë

Dy roje, të cilët ruanin makineritë e firmës që do ndërtojnë hidrocentralet në zonën e Kaçinarit në Mat, janë dhunuar gjatë mbrëmjes së mërkurë, ndërsa u është vënë flaka dhe 4 makinerive. Dy të plagosurit kanë marrë fraktura të shumta në trup, por ndodhen jashtë rreziku për jetën.

Policia tha se fillimisht është ushtruar dhunë ndaj dy rojeve të kantierit e më pas u është vënë flaka me benzinë mjeteve të rënda, ndërsa nuk ka ende të kallëzuar për ngjarjen.

Situata në Kaçinar është e tensionuar pasi banorët protestojnë për të mos lejuar ndërtimin e HEC-ve duke bllokuar punimet e firmës ndërtuese. Hetimet e policisë janë përqendruar në pistën e përplasjeve të banorëve me ndërtuesit e HEC-ve për identifikimin e autorëve të sulmit.

Banorët e Kaçinarit protestojnë kundër ndërtimit të HEC-ve në këtë zonë dhe thonë se mendimi i tyre nuk është marrë në konsideratë. Sipas tyre ndërtimi i hidrocentraleve do ndikonte negativisht në zhvillimin e tyre, pasi pjesa më e madhe mbahet me bujqësi.

Tërhiqet Presidenti i Kilit, u nxori tanket protestuesve

Kili është përfshirë nga protesta të mëdha në vend prej një jave, por që u përballën me reagimin e ashpër të qeverisë duke nxjerrë në rrugë ushtrinë dhe shpallur gjendjen e jashtëzakonshme për t’i mposhtur kryengritjen e popullit. Duket se kjo gjë nuk funksionoi, pasi njerëzit filluan të dilnin gjithmonë e më shumë duke i bërë më të forta protestat. Rreth 1 milionë protestues mbushën rrugët e Santiagos, duke detyruar qeverinë të anulojë gjendjen e jashtëzakonshme dhe të tërheqë ushtrinë. Gjithashtu presidenti i Kilit Sebastian Pinera vendosi të shpërndajë kabinetin qeveritar me qëllim për të krijuar një qeveri të re “që do trajtojë kërkesat dhe do menaxhojë të ardhmen”.

“U kam kërkuar gjithë ministrave të mi të japin dorëheqjen për të formuar një qeveri të re që të jetë e aftë të përballojë kërkesat e reja dhe të menaxhojë të ardhmen e vendit” – tha Piñera.

Protesta nisi me studentët, të cilët dolën në rrugë një javë më parë pasi u rrit papritur çmimi i transportit publik. Qeveria u përgjigj fillimisht shumë ashpër ndaj manifestimeve, gjë që rriti zemërimin e sindikatave, të cilat iu bashkuan studentëve. Pinjera u përgjigj sërish me ashpërsi, duke shpallur gjendjen e jashtëzakonshme, duke vendosur shtetrrethime, si dhe duke shprehur në deklarata se vendi ishte në luftë. Ushtria u urdhërua të marrë përsipër mbrojtjen e institucioneve dhe tanket dolën në rrugë për herë të parë që nga koha e diktaturës. Por kjo shtoi numrin e protestuesve.

Pasi pa reagimin masiv, Pinera tha se e kishte kuptuar shumë qartë mesazhin e njerëzve dhe se kërkonte falje.

Bilanci i një jave protesta në Kili është 19 të vdekur, mbi 7 mijë të arrestuar dhe dëme në ekonominë e vendit të vlerësuara në rreth 1.4 miliardë USD.

Protesta e “sekretit”, gazetat australiane nxijnë faqet e para

Disa gazeta në Australi nxijnë faqet e para të tyre në formë proteste ndaj ligjeve të ashpra të sigurisë, që cënojnë lirinë e shtypit. News Corp Australia dhe nëntë media të tjera, botuan të hënën faqen e parë të nxirë ku shkruhej vetëm fjala “sekret”. Ky është një rast i rrallë i unitetit mediatik në Austrial, ku rivalët më të mëdhenj të mediave në vend, bëhen bashkë në një protestë kundër kufizimeve të shtypit.

Protesta vjen pas fuqizimit të ligjeve të sigurisë kombëtare, për të cilët gazetarët, sipas mediave ndërkombëtare, thonë se kanë bllokuar raportimin, duke krijuar një “kulturë fshehtësie” në Australi. Qeveria është shprehur se mbështet lirinë e shtypit, por “askush nuk është mbi ligjin”. Në qershor, policia sulmoi Korporatën Australiane të Transmetimeve (ABC) dhe shtëpinë e një gazetari të News Corp Austrlia, duke krijuar një reagim të madh.

