Militantët e PD-së, në Shkodër i kanë gjuajtur me shishe uji deputetit Tom Doshi kur ka dalë nga mbledhja e Këshillit të ri Bashkiak.
Menjëherë pasi ka përfunduar mbledhja Doshi dhe anëtarët e tjerë të Këshillit Bashkiak kanë dalë
nga ambientet e Bibliotekës së Shkodrës dhe janë përballur me sulmin e militantëve të PD-së.
Në një moment një nga protestuesi hedh edhe një shishe me ujë ndaj deputetit Tom Doshi. Ndërkohë kanë qenë truprojat e deputetit që kanë bërë të mundur që të ndalojnë protestuesit t’i afrohen deputetit.
Në një deklaratë shumë të shkurtër Doshi ka thënë se aty vjen si aleat i PS dhe se vendimet i merr kryeministri Rama. Më pas Doshi dhe këshilltarët e tjerë të konstituuar kanë vazhduar rrugën për të shkuar më pas në ambientet e një lokali. Ndërsa militantët e PD i kanë ndjekur nga pas me thirrje fyese dhe kundër tyre.
Tom Doshi është në listën e politikanëve të inkriminuar të PS-së, që publikon pothuajse çdo ditë, kreu i PD-së, Basha.
