Mbledhja e këshillit të Rithemelimit/ Pritet të miratohen ndryshimet statutore, Tabaku nuk merr pjesë

Më të fundit


Rithemelimi ka mbledhur këshillin këtë të martë, ku diskutohet për ndryshimet statutore, të cilat do t’i hapin rrugën grupit të deputetëve të Gazmend Bardhit që të bëhen pjesë e strukturave të grupimit.

Gazetarja Erneta Shevroja raporton se Jorida Tabaku, emri i së cilës është propozuar si anëtare e kryesisë, nuk është paraqitur në mbledhje. Gazetarja tha se pritet të shihet nëse Tabaku do të ketë ndryshim në qasjen e saj sa i përket raporteve me rithemelimin dhe Gazment Bardhin.


“Do të votojë sa i përket dy propozimeve për të bërë ndryshime në statutin e Rithemelimit, përmes të cilave 9 anëtarë të rinj futen në kryesinë të rithemelimit, ku pjesa më e madhe janë mbështetës të Gazment Bardhit. Mes tyre përfshihet edhe Jorida Tabaku, e cila mban postin e kryetares së komisionit të Integrimit.

Jorida nuk ka ardhur në selinë e PD ashtu sikurse nuk ka ardhur kur është zhvilluar mbledhja e grupit parlamentar. Ajo ka mbajtur një qëndrim të distancuar, dhe mesa duket vijon ta mbajë këtë qëndrim, edhe pse emri i saj propozohet që të bëhet edhe anëtare e kryesisë së këtij grupimi të Berishës.

Nëntë anëtarë futen në kryesinë e PD. Përfshihet edhe Ferdinand Xhaferraj dhe Helidon Bushati që është pjesë e kryesisë së grupit parlamentar. Bardhi pritet të bëhen nënkryetar i këtij grupimi së bashku me Gjekmarkaj, i cili mban postin e nënkryetarit të kuvendit, janë zhvillime që janë në proces, mbledhja e cila ka nisur rreth dy orë e gjysmë ende është duke vijuar dhe nuk ka kaluar në proces votimi.”, raportoi gazetarja./abcnews.al




Skip to toolbar