Serbia: Hipokritët flasin për ndikim rus dhe kinez në Ballkan

Kryeministrja e Serbisë Ana Brnabiç i cilësoi hipokritë të gjithë zërat që deklarojnë se Ballkani po kthehet në një zonën nën ndikimin e Rusisë dhe Kinës. Brnabiç tha se marrëveshjet ekonomike të zhvilluar me Rusinë nuk kanë pse shihen si pengën apo ndryshim të kursit evropian për vendet e Ballkanit, por plotësim partneriteti.

Gjëja e rëndësishme për ne është të kemi partneritete në të gjithë botën. Në këtë dritë, unë do të shoh marrëveshjen e tregtisë së lirë që kemi nënshkruar të premten e kaluar me Bashkimin Ekonomik Euroaziatik në Moskë. Nuk e konsideroj se është kundër anëtarësimit tonë në BE ose kundër kursit tonë evropian. Përkundrazi, unë e shoh atë si plotësuese. Unë gjithashtu besoj se diskutimet mbi ndikimin e Kinës dhe Rusisë janë të tepruara. Ne jemi kritikë ndaj investimeve kineze në Serbi, por nëse shohim të dhënat 90% e të gjithë investimeve kineze në Europë janë në Europën Perëndimore” tha Brnabic për Euronews. Beogradi firmosi një marrëveshje të tregtisë së lirë me Bashkimin Ekonomik Euroaziatik (EAEU) të krijuar nga Rusia, edhe pse Brukseli shprehu rezervat e tij për këtë marrëveshje.

Në lidhje me mos hapjen e negociatave për Shqipërinë dhe Maqedoninë e Veriut, Brnabic tha se ky vendim mund të ketë një efekt zinxhir në Ballkan, ku për shkak të problemeve të brendshme të BE mund të bllokohet dhe procesi me Serbinë, pavarësisht punës që ajo ka bërë.

Më duhet të pranoj se procesi i pranimit është shpesh shumë i dhimbshëm dhe zhgënjyes dhe varet nga sfidat e brendshme të  Bashkimit Evropian. Mos fillimi i negociatave me Maqedoninë e Veriut dhe Shqipërinë, besoj, do të thotë herën tjetër që Bashkimi Europian do të vendosë të hapë kapituj për Serbinë, do të jetë në numër shumë konservator, pavarësisht reformave që po kryhen në Serbi” tha Brnabic

Thaçi kërkon ndihmën e BE: Të dënojë gjuhën raciste të kryeministres serbe

Pas Pacollit edhe Presidenti i Kosovës, Hashim Thaçi ka reaguar pas deklaratës së kryeministres serbe Ana Brnabiç e cila tha se “shqiptarët e Kosovës vijnë nga mali”. Në një prononcim për Radion Evropa e Lirë, Thaçi tha se gjuha e përdorur nga kryeministrja e Serbisë është “edhe një tjetër dëshmi e urrejtjes patologjike të regjimit aktual të Serbisë kundër qytetarëve të Kosovës”.

Thaçi kërkoi nga Bashkimi Evropian që sa më shpejt ta dënojë dhe të distancohet nga kjo “gjuhë raciste” e zyrtarëve të Serbisë, e cila, sipas tij, nxit urrejtje dhe i minon përpjekjet për pajtim dhe normalizim.

“Ky veprim nuk paraqet asgjë të re dhe të jashtëzakonshme për ne, sepse ne e dimë shumë mirë karakterin gjenocidial të Serbisë së djeshme dhe asaj të sotme”, tha Thaçi.

“Por, i jashtëzakonshëm dhe zhgënjyes për ne është vetëm fakti i hidhur që BE-ja nuk e dënon këtë sjellje raciste dhe antievropiane të Serbisë. Përkundrazi, BE-ja vazhdon t’i mbajë dyert e hapura për një shtet që ka kryer gjenocid dhe që nuk beson në vlerat evropiane as sot”, tha Thaçi.

Brnabiç i bëri komentet të mërkurën, kur ambasadori i BE-së, Fabrizi, i dorëzoi Raportin e Progresit të Komisionit Evropian.

Pas deklaratës së kryeministres serbe reagoi ministri i Jashtëm i Kosovës, Behxhet Pacolli, i cili madje tha se nuk do lejonte kurrë që Brnabiç të shkelte në Kosovë.

Skip to toolbar