Sirenat ndezur në solidaritet me policët italianë

Policia e Shtetit është venduar para ambasadës së Italisë në Tiranë dhe ka mbajtur sirenat e saj nderuar për një minutë. Kjo mund të ketë çuditur kalimtarët e rastit, por në fakt u bë për një arsye solidariteti me policinë italiane, që humbi dy efektivë të saj dy ditë më parë.

Policia e Shtetit në solidaritet me Policinë italiane, në shenjë respekti për dy punonjësit e policisë italiane, të cilët dhanë jetën në krye të detyrës, në Trieste të Italisë, paraditen e sotme organizoi një ceremoi para Ambasadës Italiane në Tiranë.Punonjësit e Policisë kanë mbajtur drejtqëndrim dhe për një minutë kanë mbajtur ndezuar sirenat e Policisë.Ambasadori SH. T. Z. Alberto Cutillo ka falënderuar Drejtorin e Përgjithshëm të Policisë së Shtetit dhe punonjësit e Policisë për këtë gjest solidariteti.
Gepostet von Policia e Shtetit am Sonntag, 6. Oktober 2019

Për këtë shenjë solidariteti ka shprehur falenderim dhe mirënjohje edhe ambasadori italian Alberto Cutillo.

Dy policët italianë u vranë në krye të detyrës nga dy vëllezër hajdutë, që ishin arrestuar. Ngjarja ndodhi brenda komisariatit të Triestes në Itali.

HAJDUTI VRET 2 POLICË DHE PLAGOS 3 TË TJERË BRENDA KOMISARIATIT

Ambasadori italian: Gati 20 milionë euro për projektet me Shqipërinë

Ambasadori italian Alberto Cutillo ka deklaruara se Italia është e gatshme të zhvillojë projekte dhe të mbështesë financiarisht qeverinë shqiptare në programe të ndryshme. Këto deklarata Cutillo i bëri pas inspektimit të qendrës së re shëndetësore në Vaun e Dejës, një investim prej 68 milion lekësh, ku një kontribut kryesor kishte edhe Italia.

“Kemi fondet për të nisur një program të ri mbështetje prej 20 milionë euro.” tha Cutolli, ndërsa shtoi se “qeveria italiane është duke pritur qeverinë shqiptare të jetë gati, në mënyrë që të hapim garën për projektet që do të mbështeten në të ardhmen.”

Ashtu si SHBA, edhe Ambasada italiane thirrje qytetarëve: Kujdes nga protesta!

Edhe ambasasa italiane i ka bërë thirrje sot qytetarëve të saj që të kenë kujdes në Tiranë gjatë mbrëmjes së sotme kur do të zhvillohet protesta e opozitës.

Ambasada ka shpërndarë një njoftim përms të cilës këshillon shtetasit e saj që të shmangin grumbullimet dhe turmat e njerëzve gjatë protestës së opozitës.

“E shtunë, më 25 maj 2019, duke filluar nga ora 19.00, do të ketë një protestë politike që do të përfshijë qendrën e Tiranës, në veçanti Bulevardin Dëshmorët e Kombit, pranë zyrës së Kryeministrit”, thotë ambasada Italiane në Tiranë.

Gjithashtu, Ambasada thotë se ngjarja mund të ketë pasoja në trafik dhe në rrugët kryesore të hyrjes në qytet.

Një ditë më parë ishte ambasada amerikane që bëri një thirrje të ngjashme për shtetasit e saj ndërsa theksoi se në protestat e kaluara të opozitës ka pasur dhunë.

https://realstory.al/ambasada-amerikane-paralajmeron-qytetaret-kujdes-ne-protesten-e-kaluar-ka-pasur-dhune/

Ambasada Italiane dënon pa rezerva dhunën në protesta

Edhe ambasada italiane i ka bërë thirrje opozitës t’i jap fund protestave dhe të nisë sa më parë dialogun ndërsa ka dënuar dhunën ndaj ambasadorit të OSBE-së.

Ambasadori Alberto Cutillo ka dënuar kanosjet ndaj Kryetarit të Prezencës së OSBE-së në Shqipëri, veprime të cilat i ka cilësuar si të papranueshme në demokraci.

“E drejta për të protestuar është tipar thelbësor i një demokracie të shëndetshme, por protestat duhet të mbeten paqësore.

Gjatë protestës së dhunshme të 11 majit pati të lënduar në radhët e policisë dhe të protestuesve, si dhe u dëmtuan disa godina publike. Ambasada italiane në Tiranë u bën thirrje udhëheqësve të opozitës që të dënojnë dhunën dhe të garantojnë që protestat e ardhshme të jenë paqësore dhe të qëndrojnë brenda kornizave ligjore. I kërkon gjithashtu forcave të rendit të tregojnë vetëpërmbajtje.

Ambasada e Italisë dënon pa rezervë kanosjet ndaj Kryetarit të Prezencës së OSBE-së në Shqipëri, veprime të papranueshme në një demokraci. Së fundmi, Ambasada italiane u kërkon të gjitha palëve të fillojnë dialogun si mënyra e vetme për të zgjidhur krizën aktuale politike dhe për të mbështetur rrugën e integrimit evropian të Shqipërisë”, shkruan ambasada italiane.