Shefi i politikës së jashtme të BE-së ka bërë thirrje për më shumë punë për sigurinë dhe mbrojtjen evropiane, duke i kërkuar rajonit të shpenzojë më mirë dhe të bashkëpunojë më shumë.
“Kjo luftë ka qenë gjithashtu një thirrje zgjimi për të gjithë ne në lidhje me aftësitë tona ushtarake. Ne i kemi dhënë armë Ukrainës, por duke vepruar kështu, kuptuam se rezervat tona ushtarake janë varfëruar.
Me rikthimin e luftës konvencionale në zemër të Europës, ne kuptuam gjithashtu se na mungojnë aftësitë kritike të mbrojtjes, për të qenë në gjendje të mbrohemi nga një nivel më i lartë kërcënimesh në vetë kontinentin europian”, tha Borrell.
Borrell citoi gjithashtu të dhëna nga agjencia e mbrojtjes e BE-së që tregojnë se evropianët po shpenzojnë më shumë për mbrojtjen.
“Evropianët po rrisin qartë shpenzimet dhe aftësitë e tyre të mbrojtjes. Kjo është shumë e nevojshme. Ndërsa vazhdojmë të mbështesim Ukrainën, duhet të investojmë më shumë së bashku për të përgatitur ushtritë europiane për përballur me një botë më të rrezikshme”, shtoi ai.
“Zbatimi ka përparuar, por tani ne duhet të përshpejtojmë mobilizimin e burimeve tona si Ekip i Europës. 2023 do të jetë një test besueshmërie për BE-në si një fuqi globale. Le ta përmbushim atë, së bashku. Tani ne gjithashtu duhet të shpenzojmë më mirë dhe të bashkëpunojmë më shumë”, shtoi Borrell.