Kreu i LZHK, Dashamir Shehi thotë se kryeministri Edi Rama dhe kryedemokrati Sali Berisha po sulmojnë Prokurorinë e Posaçme.
Në emisionin “Real Story” në ABC News, Shehi u shpreh se SPAK duhet mbrojtur nga këto sulme.
“Këtë e kanë sulmuar dy grupet e mëdha. Jo vetëm që duhet më i dal për zot, nuk është puna se do peshkosh vota nëpërmjet kësaj. Unë them pa kushte, që në kuptimin që po u vunë kushte, drejtësia quhet mbi palët. Vendimet gjyqësore nuk diskutohen. A është kjo drejtësia e Shqipërisë? Sigurisht që jo, por diçka ka lëvizur. Nuk do merret ndonjë votë për këtë punë. Votuesit e Shqipërisë, 1/3, që nuk janë dakord me dy partitë e mëdha, me këtë qeverisje, ka shumë. Jam i bindur që ka edhe mijëra socialistë të pakënaqur që nuk kanë alternativë tjetër, siç ka shumë demokratë që duan një çati të re politike. Këtu është momenti për ta çarë shtegun, një opozitë ndryshe. Rruga është malore, por nuk është pashpresë fare. Sot themi që kemi një shpresë të madhe”, theksoi ai./abcnews.al