Kontrollet policore në redaksinë e mediave australiane dhe të gazetarëve, erdhën pas publikimit të disa lajmeve që implikonin forcat speciale të Australisë me krime në Afganistan. Autoritetet shtetërore u shprehën se ishte cënuar siguria kombëtare. Ndërkohë, lidhur me protestën e të hënës, Drejtori i ABC David Anderson është shprehur se: “Australia rrezikon të bëhet demokracia më e fshehtë në botë”.

Të dielën qeveria Australiane përsëriti se ishte e mundur që tre gazetarë mund të përballen me ndjekje penale. Kryeministri Scott Morrison tha se liria e shtypit ishte e rëndësishme për demokracinë e Australisë, por shtoi se “sundimi i ligjit” duhej të përkrahej. Organizatat e mediave në Australi argumentojnë se ligjet e miratuara në dy dekadat e fundit rreth sigurisë, kanë kërcënuar gazetarinë investiguese.

Protesta tek “Astiri”, Bardhi: Lleshaj nuk e kupton qëndresën

Partia Demokratike zhvendosi protestën nga “Unaza e Re” te Drejtoria e Policisë së Tiranës, pas ndalimit të ish-deputetit Klevis Balliu dhe 7 protestuesve, që bllokuan rrugën. Për këtë akt, reagoi Ministri i Brendshëm Sandër Lleshaj, i cili u shpreh se “Policia e Shtetit nuk do të përballet me fëmijët, por as nuk do të lejohet pengmarrja e qytetit nga njerëz të parapolitik”. Gjithashtu, Ministri u shpreh se “drejtues të Partisë Demokratike u fshehën pas fëmijëve dhe grave, duke i përdorur ata”. Pas këtyre deklaratave, reagoi Sekretari i Përgjithshëm i Partisë Demokratike Gazmend Bardhi.

Ai shprehet se “Sander Lleshaj nuk mund ta kuptojë qendresën e burrave, grave dhe fëmijëve në mbrojtje të shtëpive të tyre nga fadroma e korrupsionit të shefit të tij Edi Rama, sepse Sandër Lleshaj nuk ka derdhur ndonjëherë djersë për shtëpinë e tij. Ai jeton në dy shtëpi të padeklaruara. Për njërën ka marrë kredi të butë nga qeveria që në 2009 dhe, në mënyrë të paligjshme, nuk e ka përdorur deri në vitin 2018, sa janë të dhënat zyrtare”.

“Shtëpia tjetër ku Sandër Lleshaj jeton është në Lalz, por ajo nuk figuron askund. Të gjithë e dinë që ministri katil, që nxjerr policinë kundër grave dhe fëmijëve, por nuk lufton krimin, jeton sa pranë qendrës së Tiranës, aq në Gjirin e Lalzit, në shtëpi të padeklaruara”, shprehet Bardhi. Klevis Balliu dhe 7 protestues u ndaluan pas përfundimit të protestës së zhvilluar të dielën pasdite në Unazën e Re në zonën e “Astirit”. Ata bllokuan rrugën duke sfiduar thirrjet e policisë për të mos e bërë një gjë të tillë.

Basha sulmon drejtësinë dhe mediat: S`ka Kod Penal, që ndalon protestën

Lulzim Basha iu bashkua protestës së banorëve të “Astirit” të dielën pasdite. Ndonëse me ndryshimet e Kodit Penal, kushdo që bllokon rrugën arrestohet, kryedemokrati dhe disa protestues sfiduan këto ndryshime, duke bllokuar për disa minuta njërin krah të Unazës së Re. Më pas, Lulzim Basha sulmoi Prokurorinë, duke u shprehur se organet e drejtësisë janë me kamikazë politikë. “Prokuroria është e kapur dhe ka kamikazë politikë në gjykata dhe në Prokurori. Prandaj Rama nuk përgjigjet para ligjit, sepse ai e ka kapur Prokurorinë. Balla është sot njeriu i cili mbështet një trafikant droge për ndërtime pa leje. Damian Gjiknuri që iu përfshi emri në afera korruptive. Saimir Tahiri që dihet botërisht ka lidhje me bandat e trafikut të drogës”, tha Basha.

