Një shtetas shqiptar ka përfunduar në prangat e policisë greke, pasi u kap me një sasi të madhe droge. Gjatë operacionit në fshatin Grevena, policia gjeti dhe sekuestroi 271 kilogramë kanabis sativa në një kasolle.
Pas hetimeve kasollja rezultoi të ishte e një shtetas shqiptar, 32 vjeç, ndërsa droga dyshohet se vinte nga Shqipëria. Policia sekuestroi edhe 3 celularë dhe një thikë, që ju gjetën 32-vjeçarit me vete.
Policia greke vijon hetimet për zbardhjen e personave të tjerë të përfshirë në trafikun e drogës.
