Shkak i helmimit të 61 nxënësve në shkollën “Adem Haxhia” në Postribë të Shkodrës ka qenë salmonela e gjendur në ushqim.
Analizat nxorën përfundimin se shkak i helmimit është bërë prezenca e lartë e salmonelës në ushqimin që kishin konsumuar nxënësit, në një kioskë pranë shkollës gjatë pushimit të tyre.
61 nxënës u paraqitën në spitalin e Shkodrës, me shenja helmimi menjëherë pas konsumit të sanduiçave. Fëmijët shfaqën temperaturë të lartë, të vjella dhe shqetësime të tjera, që vijnë nga helmimi.
