Shqipëria i mbylli kualifikueset e Evropianit me një barazim pa gola ndaj Ishujve Faroe.
Në një ndeshje që tifozët e bënë festë shumë orë përpara, ekipi zhgënjeu në fushë, duke marrë vetëm një pikë ndaj ekipit të vendit të fundit të grupit, por mjaftueshëm për të mbyllur eliminatoret në vendin e parë, me 15 pikë, duke lënë pas Republikën Çeke.
Më pas, kuqezinjtë patën dy raste të mira me Uzunin dhe Dakun, por portieri i dytë i ishullorëve reagoi më së miri, duke ruajtur të paprekur rezultatin.
Pjesa e dytë ishte shumë më e vakët, pa raste shënimi, me kuqezinjtë që madje rrezikuan të pësonin gol në minutën e fundit shtesë, pas një goditjeje këndi nga miqtë.