Më tej, sipas Lulzim Bashës, pa shkuar Edi Rama në Burg, nuk do të ketë Shqipëri europiane. “Shqipërisë nuk do i hapen rrugët në Europë me një mashtrues dhe pa çuar para drejtësisë të gjithë ata që kanë shkelur ligjin nga i pari tek i fundit. Opozita e bashkuar sot qëndron në krah të baballarëve, për një Shqipëri europiane dhe jo Shqipëri vend kriminelësh e hajdutësh. Ne luftojmë për Kushtetutë dhe ligj. Pa u çuar para drejtësisë Ramën dhe bashkëpunëtorët e tij nuk mund të ketë Shqipëri europiane”, tha Basha.

Ndërsa, më tej kreu i PD lëshoi akuza edhe për disa media në vend, që sipas tij kanë pronar të korruptuar. “Beteja jonë është për një Shqipëri ku politikanët të dënohen si qytetarët e thjeshtë. Unë kam respekt për çdo gazetar, por ka pronarë mediash të korruptuar. E drejta e protestës është më e shenjtë se sa e drejta e Edi Ramës për të vjedhur me Karlo Bolinon. Nuk ka Kod Penal që të ndalojë protestën. Vetëm në vendet diktatoriale ndalohet protesta”, tha Basha.

Sipas kryedemokratit, ndaj banorëve të Unazës së Re po ushtrohet terror, ndërsa akuzoi qeverinë se po devijon projektin e Lanës, për ndërtimin e kullave. “Prej një viti ndaj banorëve të Unazës së Re po ushtrohet terror. Qeveria po devijon projektin e Lanës, për t’i dhënë mundësinë një trafikanti, mik të Ramës e të Ballës, që do të pastrojë paratë e krimit në kulla. Policët, të cilët janë në hallin e tyre dhe marrin paga të ulëta, por janë rreshtuar në anën e gabuar. Gjykata ka vendosur të lërë në burg sot 3 baballarë”, tha Basha.

Protestat me molotov të Bashës, Meta i quan “miting”: Do digjnin Kuvendin

Në fjalën e mbajtur para deputetëve të Komisionit Hetimor, një ndër argumentet e përdorur nga Presidenti ka qenë se firmosja e dekretit për anulimin e zgjedhjeve është bërë për të mbrojtur sigurinë kombëtare të vendit. Por ajo që ra në sy ishte përpjekja deri në fund e presidentit për të mbrojtur opozitën jashtëparlamentare. Të gjithë i kujtojmë se protestat e PD-LSI, ishin të dhunshme ku u përdorën masivisht shashkat e moltovët. Por presidenti zgjedh t’i cilësojë këto protesta, mitingje. Ai thotë se ka pasur informacione të klasifikuara që i kanë ardhur, si nga shërbimet e brendshme të informacionit ashtu edhe nga shërbimet ndërkombëtare se “persona të caktuar do të shfrytëzonin mitingjet e opozitës për të djegur Kuvendin e Shqipërisë”.

Meta tha se është gati që këtë informacion të klasifikuar t’ia vërë në dispozicion kuvendit, pasi deputetët të pajisen me certifikatën e sigurisë.

“Presidenti i Republikës për shkak të detyrës së tij ka patur informacione të mjaftueshme si në rrugë zyrtare dhe shtetërore të sigurisë kombëtare për përpjekje për të organizuar akte destabilizimi në vend. Në datën 7 shtator, një ditë para se presidenti të bënte publik vendimin e tij për shfuqizimin e datës 30 qershor, ka marrë një informacion të klasifikuar. Ky informacion bënte të qartë se persona të caktuar do të shfrytëzonin mitingun e opozitës, që të digjnin kuvendin e Shqipërisë. Kisha dhe informacione të tjera të brendshme dhe ndërkombëtare. Ndaj dhe presidenti u mundua të shmangte një ‘97 të re në Shqipëri. Një ngjarje që mund të prodhonte pasoja për shqiptarët dhe prishje të imazhit të vendit tonë”, tha Meta në Komision.

Por kujtojmë se para protestës së opozitës kishte reaguar ndihmës sekretari amerikan i Shtetit, Mathew Palmer i cili kishte bërë apel që drejtuesit e protestës të merrnin masa dhe të mos lejonin akte dhune, pasi do të klasifikoheshin si organizata të dhunshme dhe se SHBA do të ndërpriste çdo marrëdhënie me ta. Të gjitha sinjalet nga opozita ishin se protesta e datës 8 qershor do të ishte paqësore, ndryshe nga protestat e kaluara. Por pikërisht në këtë moment, ndërhyn Meta i cili njofton anulimin e datës së zgjedhjeve duke dalë kundër rekomandimeve të BE-së dhe SHBA./Realstory.al

Aleatët, presion Bashës për protesta me molotov (po SHBA?)

