Noka ndezi zjarr në Kuvend, Balla: Nuk mund t’i shmanget ligjit! Vepër penale, dënohet deri në 5 vite burg

Më të fundit


Ministri i Brendshëm, Taulant Balla ka reaguar pas kaosit dhe tensionit të krijuar në seancën plenare të kësaj të hëne, ku deputetë mbështetës së Sali Berishës, i vunë flakën Kuvendit.

Përmes një reagimi në Facebook, Balla teksa publikon videon ku deputeti Flamur Noka tenton t’i vërë zjarrin karrigeve pasi i ka vënë flakën disa letrave, shprehet se Kodi Penal përcakton qartësisht në nenet 151 dhe 154 veprat penale të shkatërrimit/dëmtimit me dashje të pronës me zjarr dhe me mjete të tjera, të cilat dënohen deri në pesë vite burg.


Balla theksoi se institucioni i akuzës duhet të garantojë se ligji zbatohet njëlloj për të gjithë dhe deputeti nuk mund t’i shmanget ligjit kurrësesi, duke përfitur apo duke u fshehur pas imunitetit.

“Kodi Penal përcakton qartësisht në nenet 151 dhe 154 veprat penale të shkatërrimit/dëmtimit me dashje të pronës me zjarr dhe me mjete të tjera, të cilat dënohen deri në pesë vite burg.

Ndërsa këto akte të rënda janë referuar në mënyrë të përsëritur në Prokurori, institucioni i akuzës duhet të garantojë se ligji zbatohet njëlloj për të gjithë dhe deputeti nuk mund t’i shmanget ligjit kurrësesi, duke përfitur apo duke u fshehur pas imunitetit!”, shkruan Balla.




Skip to toolbar