Një tjetër emër i është shtuar kandidaturave për garën për Prokuror të Përgjithshëm. Fatjona Memçaj është kandidatja e re që ka dorëzuar kërkesën e saj pranë KLP.
Memçaj ka kaluar me sukses procesin e vettingut, ndërsa më herët mbante postin e prokurores së Apelit në Tiranë. Ndërsa pak pas saj ka dorëzuar kërkesën edhe avokati Lulzim Alushaj.
Aktualisht numri i kandidatëve në garën për Prokuror të Përgjithshëm ka shkuar në 3, ku disa ditë më parë e ka dorëzuar edhe prokurori Olsian Çela.
Pakurorët që duan të garojnë kanë 30 ditë afat kohor për të dorëzuar dokumentacionin përkatës, pas ditës së nisjes së garës së shpallur nga KLP. Më pas do të bëhet përzgjedhja e 3 kandidatëve të duhur që do i çohen parlamentit për miratim.
