Të hënën pasdite, Ilir Meta bëri një akt të paprecedentë: me anë të një letre, shpalli “non grata” për Presidencën ambasadorin e OSBE në Tiranë, Bernd Borchardt. I ftuar në emisionin “Real Story” të gazetarit Sokol Balla, anëtari i Bindjes Demokratike dhe ekspert i të drejtës kushtetuese, Fabian Topollaj u shpreh se Meta ka probleme me të gjithë ndërkombëtarët, jo vetëm me Borchardt.
“Unë mendoj se ka dy arsye. Mendoj se arsyeja e parë është preteks, pasi ambasadori ishte i detyruar të pranonte procesin e 30 qershorit. Arsyeja e dytë, unë mendoj se nuk ia vlen të ndalemi shumë sepse është vetë Bernd Borchardt ka kërkuar ndjesë. Mua më duket se Meta nuk ka probleme vetëm me një zyrtar të huaj në Shqipëri. Ai ka probleme shumë të gjera. Në dy muajit e fundit ai e ka prezent sulmin ndaj diplomatëve të huaj në Shqipëri”, tha Topollaj.
Më tej, lidhur me akuzat që Meta ka bërë ndaj ambasadorëve të huaj se disa prej tyre janë të korruptuar, Topallaj u shpreh se vetëm politikanët shqiptarë nuk duhet të bëjnë akuza të tilla. Sipas tij, politikanët shqiptarë s`kanë lënë gjë pa bërë, madje duke u dalë në video aktet e korrupsionit. Ndaj, Fabian Topollaj i quan deklaratat e Ilir Metës të dorës së dytë. /Realstory.al/