“Do të ketë protesta të fuqishme”. Kështu u shpreh Basha të mërkurën pas takimit me Monika Kryemadhin në selinë blu. Por mesa duket më shumë se Basha protesta të dhunshme dhe agresive po kërkojnë aleatët e tij. Një ditë më herët Dashamir Shehi u shpreh se protestat e opozitës duhet të jenë më agresive, ndërsa Nard Ndoka thotë se në protestë “nuk shkohet me lule”, por me molotov.

Siç duket aleatët po i bëjnë presion kreut të PD-së të nisë sezonin e protestave të cilin e kishte premtuar se nuk do të pushonte as gjatë muajve të verës, por e kundërta ndodhi. Gjatë muajve të verës aksioni opozitar u ndërpre, sepse PD mbeti pa asnjë pushtet edhe në bashkitë e djathta. Ndërkohë Basha premtoi se protestat do të rinisin në shtator, por ndërsa ndodhemi në javën e parë të shtatorit ende nuk ka një njoftim për këtë aksion opozitar, ndërkohë që presioni i aleatëve të PD-së është në rritje.

“Opozita i ka plotësuar angazhimet e veta. Opozita duhet të ketë një qasje tjetër ndaj protestave, një tjetër stil më të ashpër, pasi kryeministri e ka rritur arrogancën e tij. Aksioni do të jetë frontal, mjaft i ashpër në përballje me shumicën, Ramën, protesta në çdo qytet dhe kombëtare. Do të pengojmë kryeministrin në arrogancën e tij që të largohet edhe me pahir.

Askush nuk e do dhunën, edhe ne që i organizojmë nuk e duam dhunën. Protesta e dhunshme janë kur tenton të marrësh pushtetin me dhunë, jo molotovi, pasi në protestë nuk shkohet me lule. Është tjetër kur qytetarët shfryjnë dufin e tyre dhe tjetër kur tentojnë të marrin pushtetin me dhunë”, shprehet Ndoka.

Mirëpo kreu i PDK-së, Ndoka, harron se protestat me molotov të para 30 qershorit sollën reagimin e ashpër të SHBA-së. Palmer u shpreh se SHBA po mban shënim dhe nëse vazhdon dhuna në protesta drejtuesit e tyre do të futen në listën e zezë të SHBA-së dhe do të ndërpritet çdo marrëdhënie me ta. Pikërisht kjo deklaratë e Palmerit bëri që Basha dhe Kryemadhi të ndërrojnë molotovët në protestë me tullumbace blu. Pavarësisht presionit të aleatëve nuk mendohet që Basha do të marrë guximin t’i kundërvihet SHBA-së dhe të kthehet sërish te molotovi./realstory.al

BASHA KËRKON ZGJEDHJE NË PRANVERË, SHEHI: PROTESTA AGRESIVE DHE RAPORT TË RI ME NDËRKOMBËTARËT

MATHEW PALMER: PD-LSI, NËSE PENGOJNË ZGJEDHJET, PËRJASHTOHEN NGA MARRËDHËNIET ME SHBA!

Hong Kong, protestuesit bllokojnë rrugët pranë aeroportit

Në Hong Kong, protestuesit pro-demokracisë bllokuan rrugët pranë aeroportit ndërkombëtar të qytetit, duke shënuar një ditë tjetër demonstratash.

Disa fluturime u anuluan dhe autoritetet pezulluan shërbimin e trenit ekspres për në aeroport.

Qyteti u shndërrua në një shesh beteje nga dilte tym, i shkaktuar nga të rinjtë që luftojnë për ndryshime demokratike.

Ndërsa Hong Kongu përjetoi një tjetër natë me dëme për shkak të protestave nga kundërshtarët e qeverisë, zyrtarët mbrojtën veprimet e policisë.

Policia iu përgjigj bombave me benzinë, zjarreve, tullave dhe gurëve që hidheshin kundër saj duke përdorur ujin me presion, gazin lotsjellës, rrahjet dhe në një rast, zjarrin e armëve.

