Partizanit do t`i dorëzohet trofeu i titullit Kampion i Shqipërisë të dielën më 26 mars në ndeshjen e radhës në kampionat kundër Kukësit. Takimi do të zhvillohet në stadiumin “Selman Stërmasi”, teksa FSHF-ja ka vendosur që të shfrytëzojë këtë ndeshje, që Partizani e luan përballë tifozëve të vetë, për t`i dorëzuar titullin kampionëve.
Do të jetë një ditë emocionuese për tifozët dhe drejtuesit e klubit të kuq, të cilët kanë pritur 26 vjet për të fituar titullin e radhës në kampionat. Lajmin për dorëzimin e titullit të dielën në ndeshjen e parafundit të kampionatit e ka dhënë FSHF-ja, ku ka publikuar një listë me datat dhe oraret e të gjitha ndeshjeve finale të kampionatit në të gjitha nivelet, ku përfshihet dhe dhënia e trofeut të kampionit për Partizanin.
Duke nisur prej ditës së sotme deri në datën 2 qershor, do të luhen disa ndeshje të rëndësishme në nivele të ndryshme të kampionatit tonë të futbollit. Pikërisht këtë të mërkurë do të luhet finalja e Kategorisë së Dytë midis Tërbunit dhe Devolli, ku do të vendoset se cila nga këto dy ekipe do të fitojë trofeun e madh, pas ngjitjes në Kategorinë e Parë sezonin e ardhshëm.
Ndërkohë, më herët është luajtur finalja e Kategorisë Superiore për ekipet e moshave, ku Tirana është shpallur kampione duke fituar ndaj Shënkollit me rezultatin 1-0. Nesër do të zhvillohet finalja e Kategorisë së Parë midis Vllaznisë dhe Bylisit, ku dy ekipet do të synojnë trofeun e madh, pas promovimit në Superligë për sezonin e ardhshëm.
Në datën 24 maj do të luhen dy ndeshjet e Play-Off për Kategorinë e Parë. Veleçiku-Shkumbini dhe Elbasani-Luzi, ku do të përcaktohen dy ekipet e tjera që mbijetojnë apo vazhdojnë sezonin e ardhshëm në Kategorinë e Parë.
Tabela me datat dhe oraret për të gjitha ndeshjet finale:
