Policia e Kosovës ka arrestuar një tjetër person të dyshuar për sulmet fizike ndaj gazetarëve në Leposaviq më 16 Qershor.
Në një njoftim zyrtar, Policia e Kosovës bën të ditur se është arrestuar shtetasi serb me iniciale U.V., banues në Leposaviq.
Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj gazetarëve.
Të gjitha veprimet e mëtejme do të ndërmerren në bashkëpunim dhe koordinim me organet e drejtësisë.