Por ishte vendimi i policisë për të hyrë me forcë në dy stacione metroje dhe për të rrahur udhëtarët, ai që zemëroi shumë banorë të qytetit. Në rrjetet sociale u shpërndanë video ku shihej policia me helmeta dhe maska që godiste këmbësorët brenda një stacioni./VOA/

PD e merr malli për protestat: Rikthehemi në shtator (sapo të mbarojnë pushimet)

Pas pushimeve të gjata verore, duket se Partia Demokratike planifikon të nis aksionin politik duke iu rikthyer protestave në muajin shtator. Ky është plani i Bashës, përmes të cilit ai shpreson se do të largojë vëmendjen nga kritikat që po has gjithnjë e më shumë brenda të djathtëve si dhe për të kamufluar dështimet e tij politike që rrënuan PD. Lajmi për protesta është thënë nga kryedemokrati Basha më herët dhe është konfirmuar edhe më tej nga vartësi i tij Aldo Bumçi. Ish deputeti demokrat Bumçi tha se në shtator opozita do t’i rikthehet protestave si rruga e vetme për të rrëzuar qeverinë dhe për t’i hapur rrugë shpresës së qytetarëve.“Beteja për demokracinë, nuk ndodh aq shpejt, me mendje do e kishim rrëzuar që në protestën e pare. Pa mund nuk rrëzohet asgjë. Maduro në Venezuelë, i ka dalë e gjithë bota kundër, do rrëzohet, nuk ka jetë. Ai vijon, se një pushtet autoritar vijon mban njerëz kërcënon, edhe këtu Rama me lekët e drogës e kërcënime, dhe largime masive është një njeri pa oksigjen më i dobët se kurrë. shqiptarët dolën masivisht në protesta. Ne do vijojmë protestat, në shtator rifillojmë. Është folur për narkoshtet mes Europës. Largimi i tij hap rrugën e shpresës, njerëzve sot iu mungon buka e përditshme.” u shpreh Bumçi.

Ish deputeti demokrat bëri krahasimin me rastin e Maduros se e gjithë bota i ka dalë kundër, por harron që në fakt të gjithë ndërkombëtarët i dolën kundër edhe Partisë Demokratike në vetëvrasjen e saj politike me djegien e mandateve dhe ushtrimin e dhunës në protesta duke mos e mbështetur askush në këtë rrugë pa kthim që ajo kishte nisur. Sot PD është kthyer në një parti jashtë çdo pushteti parlamentar dhe vendor duke lënë të pa përfaqësuar elektoratin e saj dhe duke mos u dhënë dot mundësi zgjedhje qytetarëve shqiptarë. PD zhvilloi 5 muaj protesta duke kërkuar largimin e Ramës dhe kërcënuar se zgjedhjet më 30 qershor nuk do të mbaheshin. Por realiteti tregoi se kërkesat e saj thjeshtë mbetën në të shkuarën si premtime boshe dhe pa vlerë për ato që i besuan dhe e ndoqën në këtë aksion, ndërsa i bëri ndërkombëtarët t’i tërhiqnin vazhdimisht veshin për t’u përmbajtur nga dhuna deri në kërcënimin e SHBA se do ta fuste në listën e organizatave terroriste nëse nuk ndalej.

Bumçi ka folur edhe për transferimin e dosjes 184 në prokurorinë Dibër, pasi Krimet e Rënda shpallën moskompetencë për të hetuar krimet zgjedhore. Sipas tij kjo është një mënyrë politike e zgjedhur nga qeveria që ka kapur drejtësinë dhe prokurorinë. Ish deputeti demokrat akuzon kryeprokuroren Marku se për 3 vjet nuk bëri asgjë në lidhje me këtë dosje që të hetohej. “U përmend dosja e Dibrës, janë përgjime zyrtare të Prokurorisë, kanë tre vjet që i mbajnë. Pse Rama duhet të fitonte me çdo kusht Dibrën ne 2016, sepse do të marrë gjithçka. Zgjidhja është politike, nuk ka shpresë që zgjidhja të vijë nga drejtësia. Kjo dosje ka 3 vjet, Arta Marku duhet të bënte gjithçka që ajo të hetohej.” Në fakt sipas një deklarate të ish ministrit të PD-së, Arben Imami në emisionin Real Story, tha se kryetari Basha i ka pasur në zyrë këto dosje po ashtu prej 3 vitesh dhe nuk preferoi t’i bënte publike në atë kohë. Këto audio-përgjime u publikuan gjatë kulmit të protestave të opozitës nga media gjermane BILD.